ਮੂਰਤੀ ਸਥਾਪਨਾ ਸਮਾਗਮ ਦਾ ਕਾਰਡ ਜਾਰੀ

ਬਲਦੇਵ ਸਿੰਘ ਸਿੱਧੂ, ਪੰਜਾਬੀ ਜਾਗਰਣ

ਭੀਖੀ : ਜੈ ਕਾਲੀ ਮਾਤਾ ਚੈਰੀਟੇਬਲ ਐਂਡ ਵੈੱਲਫ਼ੇਅਰ ਭੀਖੀ ਵੱਲੋਂ ਸਾਲਾਨਾ ਮੂਰਤੀ ਸਥਾਪਨਾ ਸਮਾਰੋਹ ਸਥਾਨਕ ਸ਼੍ਰੀ ਕਾਲੀ ਮਾਤਾ ਮੰਦਿਰ ਵਿਖੇ ਕਰਵਾਇਆ ਜਾਵੇਗਾ। ਇਸ ਦਾ ਕਾਰਡ ਮਾਤਾ ਦੇ ਚਰਨਾਂ ਵਿੱਚ ਅਰਪਿਤ ਕਰਨ ਬਾਅਦ ਜਾਰੀ ਕੀਤਾ ਗਿਆ। ਇਸ ਮੌਕੇ ਜਾਣਕਾਰੀ ਦਿੰਦਿਆਂ ਕਮੇਟੀ ਦੇ ਚੇਅਰਮੈਨ ਵਿਵੇਕ ਜੈਨ ਬੱਬੂ, ਪ੍ਰਧਾਨ ਅਮਨਦੀਪ ਮਿੱਤਲ ਦੀਪੂ ਅਤੇ ਪ੍ਰੈਸ ਸਕੱਤਰ ਜਤਿੰਦਰ ਵਿੱਕੀ ਮੋੜੀਗੱਡ ਨੇ ਦੱਸਿਆ ਕਿ 13 ਦਸੰਬਰ ਨੂੰ ਮੰਦਿਰ ਦਾ ਸਲਾਨਾ ਮੂਰਤੀ ਸਥਾਪਨਾ ਸਮਾਰੋਹ ਆਯੋਜਿਤ ਕੀਤਾ ਜਾਵੇਗਾ। ਇਸ ਦੌਰਾਨ 1 ਦਸੰਬਰ ਤੋਂ 11 ਦਸੰਬਰ ਤੱਕ ਸਵੇਰੇ ਨਗਰ ਵਿੱਚ ਰੋਜ਼ਾਨਾ ਪ੍ਰਭਾਤ ਫ਼ੇਰੀ ਹੋਵੇਗੀ ਅਤੇ 11 ਦਸੰਬਰ ਨੂੰ ਸ਼੍ਰੀ ਰਾਮਾਇਣ ਪਾਠ ਦਾ ਪ੍ਰਕਾਸ਼ ਹੋਵੇਗਾ। 12 ਦਸੰਬਰ ਨੂੰ ਭੋਗ ਪਾਇਆ ਜਾਵੇਗਾ। ਉਨ੍ਹਾਂ ਦੱਸਿਆ ਕਿ 13 ਦਸੰਬਰ ਨੂੰ ਸਵੇਰੇ ਸ਼ਾਹੀ ਇਸ਼ਨਾਨ ਹੋਵੇਗਾ ਅਤੇ ਪੂਜਨ ਕਰਵਾਇਆ ਜਾਵੇਗਾ। ਸ਼ਾਮ ਨੂੰ ਵਿਸ਼ਾਲ ਭਗਵਤੀ ਜਗਰਾਤਾ ਕਰਵਾਇਆ। ਇਸ ਦੌਰਾਨ ਪ੍ਰਸਿੱਧ ਭਜਨ ਗਾਇਕ ਦੀਪੂ ਰਾਜਦਾਨ ਸੰਗਰੂਰ ਅਤੇ ਦੀਪਕ ਸੋਨੀ ਮਾਨਸਾ ਮਾਤਾ ਦਾ ਗੁਨਗਾਣ ਕਰਨਗੇ। ਉਨ੍ਹਾਂ ਸਮੂਹ ਸ਼ਹਿਰ ਵਾਸੀਆਂ ਅਤੇ ਮਾਤਾ ਦੇ ਭਗਤਾਂ ਨੂੰ ਸਮਾਗਮ ਵਿੱਚ ਸ਼ਮੂਲੀਅਤ ਕਰਨ ਦੀ ਅਪੀਲ ਕੀਤੀ। ਕਾਰਡ ਜਾਰੀ ਕਰਨ ਸਮੇਂ ਦੀਪੂ ਅਲੀਸ਼ੇਰ, ਰਵਿੰਦਰ ਗਰਗ ਮੋੜੀਗੱਡ, ਮਨੌਜ ਸਿੰਗਲਾ, ਨਿਤਿਨ ਮਿੱਤਲ, ਰਿੰਕੂ ਗੋਇਲ, ਵਰਿੰਦਰ ਮਿੱਤਲ, ਸੌਰਵ ਮਿੱਤਲ ਤੋਂ ਇਲਾਵਾ ਪੰਡਤ ਬਲਰਾਮ ਵਿਆਸ ਆਦਿ ਹਾਜ਼ਰ ਸਨ।