ਮਾਂ ਦੀ ਮੌਤ ਤੋਂ ਬਾਅਦ ਮਤਰੇਈ ਭੈਣ ਦੀ ਕੀਤੀ ਬੁਰੀ ਤਰ੍ਹਾਂ ਕੁੱਟਮਾਰ

-ਕਿਰਿਆ ਦੇ ਦੌਰਾਨ ਘਰ ਦੇ ਹੇਠਲੇ ਪੋਰਸ਼ਨ –ਤੇ ਲਗਾਏ ਤਾਲੇ -ਸਾਊਥ ਸਿਟੀ ਦੇ ਰਹਿਣ ਵਾਲੇ ਤਿੰਨ ਵਿਅਕਤੀਆਂ ਦੇ ਖਿਲਾਫ਼ ਮੁਕੱਦਮਾ ਦਰਜ ਸੁਸ਼ੀਲ ਕੁਮਾਰ ਸ਼ਸ਼ੀ ,ਪੰਜਾਬੀ ਜਾਗਰਣ ਲੁਧਿਆਣਾ ਮਤਰੇਈ ਭੈਣ ਦੀ ਕੁੱਟਮਾਰ ਕਰਨ ਤੋਂ ਬਾਅਦ ਘਰ ਦੇ ਹੇਠਲੇ ਪੋਰਸ਼ਨ ’ਤੇ ਤਾਲੇ ਲਗਾ ਦਿੱਤੇ ਗਏ। ਇਸ ਮਾਮਲੇ ਵਿੱਚ ਥਾਣਾ ਪੀਏਯੂ ਦੀ ਪੁਲਿਸ ਨੇ ਕੰਟਰੀ ਹੋਮ ਨੌਰਥ ਸਾਊਥ ਸਿਟੀ ਦੀ ਰਹਿਣ ਵਾਲੀ ਗੀਤਾਂਜਲੀ ਬਾਂਧਾ ਦੀ ਸ਼ਿਕਾਇਤ ’ਤੇ ਛਾਬੜਾ ਕਲੋਨੀ ਦੇ ਵਾਸੀ ਦੀਪਕ ਮਹਿੰਦਰਾ, ਗੌਰਵ ਮਹਿੰਦਰਾ ਅਤੇ ਸਾਊਥ ਸਿਟੀ ਦੇ ਰਹਿਣ ਵਾਲੇ ਗੁਲਸ਼ਨ ਅਰੋੜਾ ਦੇ ਖਿਲਾਫ ਕੇਸ ਦਰਜ ਕਰ ਲਿਆ ਹੈ। ਥਾਣਾ ਪੀਏਯੂ ਦੀ ਪੁਲਿਸ ਨੂੰ ਸ਼ਿਕਾਇਤ ਦਰਜ ਕਰਵਾਉਂਦਿਆਂ ਕੰਟਰੀ ਹੋਮ ਬੀ ਵਨ ਨੌਰਥ ਸਾਊਥ ਸਿਟੀ ਦੀ ਰਹਿਣ ਵਾਲੀ ਗੀਤਾਂਜਲੀ ਨੇ ਦੱਸਿਆ ਕਿ ਉਸ ਦੀ ਮਾਤਾ ਰੇਨੂ ਮਹਿੰਦਰਾ ਨੇ ਦੋ ਵਿਆਹ ਕਰਵਾਏ ਸਨ। ਦੂਸਰੇ ਪਤੀ ਦਾ ਲੜਕਾ ਦੀਪਕ ਮਹਿੰਦਰਾ ਨੇ ਉਸ ਦੀ ਮਾਤਾ ਦੀ ਮੌਤ ਤੋਂ ਬਾਅਦ ਕੁਝ ਹਫਤੇ ਪਹਿਲੋਂ ਉਸ ਨੂੰ ਰਸਤੇ ਵਿੱਚ ਘੇਰ ਗਾਲੀ ਗਲੋਚ ਕਰਨ ਤੋਂ ਬਾਅਦ ਉਸਦੀ ਕੁੱਟਮਾਰ ਕੀਤੀ। ਜਿਵੇਂ ਹੀ ਉਹ ਆਪਣੀ ਮਾਤਾ ਦੀ ਕਿਰਿਆ ਲਈ ਹਰਿਦੁਆਰ ਗਈ, ਤਾਂ ਮੁਲਜਮਾਂ ਨੇ ਗੀਤਾਂਜਲੀ ਦੇ ਘਰ ਦੇ ਹੇਠਾਂ ਵਾਲੇ ਕਮਰਿਆਂ ਦੇ ਤਾਲੇ ਬਦਲ ਕੇ ਗਰਾਊਂਡ ਫਲੋਰ ਤੇ ਕਬਜ਼ਾ ਕਰਨ ਦੀ ਕੋਸ਼ਿਸ਼ ਕੀਤੀ। ਉਧਰੋਂ ਇਸ ਮਾਮਲੇ ਵਿੱਚ ਜਾਂਚ ਅਧਿਕਾਰੀ ਲਖਬੀਰ ਸਿੰਘ ਨੇ ਦੱਸਿਆ ਕਿ ਪੁਲਿਸ ਨੇ ਗੀਤਾਂਜਲੀ ਦੀ ਸ਼ਿਕਾਇਤ ਤੇ ਦੀਪਕ ਮਹਿੰਦਰਾ, ਗੌਰਵ ਮਹਿੰਦਰਾ ਅਤੇ ਗੁਲਸ਼ਨ ਅਰੋੜਾ ਦੇ ਖਿਲਾਫ ਕੇਸ ਦਰਜ ਕਰ ਲਿਆ ਹੈ।