‘ਮੇਰਾ ਹੱਸਦਾ-ਖੇਡਦਾ ਉਜਾੜਿਆ ਪਰਿਵਾਰ, ਬਿਲਖਦੀ ASI ਦੀ ਪਤਨੀ ਨੇ ਕਿਹਾ- ਕੋਈ ਦੱਸੋ ਕਸੂਰ ਕਿਉਂ ਕੀਤਾ ਕਤਲ
ਪਿੰਡ ਘਣੀਏ-ਕੇ-ਬਾਂਗਰ ਦੇ ਰਹਿਣ ਵਾਲੇ ਏ.ਐੱਸ.ਆਈ. (ASI) ਜੋਗਾ ਸਿੰਘ ਦੀ ਅੰਮ੍ਰਿਤਸਰ ਦੇ ਮਜੀਠਾ ਰੋਡ 'ਤੇ ਐਤਵਾਰ ਨੂੰ ਗੋਲੀਆਂ ਮਾਰ ਕੇ ਹੱਤਿਆ ਕਰ ਦਿੱਤੀ ਗਈ। ਜੋਗਾ ਸਿੰਘ ਦੇ ਕਤਲ ਤੋਂ ਬਾਅਦ ਪਿੰਡ ਅਤੇ ਇਲਾਕੇ ਵਿੱਚ ਮਾਤਮ ਛਾਇਆ ਹੋਇਆ ਹੈ।
Posted By Anuradha Bains
Publish Date: Sun, 24 May 2026 04:34 PM (IST)
Updated Date: Sun, 24 May 2026 04:46 PM (IST)
ਜਾਗਰਣ ਸੰਵਾਦਦਾਤਾ, ਬਟਾਲਾ। ਪਿੰਡ ਘਣੀਏ-ਕੇ-ਬਾਂਗਰ ਦੇ ਰਹਿਣ ਵਾਲੇ ਏ.ਐੱਸ.ਆਈ. (ASI) ਜੋਗਾ ਸਿੰਘ ਦੀ ਅੰਮ੍ਰਿਤਸਰ ਦੇ ਮਜੀਠਾ ਰੋਡ 'ਤੇ ਐਤਵਾਰ ਨੂੰ ਗੋਲੀਆਂ ਮਾਰ ਕੇ ਹੱਤਿਆ ਕਰ ਦਿੱਤੀ ਗਈ। ਜੋਗਾ ਸਿੰਘ ਦੇ ਕਤਲ ਤੋਂ ਬਾਅਦ ਪਿੰਡ ਅਤੇ ਇਲਾਕੇ ਵਿੱਚ ਮਾਤਮ ਛਾਇਆ ਹੋਇਆ ਹੈ।
ਮ੍ਰਿਤਕ ਜੋਗਾ ਸਿੰਘ ਦੀ ਪਤਨੀ ਰਾਜਵਿੰਦਰ ਕੌਰ ਰੋਂਦੀ-ਵਿਲਕਦੀ ਹੋਈ ਕਾਤਲਾਂ ਨੂੰ ਇਹੀ ਸਵਾਲ ਕਰਦੀ ਦਿਖੀ ਕਿ ਮੇਰੇ "ਸਾਧ" (ਸਿੱਧੇ-ਸਾਧੇ ਪਤੀ) ਨੂੰ ਕਿਉਂ ਮਾਰ ਦਿੱਤਾ, ਕੋਈ ਜੋਗਾ ਸਿੰਘ ਦਾ ਕੋਈ ਕਸੂਰ ਤਾਂ ਦੱਸ ਦਿਓ, ਉਨ੍ਹਾਂ ਦਾ ਕਤਲ ਕਿਉਂ ਕੀਤਾ ਹੈ।
ਜੇਕਰ ਕਾਤਲਾਂ ਨੂੰ ਜੋਗਾ ਸਿੰਘ ਦੀ ਪੁਲਿਸ ਦੀ ਨੌਕਰੀ ਤੋਂ ਕੋਈ ਪਰੇਸ਼ਾਨੀ ਸੀ ਤਾਂ ਉਹ ਇੱਕ ਵਾਰ ਦੱਸ ਦਿੰਦੇ, ਜੋਗਾ ਸਿੰਘ ਖੁਦ ਨੌਕਰੀ ਛੱਡ ਦਿੰਦੇ। ਮੇਰਾ ਹੱਸਦਾ-ਖੇਡਦਾ ਪਰਿਵਾਰ ਕਾਤਲਾਂ ਨੇ ਉਜਾੜ ਦਿੱਤਾ। ਮੇਰੇ ਬੱਚਿਆਂ ਦਾ ਪਿਓ ਖੋਹ ਲਿਆ ਗਿਆ।
