ਤਿੰਨ ਸ਼ਹਿਰਾ ਨੂੰ ਪਵਿੱਤਰ ਦਾ ਦਰਜਾ ਦੇਣਾ ਸਰਕਾਰ ਦਾ ਸ਼ਲਾਘਾਯੋਗ ਕਦਮ : ਲਾਖਣਾ, ਧੁੰਨਾ

ਪੱਤਰ ਪ੍ਰੇਰਕ• ਪੰਜਾਬੀ ਜਾਗਰਣ, ਤਰਨਤਾਰਨ ਪੰਜਾਬ ਸਰਕਾਰ ਵੱਲੋਂ ਪੰਜਾਬ ਵਿਚਲੇ ਤਿੰਨੇ ਤਖਤ ਸਾਹਿਬਾਨਾਂ ਦੇ ਸ਼ਹਿਰਾਂ ਨੂੰ ਪਵਿੱਤਰ ਸ਼ਹਿਰ ਵਿਕਸਿਤ ਕਰਨ ਦਾ ਫੈਸਲਾ ਸ਼ਲਾਘਾਯੋਗ ਹੈ। ਇਸ ਫੈਸਲੇ ਦਾ ਸਵਾਗਤ ਕਰਦਿਆਂ ਚੇਅਰਮੈਨ ਗੁਰਦੇਵ ਸਿੰਘ ਲਾਖਣਾ ਅਤੇ ਹਰਪ੍ਰੀਤ ਸਿੰਘ ਧੁੰਨਾ ਨੇ ਕਿਹਾ ਕਿ ਇਸ ਫੈਸਲੇ ਦੇ ਤਹਿਤ ਸ੍ਰੀ ਅੰਮ੍ਰਿਤਸਰ ਸਾਹਿਬ ਦੇ ਸਾਰੇ ਗੇਟਾਂ ਸੁਲਤਾਨਵਿੰਡ ਗੇਟ, ਸ਼ੇਰਾਂਵਾਲਾ ਗੇਟ, ਹਾਲ ਗੇਟ, ਹਾਥੀ ਗੇਟ, ਖਜ਼ਾਨਾ ਗੇਟ, ਭਗਤਾਂ ਵਾਲਾ ਗੇਟ ਤੇ ਰਾਮਗੜੀਆ ਗੇਟ ਦੇ ਅੰਦਰ ਵਾਲੀ ਆਬਾਦੀ ਦਾ ਏਰੀਆ ਪਵਿੱਤਰ ਸ਼ਹਿਰ ਵਜੋਂ ਵਿਕਸਤ ਹੋਵੇਗਾ। ਇਸ ਨੂੰ ਤੰਬਾਕੂ ਮੁਕਤ, ਮੀਟ, ਸ਼ਰਾਬ ਮੁਕਤ ਏਰੀਆ ਘੋਸ਼ਿਤ ਕੀਤਾ ਜਾਵੇਗਾ। ਇਸ ਦੇ ਨਾਲ ਹੀ ਤਖਤ ਸ੍ਰੀ ਕੇਸਗੜ੍ਹ ਸਾਹਿਬ ਸ੍ਰੀ ਅਨੰਦਪੁਰ ਸਾਹਿਬ ਅਤੇ ਤਖਤ ਸ੍ਰੀ ਦਮਦਮਾ ਸਾਹਿਬ ਤਲਵੰਡੀ ਸਾਬੋ ਨੂੰ ਵੀ ਪਵਿੱਤਰ ਸ਼ਹਿਰ ਦਾ ਦਰਜਾ ਦਿੱਤੇ ਜਾਣ ਦਾ ਫੈਸਲਾ ਕੀਤਾ ਗਿਆ ਹੈ। ਪੰਜਾਬ ਸਰਕਾਰ ਵੱਲੋਂ ਪੰਜਾਬ ਵਿਚਲੇ ਤਿੰਨੇ ਤਖਤ ਸਾਹਿਬਾਨਾਂ ਦੇ ਸ਼ਹਿਰਾਂ ਨੂੰ ਪਵਿੱਤਰ ਸ਼ਹਿਰ ਵਿਕਸਿਤ ਕਰਨ ਨਾਲ ਇਨ੍ਹਾਂ ਸ਼ਹਿਰਾਂ ਦੀ ਸਿੱਖ ਸੰਗਤਾਂ ਅੰਦਰ ਮਹੱਤਤਾ ਹੋਰ ਵੀ ਵਧੇਗੀ।