ਨਗਰ ਨਿਗਮ ’ਚ ਪੁੱਜੇ 15 ਹੋਰ ਪੁੱਜੇ ਸੀਐੱਨਜੀ ਆਟੋ
ਨਗਰ ਨਿਗਮ ਪੁਜੇ 15 ਹੋਰ ਪੁਜੇ ਸੀਐਨਜੀ ਆਟੋ
Publish Date: Sat, 29 Nov 2025 07:57 PM (IST)
Updated Date: Sat, 29 Nov 2025 07:59 PM (IST)
ਪੰਜਾਬੀ ਜਾਗਰਣ ਪ੍ਰਤੀਨਿਧ, ਜਲੰਧਰ : ਨਗਰ ਨਿਗਮ ਵੱਲੋਂ ਜਿਹੜੀ 5 ਕਰੋੜ ਦੀ ਮਸ਼ੀਨਰੀ ਦੀ ਖਰੀਦ ਦਾ ਆਰਡਰ ਦਿੱਤਾ ਗਿਆ ਸੀ, ਉਸ ’ਚੋ 15 ਹੋਰ ਸੀਐੱਨਜੀ ਆਟੋ ਨਿਗਮ ਕੈਂਪਸ ’ਚ ਪੁੱਜੇ ਹਨ ਅਤੇ ਹੁਣ ਉਨ੍ਹਾਂ ਦੇ ਰੋਡ ਟੈਕਸ ਸਮੇਤ ਬਾਕੀ ਦਸਤਾਵੇਜ਼ ਤਿਆਰ ਕੀਤੇ ਜਾਣਗੇ। ਨਗਰ ਨਿਗਮ ਵੱਲੋਂ ਕੁਲ ਮਿਲਾ ਕੇ ਸਮਾਰਟ ਸਿਟੀ ਵੱਲੋਂ ਦਿੱਤੀ ਗਈ 14 ਕਰੋੜ ਰੁਪਏ ਦੀ ਰਕਮ ’ਚੋਂ ਮਸ਼ੀਨਰੀ ਖਰੀਦੀ ਜਾਣੀ ਹੈ। ਨਗਰ ਨਿਗਮ ਦੇ ਟਰਾਂਸਪੋਰਟ ਦੀ ਖਰੀਦ ਨਾਲ ਸਬੰਧਤ ਓਐਂਡਐੱਮ ਦੇ ਐੱਸਈ ਜਸਪਾਲ ਸਿੰਘ ਅਨੁਸਾਰ ਨਗਰ ਨਿਗਮ ਨੂੰ 14 ਕਰੋੜ ਦੀ ਮਸ਼ੀਨਰੀ ਖਰੀਦਣ ਲਈ ਸਮਾਰਟ ਸਿਟੀ ਕੰਪਨੀ ਵੱਲੋਂ ਰਕਮ ਦਿੱਤੀ ਗਈ ਸੀ ਜਿਸ ’ਚੋ 5 ਕਰੋੜ ਰੁਪਏ ਦੀ ਮਸ਼ੀਨਰੀ ਆ ਰਹੀ ਹੈ, ਜਿਸ ’ਚੋਂ ਅਜੇ 8 ਟਰਾਲੀਆਂ, 4 ਜੈਟਿੰਗ ਮਸ਼ੀਨਾਂ, 5 ਟਿੱਪਰ ਆਦਿ ਪੁੱਜ ਚੁੱਕੇ ਹਨ। ਨਗਰ ਨਿਗਮ ਪਾਸ ਜਿਹੜੀ ਮਸ਼ੀਨਰੀ ਇਸ ਸਮੇਂ ਮੌਜੂਦ ਹੈ, ਉਹ ਪੁਰੀ ਤਰ੍ਹਾਂ ਕੰਡਮ ਹੋ ਚੁੱਕੀ ਹੈ ਤੇ ਉਹ ਗੱਡੀਆਂ ਸਹੀ ਤਰੀਕੇ ਨਾਲ ਕੰਮ ਨਹੀਂ ਕਰ ਸਕਦੀਆਂ, ਜਿਸ ਕਾਰਨ ਨਗਰ ਨਿਗਮ ਨੇ ਨਵੀਆਂ ਗੱਡੀਆਂ ਖਰੀਦਣ ਲਈ ਆਰਡਰ ਦੇ ਰੱਖੇ ਹਨ। ਬਾਕੀ ਜਿਹੜੀ ਮਸ਼ੀਨਰੀ ਆਉਣ ਵਾਲੀ ਹੈ, ਉਹ ਹਰਿਆਣਾ ਦੇ ਫਰੀਦਾਬਾਦ ਅਤੇ ਗੁੜਗਾਓਂ ਤੋਂ ਆਏਗੀ।