ਸਰਕਾਰੀ ਹਸਪਤਾਲ 'ਤੇ ਵਿਸ਼ਵਾਸ, ਸਾਲ 'ਚ 5.90 ਲੱਖ ਮਰੀਜ਼ਾਂ ਦੇ ਹੋਏ ਟੈਸਟ

Publish Date:Tue, 21 Mar 2023 06:24 PM (IST)

ਜ਼ਿਲ੍ਹਾ ਸਦਰ ਮੁਕਾਮ ਦੇ ਸਰਕਾਰੀ ਹਸਪਤਾਲ 'ਚ ਇਲਾਜ ਕਰਵਾਉਣ ਲਈ ਆਮ ਲੋਕਾਂ ਦਾ ਭਰੋਸਾ ਵੱਧ ਗਿਆ ਹੈ। ਅਜਿਹਾ ਰੁਝਾਨ ਆਮ ਆਦਮੀ ਪਾਰਟੀ ਦੀ ਸਰਕਾਰ ਬਣਨ ਤੋਂ ਬਾਅਦ ਜ਼ਿਆਦਾ ਦੇਖਣ ਨੂੰ ਮਿਲ ਰਿਹਾ ਹੈ। ਕਿਉਂਕਿ ਸੱਤਾ 'ਚ ਆਉਣ ਤੋ

ਲਖਵੀਰ ਖਾਬੜਾ, ਰੂਪਨਗਰ : ਜ਼ਿਲ੍ਹਾ ਸਦਰ ਮੁਕਾਮ ਦੇ ਸਰਕਾਰੀ ਹਸਪਤਾਲ 'ਚ ਇਲਾਜ ਕਰਵਾਉਣ ਲਈ ਆਮ ਲੋਕਾਂ ਦਾ ਭਰੋਸਾ ਵੱਧ ਗਿਆ ਹੈ। ਅਜਿਹਾ ਰੁਝਾਨ ਆਮ ਆਦਮੀ ਪਾਰਟੀ ਦੀ ਸਰਕਾਰ ਬਣਨ ਤੋਂ ਬਾਅਦ ਜ਼ਿਆਦਾ ਦੇਖਣ ਨੂੰ ਮਿਲ ਰਿਹਾ ਹੈ। ਕਿਉਂਕਿ ਸੱਤਾ 'ਚ ਆਉਣ ਤੋਂ ਤੁਰੰਤ ਬਾਅਦ ਹੀ ਆਮ ਆਦਮੀ ਪਾਰਟੀ ਨੇ ਸਿਵਲ ਹਸਪਤਾਲਾਂ 'ਚ ਲੋਕਾਂ ਨੂੰ ਮਿਆਰੀ ਤੇ ਤੁਰੰਤ ਇਲਾਜ ਮੁਹੱਈਆ ਕਰਵਾਉਣ ਦਾ ਐਲਾਨ ਕੀਤਾ ਸੀ। ਅੰਕੜੇ ਦੱਸਦੇ ਹਨ ਕਿ ਇਕ ਸਾਲ 'ਚ ਵੱਡੀ ਗਿਣਤੀ 'ਚ ਲੋਕ ਇਲਾਜ ਲਈ ਸਰਕਾਰੀ ਹਸਪਤਾਲ ਪਹੁੰਚ ਰਹੇ ਹਨ।

ਸਿਵਲ ਹਸਪਤਾਲ 'ਚ ਮੈਡੀਕਲ ਲੈਬਾਰਟਰੀ 'ਚ ਕੀਤੇ ਗਏ ਟੈਸਟਾਂ ਦੇ ਅੰਕੜਿਆਂ 'ਤੇ ਨਜ਼ਰ ਮਾਰੀਏ ਤਾਂ ਹੈਰਾਨੀ ਹੁੰਦੀ ਹੈ। ਜੀ ਹਾਂ, 5 ਲੱਖ 90 ਹਜ਼ਾਰ 43 ਮਰੀਜ਼ਾਂ ਦੇ ਸਿਰਫ਼ ਖੂਨ, ਪਿਸ਼ਾਬ ਤੇ ਹੈਪੇਟਾਈਟਸ ਬੀ ਤੇ ਸੀ ਦੇ ਟੈਸਟ ਕੀਤੇ ਗਏ ਹਨ। ਇਸ ਤੋਂ ਇਲਾਵਾ ਹੋਰ ਟੈਸਟਾਂ ਦੀ ਗਿਣਤੀ ਵੀ ਹਜ਼ਾਰਾਂ 'ਚ ਹੈ। ਖੂਨ ਦੇ ਨਮੂਨੇ ਲੈ ਕੇ ਮਰੀਜ਼ਾਂ 'ਤੇ ਕੀਤੇ ਗਏ ਟੈਸਟਾਂ ਦੀ ਗਿਣਤੀ 5 ਲੱਖ 60 ਹਜ਼ਾਰ 142 ਹੈ। ਜਦਕਿ ਪਿਸ਼ਾਬ ਦੇ ਸੈਂਪਲ ਲੈ ਕੇ 18 ਹਜ਼ਾਰ 823 ਟੈਸਟ ਤੇ ਹੈਪੇਟਾਈਟਸ ਸੀ ਤੇ ਬੀ ਦੇ 11 ਹਜ਼ਾਰ 78 ਟੈਸਟ ਕੀਤੇ ਗਏ ਹਨ।

Also Read

Major reshuffle in this department of Punjab many officers including five deputy directors have changed Read list

ਪੰਜਾਬ ਦੇ ਇਸ ਵਿਭਾਗ 'ਚ ਵੱਡਾ ਫੇਰਬਦਲ, ਪੰਜ ਡਿਪਟੀ ਡਾਇਰੈਕਟਰਾਂ ਸਣੇ ਕਈ ਅਫ਼ਸਰ ਬਦਲੇ; ਪੜ੍ਹੋ ਲਿਸਟ

ਜ਼ਿਲ੍ਹਾ ਹਸਪਤਾਲ ਦੀ ਮੈਡੀਕਲ ਲੈਬਾਰਟਰੀ ਦੀ ਇੰਚਾਰਜ ਡਾ. ਭਵਲੀਨ ਕੌਰ ਨੇ ਦੱਸਿਆ ਕਿ ਮੈਡੀਕਲ ਲੈਬਾਰਟਰੀ ਦਾ ਸਟਾਫ਼ ਪੂਰੀ ਤਨਦੇਹੀ ਨਾਲ ਆਪਣੀ ਡਿਊਟੀ ਕਰ ਰਿਹਾ ਹੈ। ਸਟਾਫ ਦੀ ਤਰਜੀਹ ਇਹ ਹੈ ਕਿ ਟੈਸਟ ਸਹੀ ਢੰਗ ਨਾਲ ਕੀਤੇ ਜਾਣ ਤੇ ਲੋਕਾਂ ਨੂੰ ਉਨ੍ਹਾਂ ਦੇ ਟੈਸਟਾਂ ਦੀਆਂ ਰਿਪੋਰਟਾਂ ਸਮੇਂ ਸਿਰ ਦਿੱਤੀਆਂ ਜਾਣ। ਤਾਂ ਜੋ ਲੋਕਾਂ ਦਾ ਸਮੇਂ ਸਿਰ ਇਲਾਜ ਸੰਭਵ ਹੋ ਸਕੇ।

'ਆਪ' ਲੋਕਾਂ ਨੂੰ ਸਿਹਤ ਸਹੂਲਤਾਂ ਦੇਣ ਲਈ ਵਚਨਬੱਧ : ਸੁਰਜਨ ਸਿੰਘ

ਆਮ ਆਦਮੀ ਪਾਰਟੀ ਦੀ ਜ਼ਲਿ੍ਹਾ ਇਕਾਈ ਦੇ ਖਜ਼ਾਨਚੀ ਸੁਰਜਨ ਸਿੰਘ ਨੇ ਕਿਹਾਕਿ ਆਪ ਸਰਕਾਰ ਲੋਕਾਂ ਨੂੰ ਵਧੀਆ ਸਿਹਤ ਸਹੂਲਤ ਦੇਣ ਲਈ ਵਚਨਬੱਧ ਹੈ ਕਿਉਕਿ ਪਿਛਲੀਆਂ ਸਰਕਾਰਾਂ ਦੀ ਨਲਾਇਕੀ ਕਾਰਨ ਲੋਕਾਂ ਦਾ ਵਿਸ਼ਵਾਸ਼ ਉੱਠ ਗਿਆ ਸੀ । ਸੁਰਜਨ ਸਿੰਘ ਨੇ ਦਾਅਵਾ ਕੀਤਾ ਕਿ ਜਦੋਂ ਤੋਂ ਆਪ ਦੀ ਸਰਕਾਰ ਬਣੀ ਹੈ ਉਦੋਂ ਤੋਂ ਸਰਕਾਰੀ ਹਸਪਤਾਲਾਂ ਵਿਚ ਲੋਕਾਂ ਨੂੰ ਵਧੀਆ ਸਿਹਤ ਸਹੂਲਤਾਂ ਮਿਲ ਰਹੀਆ ਹੈ ਕਿਉਕਿ ਹੁਣ ਅੰਕੜੇ ਬੋਲ ਰਹੇ ਹਨ ।ਉਨਾਂ੍ਹ ਕਿਹਾਕਿ ਸਰਕਾਰ ਹੋਰ ਵੀ ਵਧੇਰੇ ਸਿਹਤ ਸਹੂਲਤਾਂ ਦੇਣ ਲਈ ਕੰਮ ਕਰ ਰਹੀ ਹੈ ਜਿਸ ਦੇ ਨਤੀਜੇ ਆਉਣ ਵਾਲੇ ਦਿਨਾ ਵਿਚ ਜਨਤਾ ਦੇ ਸਾਹਮਣੇ ਆਉਣਗੇ।

2022 'ਚ ਕੀਤੇ ਗਏ ਕੁੱਲ ਟੈਸਟ

ਖੂਨ ਦੇ ਨਮੂਨੇ 560142 'ਤੇ ਕੀਤੇ ਗਏ ਟੈਸਟ

ਪਿਸ਼ਾਬ ਦੇ ਨਮੂਨੇ 18823 'ਤੇ ਕੀਤੇ ਗਏ ਟੈਸਟ

ਹੈਪੇਟਾਈਟਸ ਬੀ ਤੇ ਸੀ ਟੈਸਟ 11078

ਸਾਲ 2022 'ਚ ਕੀਤੇ ਗਏ ਮਾਸਿਕ ਖੂਨ ਦੇ ਨਮੂਨਿਆਂ ਨਾਲ ਟੈਸਟ

ਮਹੀਨਾ ਟੈਸਟ ਦੀ ਗਿਣਤੀ

ਜਨਵਰੀ -17210

ਫਰਵਰੀ -33130

ਮਾਰਚ -46947

ਅਪ੍ਰਰੈਲ -45959

ਮਈ -52210

ਜੂਨ -48830