ਸੁਖਦੇਵ ਗਰਗ, ਜਗਰਾਓਂ : ਸਪਰਿੰਗ ਡਿਊ ਸਕੂਲ ਵਿਖੇ ਸ਼ੁੱਕਰਵਾਰ ਸੋਸ਼ਲ ਮੀਡੀਆ ਦੀ ਸਹੀ ਵਰਤੋਂ ਤੇ ਇਸ ਦੇ ਸਦਉਪਯੋਗ ਵਿਸ਼ੇ ਤੇ ਐਲੀਮੈਂਟਰੀ ਤੇ ਸੈਕੰਡਰੀ ਵਿਸ਼ੇ ਦੇ ਬੱਚਿਆਂ ਦੀ ਕਲਾਸਾਂ ਦਾ ਸੈਮੀਨਾਰ ਕਰਵਾਇਆ ਗਿਆ। ਪਿੰ੍ਸੀਪਲ ਨਵਨੀਤ ਚੌਹਾਨ ਨੇ ਦੱਸਿਆ ਸੈਮੀਨਾਰ 'ਚ ਅਧਿਆਪਕ ਕਰਮਜੀਤ ਨੇ ਬੱਚਿਆਂ ਨੂੰ ਦੱਸਿਆ ਆਧੁਨਿਕ ਸਮੇਂ 'ਚ ਸੋਸ਼ਲ ਮੀਡੀਆ ਦੇ ਪ੍ਰਭਾਵ ਤੋ ਮੁਕਤ ਹੋਣਾ ਅਸੰਭਵ ਹੈ ਪਰ ਹਮੇਸ਼ਾ ਇਸ ਦੀ ਸਹੀ ਵਰਤੋ ਕਰ ਕੇ ਹੀ ਅੱਗੇ ਵਧਿਆ ਜਾ ਸਕਦਾ ਹੈ।

ਵਰਕਸ਼ਾਪ 'ਚ ਬੱਚਿਆਂ ਨੂੰ ਸੋਸ਼ਲ ਮੀਡੀਆ ਦੇ ਮਾੜੇ ਪ੍ਰਭਾਵਾਂ ਨੂੰ ਪ੍ਰਦਰਸ਼ਿਤ ਕਰਦਾ ਸਲਾਈਡ ਸ਼ੋਅ ਕਰਮਜੀਤ ਕੌਰ ਕੰਪਿਊਟਰ ਵਿਭਾਗ ਨੇ ਪੇਸ਼ ਕੀਤਾ ਜਿਸ 'ਚ ਬੱਚਿਆਂ ਨੂੰ ਦੱਸਿਆ ਕਿ ਕਿਸ ਤਰ੍ਹਾਂ ਸੋਸ਼ਲ ਮੀਡੀਆ ਸਾਡੇ ਸਰੀਰਕ ਮਾਨਸਿਕ ਤੇ ਤੰਤਰ ਪ੍ਰਣਾਲੀ ਨੂੰ ਪ੍ਰਭਾਵਿਤ ਕਰ ਕੇ ਆਪਣੇ ਮਾੜੇ ਪ੍ਰਭਾਵ ਛੱਡਦਾ ਹੈ। ਇਸ ਦੇ ਨਾਲ ਸਾਡਾ ਕੀਮਤੀ ਸਮਾਂ ਨਸ਼ਟ ਹੁੰਦਾ ਹੈ। ਸਾਨੂੰ ਹਮੇਸ਼ਾ ਸਾਵਧਾਨੀ ਪੂਰਵਕ ਇਸ ਦੀ ਵਰਤੋ ਕਰਨੀ ਚਾਹੀਦੀ ਹੈ। ਇਸ ਦੇ ਦੁਰਵਰਤੋਂ ਕਈ ਵਾਰ ਸਾਨੂੰ ਵੱਡੀਆਂ ਸਮੱਸਿਆਵਾਂ ਵਿੱਚ ਫਸਾ ਸਕਦੀ ਹੈ।

ਇਸ ਦੌਰਾਨ ਸਕੂਲ ਮੈਨੇਜਮੈਂਟ ਵੱਲੋਂ ਵਾਈਸ ਪਿੰ੍ਸੀਪਲ ਬੇਅੰਤ ਕੁਮਾਰ, ਚੇਅਰਮੈਨ ਬਲਦੇਵ ਬਾਵਾ, ਪ੍ਰਧਾਨ ਮਨਜੋਤ ਕੁਮਾਰ, ਮੈਨੇਜਿੰਗ ਡਾਇਰੈਕਟਰ ਸੁਖਵਿੰਦਰ ਸਿੰਘ, ਮੈਨੇਜਰ ਮਨਦੀਪ ਚੌਹਾਨ ਤੇ ਸਮੂਹ ਅਧਿਆਪਕ ਹਾਜ਼ਰ ਸਨ।