ਹਰਮੇਸ਼ ਸਰੋਆ, ਫਗਵਾੜਾ

ਸਰਬ ਨੌਜਵਾਨ ਸਭਾ (ਰਜਿ) ਫਗਵਾੜਾ ਵਲੋਂ ਸਭਾ ਦੇ ਪ੍ਰਧਾਨ ਸੁਖਵਿੰਦਰ ਸਿੰਘ ਦੀ ਅਗਵਾਈ ਹੇਠ ਪਿੰਡ ਪੱਧਰ 'ਤੇ ਵਣ-ਮਹਾਂਉਤਸਵ ਦੀ ਮੁਹਿੰਮ ਅਰੰਭਦਿਆਂ “ਆਓ ਸਾਰੇ ਬੂਟੇ ਲਾਈਏ, ਜਿੰਨੇ ਲਾਈਏ ਓਨੇ ਬਚਾਈਏ'' ਅਤੇ “ਰੁੱਖ ਲਗਾਓ, ਵਾਤਾਵਰਨ ਬਚਾਓ'' ਮੁਹਿੰਮ ਤਹਿਤ ਪਿੰਡ ਮਸਤਨਗਰ ਵਿਖੇ 150 ਬੂਟੇ ਲਗਾਏ ਗਏ। ਬੂਟੇ ਲਗਾਉਣ ਸਬੰਧੀ ਸਮਾਗਮ ਵਿਚ ਮੁੱਖ ਮਹਿਮਾਨ ਵਜੋਂ ਹਲਕਾ ਵਿਧਾਇਕ ਬਲਵਿੰਦਰ ਸਿੰਘ ਧਾਲੀਵਾਲ ਸ਼ਾਮਿਲ ਹੋਏ । ਉਨਾਂ੍ਹ ਸਭਾ ਵਲੋਂ ਵਾਤਾਵਰਣ ਸੁਰੱਖਿਆ ਦੇ ਲਿਹਾਜ ਨਾਲ ਕੀਤੇ ਜਾਂਦੇ ਇਸ ਉਪਰਾਲੇ ਦੀ ਸ਼ਲਾਘਾ ਕਰਦਿਆਂ ਕਿਹਾ ਕਿ ਵੱਧ ਤੋਂ ਵੱਧ ਬੂਟੇ ਲਾ ਕੇ ਹੀ ਵਾਤਾਵਰਨ ਦੀ ਸੰਭਾਲ ਕੀਤੀ ਜਾ ਸਕਦੀ ਹੈ ਅਤੇ ਇਹ ਗਲੋਬਲ ਵਾਰਮਿੰਗ ਦੇ ਇਸ ਦੌਰ 'ਚ ਸਮੇਂ ਦੀ ਲੋੜ ਹੈ। ਉਨ੍ਹਾ ਦੱਸਿਆ ਕਿ ਫਗਵਾੜਾ ਬਲਾਕ ਵਿਚ ਵਣ ਵਿਭਾਗ ਅਤੇ ਸਮਾਜ ਸੇਵੀ ਸੰਸਥਾਵਾਂ ਦੇ ਸਹਿਯੋਗ ਨਾਲ ਇਕ ਲੱਖ ਬੂਟੇ ਲਗਾਏ ਜਾਣਗੇ ਅਤੇ ਉਹਨਾ ਦੀ ਸੰਭਾਲ ਦਾ ਉੱਚ ਪੱਧਰਾ ਪ੍ਰਬੰਧ ਵੀ ਕੀਤਾ ਜਾਵੇਗਾ। ਸੂਬੇ ਪੰਜਾਬ ਵਿਚ ਦਰੱਖਤਾਂ ਦੇ ਵਢਾਂਗੇ ਕਾਰਨ ਖਰਾਬ ਹੋਈ ਸਥਿਤੀ ਨੂੰ ਲੈ ਕੇ ਚਿੰਤਾ ਦਾ ਪ੍ਰਗਟਾਵਾ ਕਰਦਿਆਂ ਵਿਧਾਇਕ ਧਾਲੀਵਾਲ ਨੇ ਕਿਹਾ ਕਿ ਪੰਜਾਬ ਸਰਕਾਰ ਵਲੋਂ ਪਹਿਲ ਕਦਮੀ ਕਰਕੇ ਪੰਜਾਬ ਦੇ ਕੋਨੇ-ਕੋਨੇ ਖਾਲੀ ਥਾਵਾਂ ਉੱਤੇ ਬੂਟੇ ਲਗਾਉਣ ਦੀ ਮੁਹਿੰਮ ਛੇੜੀ ਗਈ ਹੈ। ਪ੍ਰਧਾਨਗੀ ਮੰਡਲ ਵਿਚ ਸ਼ਾਮਲ ਉਦਯੋਗਪਤੀ ਜਤਿੰਦਰ ਸਿੰਘ ਕੁੰਦੀ ਮਲਟੀਪਲ ਕੌਂਸਲ ਚੇਅਰਮੈਨ ਅਲਾਂਇੰਸ ਇੰਟਰਨੈਸ਼ਨਲ ਨੇ ਕਿਹਾ ਕਿ ਸ਼ਹਿਰੀਕਰਨ ਕਾਰਨ ਬੂਟਿਆਂ ਦੀ ਕਟਾਈ ਵੱਧ ਹੋਈ ਹੈ ਅਤੇ ਇੰਡਸਟਰੀ ਦੇ ਪ੍ਰਦੂਸ਼ਣ ਦਾ ਮਾੜਾ ਅਸਰ ਵੀ ਵਾਤਾਵਰਣ ਉੱਪਰ ਪੈ ਰਿਹਾ ਹੈ। ਇਸ ਪਦੂਸ਼ਣ ਦੇ ਵਾਧੇ ਨੂੰ ਰੋਕਣ ਲਈ ਵੱਧ ਬੂਟੇ ਲਗਾਉਣਾ ਹੀ ਇੱਕ ਹੱਲ ਹੈ। ਉਨਾਂ੍ਹ ਨੇ ਸ਼ਹਿਰ ਅਤੇ ਪਿੰਡਾਂ 'ਚ ਵੱਧ ਤੋਂ ਵੱਧ ਬੂਟੇ ਲਗਾਉਣ ਦਾ ਵਚਨ ਵੀ ਦਿੱਤਾ। ਪਿੰ੍ਸੀਪਲ ਗੁਰਮੀਤ ਸਿੰਘ ਪਲਾਹੀ ਨੇ ਵੱਧ ਰਹੇ ਪ੍ਰਦੂਸ਼ਨ ਤੇ ਚਿੰਤਾ ਪ੍ਰਗਟਾਈ ਅਤੇ ਬੂਟੇ ਲਗਾਉਣ ਸਬੰਧੀ ਜਾਗਰੂਕਤਾ ਫੈਲਾਉਣ ਉਤੇ ਜ਼ੋਰ ਦਿੱਤਾ। ਇਸ ਮੌਕੇ ਐਸ.ਐਚ.ਓ. ਸਤਨਾਮਪੁਰਾ ਇੰਸਪੈਕਟਰ ਦਰਸ਼ਨ ਸਿੰਘ, ਏ.ਪੀ.ਓ. ਸੁਰਿੰਦਰ ਕੁਮਾਰ ਨਰੇਗਾ, ਨੰਬਰਦਾਰ ਸੁਰਿੰਦਰਪਾਲ, ਇੰਦਰਜੀਤ ਕੌਰ ਸਰਪੰਚ, ਤਿ੍ਪਤਾ ਸ਼ਰਮਾ ਸਾਬਕਾ ਕੌਂਸਲਰ ਨੇ ਵੀ ਆਪਣੇ ਵਿਚਾਰ ਪੇਸ਼ ਕੀਤੇ। ਸਭਾ ਦੇ ਪ੍ਰਧਾਨ ਸੁਖਵਿੰਦਰ ਸਿੰਘ ਨੇ ਦੱਸਿਆ ਕਿ ਸਭਾ ਲੰਮੇ ਸਮੇਂ ਤੋਂ ਫਗਵਾੜਾ ਦੇ ਸੁੰਦਰੀਕਰਨ ਲਈ ਯਤਨਸ਼ੀਲ ਹੈ ਅਤੇ ਹਰ ਸਾਲ ਜਿੰਨੇ ਬੂਟੇ ਲਗਾਏ ਜਾਂਦੇ ਹਨ, ਉਹਨਾ ਨੂੰ ਆਪਣੇ ਵਲੰਟੀਅਰਾਂ ਰਾਹੀਂ ਪਰਵਰਿਸ਼ ਦਿੱਤੀ ਜਾਂਦੀ ਹੈ। ਲੈਕਚਰਾਰ ਹਰਜਿੰਦਰ ਗੋਗਨਾ ਨੇ ਵਾਤਾਵਰਨ, ਪ੍ਰਦੂਸ਼ਨ ਸਬੰਧੀ ਪੁਖਤਾ ਵਿਚਾਰ ਪੇਸ਼ ਕਰਦਿਆਂ ਸਟੇਜ ਸਕੱਤਰ ਦੀ ਭੂਮਿਕਾ ਵੀ ਬਾਖ਼ੂਬੀ ਨਿਭਾਈ। ਇਸ ਮੌਕੇ ਵਿਧਾਇਕ ਧਾਲੀਵਾਲ ਨੂੰ ਸਭਾ ਵਲੋਂ ਸਨਮਾਨਤ ਵੀ ਕੀਤਾ ਗਿਆ। ਸਮਾਗਮ ਤੋਂ ਬਾਅਦ ਬੂਟੇ ਲਗਾਉਣ ਵਿਚ ਕਵੀ ਰਵਿੰਦਰ ਸਿੰਘ ਰਾਏ, ਦੇਸਰਾਜ ਝੱਲੀ, ਪਿ੍ਰਤਪਾਲ ਕੌਰ ਤੁੱਲੀ ਸਮਾਜ ਸੇਵਿਕਾ, ਗੁਰਦੀਪ ਸਿੰਘ ਤੁੱਲੀ, ਸਾਹਿਬਜੀਤ ਸਾਬੀ, ਅਮਰਿੰਦਰ ਪੀ.ਏ. ਵਿਧਾਇਕ, ਨਰਿੰਦਰ ਕੁਮਾਰ ਸਟੇਨੋ, ਉਂਕਾਰ ਜਗਦੇਵ, ਰਮਨ ਨਹਿਰਾ, ਕੁਲਬੀਰ ਬਾਵਾ, ਨਰਿੰਦਰ ਸੈਣੀ, ਡਾ: ਨਰੇਸ਼ ਬਿੱਟੂ, ਬਲਜੀਤ ਕੌਰ ਬੁੱਟਰ, ਕ੍ਰਿਸ਼ਨ ਕੁਮਾਰ ਹੀਰੋ ਕਾਂਗਰਸੀ ਆਗੂ, ਰਾਮ ਕੁਮਾਰ ਚੱਢਾ ਕਾਂਗਸਰੀ ਆਗੂ, ਐਡਵੋਕੇਟ ਕੁਲਦੀਪ ਭੱਟੀ, ਰੂਪ ਲਾਲ ਪੰਚ, ਨੈਨਦੀਪ ਪੰਚ, ਵਿਨੋਦ ਕੁਮਾਰ ਪੰਚ, ਸੁਖਵਿੰਦਰ ਕੌਰ ਪੰਚ, ਮੀਨਾ ਰਾਣੀ ਪੰਚ, ਰਸ਼ਪਾਲ ਕੌਰ ਸਾਬਕਾ ਸਰਪੰਚ, ਮਾਸਟਰ ਸੁਰਿੰਦਰ, ਮੈਡਮ ਪਿੰਕੀ, ਪਰਵਿੰਦਰ ਕੌਰ ਨੇ ਵਢਮੁੱਲਾ ਯੋਗਦਾਨ ਪਾਇਆ।