ਜੇਕਰ ਕਾਤਲ ਮੇਰੀ ਗੱਲ ਸੁਣ ਰਹੇ ਹਨ ਅਤੇ ਜੇਕਰ ਉਹ ਛੋਟੀ ਉਮਰ ਦੇ ਹਨ ਤਾਂ ਉਹ ਮੇਰੇ ਭਰਾ ਹਨ ਜਾਂ ਫਿਰ ਪੁੱਤ ਹਨ, ਉਨ੍ਹਾਂ ਨੂੰ ਉਨ੍ਹਾਂ ਦੀ ਮਾਂ ਦਾ ਵਾਸਤਾ, ਉਹ ਮੈਨੂੰ ਫ਼ੋਨ ਕਰਕੇ ਹੀ ਦੱਸ ਦੇਣ ਕਿ ਜੋਗਾ ਸਿੰਘ ਦਾ ਕਸੂਰ ਕੀ ਸੀ। ਜੋਗਾ ਸਿੰਘ ਤਾਂ ਆਪਣੇ ਖੁਦ ਦੇ ਪੈਸਿਆਂ ਨਾਲ ਲੋਕਾਂ ਨੂੰ ਚਾਹ ਤੱਕ ਪਿਲਾਉਂਦੇ ਸਨ। ਅੱਜ ਤੱਕ ਉਨ੍ਹਾਂ ਨੇ ਕਿਸੇ ਤੋਂ ਕੋਈ ਪੈਸਾ ਨਹੀਂ ਲਿਆ ਸੀ। ![naidunia_image]()
ਉਨ੍ਹਾਂ ਨੇ ਖੁਦ ਜੋਗਾ ਸਿੰਘ ਨੂੰ ਘਰੋਂ ਤੋਰਿਆ ਸੀ। ਪਤਾ ਨਹੀਂ ਸੀ ਕਿ ਉਨ੍ਹਾਂ ਦੇ ਪਤੀ ਦਾ ਕਤਲ ਕਰ ਦਿੱਤਾ ਜਾਵੇਗਾ। ਰਾਜਵਿੰਦਰ ਕੌਰ ਨੇ ਭਟਕ ਚੁੱਕੇ ਨੌਜਵਾਨਾਂ ਨੂੰ ਰੋਂਦੇ ਹੋਏ ਅਪੀਲ ਕੀਤੀ ਕਿ ਸਮਾਜ ਵਿਰੋਧੀ ਅਨਸਰਾਂ ਦੇ ਹੱਥੇ ਚੜ੍ਹ ਕੇ ਲੋਕਾਂ ਦੇ ਹੱਸਦੇ-ਖੇਡਦੇ ਪਰਿਵਾਰਾਂ ਨੂੰ ਨਾ ਉਜਾੜਨ।
ਸਕੂਟਰੀ 'ਤੇ ਡਿਊਟੀ ਲਈ ਨਿਕਲੇ ਸਨ ASI ਜੋਗਾ ਸਿੰਘ
ਮ੍ਰਿਤਕ ਜੋਗਾ ਸਿੰਘ ਦੇ ਭਰਾ ਦਲਜੀਤ ਸਿੰਘ ਨੇ ਦੱਸਿਆ ਕਿ ਜੋਗਾ ਸਿੰਘ ਰੋਜ਼ਾਨਾ ਹੀ ਅੰਮ੍ਰਿਤਸਰ ਡਿਊਟੀ ਕਰਨ ਲਈ ਕਾਰ ਵਿੱਚ ਜਾਂਦੇ ਸਨ। ਐਤਵਾਰ ਸਵੇਰੇ ਕਰੀਬ ਸਾਢੇ ਪੰਜ ਵਜੇ ਜਦੋਂ ਉਹ ਡਿਊਟੀ 'ਤੇ ਜਾਣ ਲਈ ਗੱਡੀ ਕੱਢਣ ਲੱਗੇ ਤਾਂ ਟਾਇਰ ਪੰਕਚਰ ਮਿਲਿਆ। ਇਸ ਦੇ ਚਲਦਿਆਂ ਉਹ ਘਰੋਂ ਸਕੂਟਰੀ ਲੈ ਕੇ ਗਏ ਸਨ। ਰਸਤੇ ਵਿੱਚ ਹੀ ਉਨ੍ਹਾਂ ਦਾ ਕਤਲ ਕਰ ਦਿੱਤਾ ਗਿਆ। ![naidunia_image]()
ਮ੍ਰਿਤਕ ਜੋਗਾ ਸਿੰਘ ਦੇ ਪਰਿਵਾਰ ਵਿੱਚ ਇੱਕ ਪੁੱਤਰ ਅਤੇ ਧੀ ਹੈ, ਜੋ ਵਿਦੇਸ਼ ਵਿੱਚ ਰਹਿੰਦੇ ਹਨ। ਬੱਚਿਆਂ ਦੇ ਆਉਣ ਤੋਂ ਬਾਅਦ ਹੀ ਜੋਗਾ ਸਿੰਘ ਦਾ ਉਨ੍ਹਾਂ ਦੇ ਜੱਦੀ ਪਿੰਡ ਘਣੀਏ-ਕੇ-ਬਾਂਗਰ ਵਿੱਚ ਅੰਤਿਮ ਸੰਸਕਾਰ ਕੀਤਾ ਜਾਵੇਗਾ।