ਭਗਵਤੀ ਜਗਰਾਤਾ ਅੱਜ, ਤਿਆਰੀਆਂ ਮੁਕੰਮਲ
ਜਨਤਾ ਦਾਣਾ ਮੰਡੀ ’ਚ ਭਗਵਤੀ ਜਗਰਾਤਾ ਅੱਜ, ਤਿਆਰੀਆਂ ਮੁਕੰਮਲ
Publish Date: Fri, 28 Nov 2025 09:04 PM (IST)
Updated Date: Sat, 29 Nov 2025 04:11 AM (IST)
ਸੁਰਜੀਤ ਸਿੰਘ ਜੰਮੂ , ਪੰਜਾਬੀ ਜਾਗਰਣ, ਲੋਹੀਆਂ ਖ਼ਾਸ : ਸ਼ਹਿਰ ਦਾ ਪ੍ਰਸਿੱਧ ਜਾਗਰਣ ਮੇਲਾ 29 ਨਵੰਬਰ ਨੂੰ ਜਨਤਾ ਦਾਣਾ ਮੰਡੀ ’ਚ ਹੋਣ ਜਾ ਰਿਹਾ ਹੈ, ਜਿਸ ਦੀਆਂ ਸਾਰੀਆਂ ਤਿਆਰੀਆਂ ਮੁਕੰਮਲ ਕਰ ਲਈਆਂ ਗਈਆਂ ਹਨ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਸ਼੍ਰੀ ਨਵ ਦੁਰਗਾ ਜਾਗਰਣ ਸੰਮਤੀ ਦੀ ਪ੍ਰਬੰਧਕ ਕਮੇਟੀ ਦੇ ਮੈਂਬਰਾਂ ਇੰਦਰਜੀਤ ਬਬਲਾ, ਅਜੇ ਫੀਡਾ ਤੇ ਮਿੰਟੂ ਗੁਪਤਾ ਨੇ ਦੱਸਿਆ ਕਿ ਇਸ ਵਿਸ਼ਾਲ ਜਾਗਰਣ ’ਚ ਮਸ਼ਹੂਰ ਪੰਜਾਬੀ ਗਾਇਕ ਮਾਸਟਰ ਸਲੀਮ ਮਹਾਮਾਈ ਦੀ ਮਹਿਮਾ ਦਾ ਗੁਣਗਾਨ ਕਰਨਗੇ। ਇਸ ਤੋਂ ਇਲਾਵਾ ਗੌਤਮ ਕੋਮਲ ਤੇ ਮਹੰਤ ਗੋਪਾਲ ਮੈਪੀ ਵੀ ਮਾਤਾ ਰਾਣੀ ਦੀਆਂ ਭੇਟਾਂ ਰਾਹੀਂ ਸ਼ਰਧਾਲੂਆਂ ਨੂੰ ਮਾਤਾ ਦੇ ਚਰਨਾਂ ਨਾਲ ਜੋੜਨਗੇ। ਪ੍ਰਸਿੱਧ ਵਪਾਰੀ ਇੰਦਰਜੀਤ ਬਬਲਾ ਤੇ ਅਜੇ ਫੀਡਾ ਨੇ ਕਿਹਾ ਕਿ ਇਸ ਜਾਗਰਣ ਮੌਕੇ ਜਿੱਥੇ ਇਲਾਕੇ ਦੀਆਂ ਪਰਮੁੱਖ ਸ਼ਖ਼ਸੀਅਤਾਂ ਪੁੱਜਣਗੀਆਂ, ਉੱਥੇ ਹਲਕਾ ਵਿਧਾਇਕ ਲਾਡੀ ਸ਼ੇਰੋਵਾਲੀਆ, ਹਲਕਾ ਇੰਚਾਰਜ ਪਿੰਦਰ ਪੰਡੋਰੀ, ‘ਆਪ’ ਆਗੂ ਬੀਬੀ ਰਣਜੀਤ ਕੌਰ ਡਾਇਰੈਕਟਰ ਇਨਫੋਟੈੱਕ ਪੰਜਾਬ, ਬ੍ਰਿਜ ਭੁਪਿੰਦਰ ਸਿੰਘ ਲਾਲੀ ਸਾਬਕਾ ਮੰਤਰੀ ਪੰਜਾਬ ਵੀ ਉਚੇਚੇ ਤੌਰ ’ਤੇ ਹਾਜ਼ਰੀ ਲਗਵਾਉਣਗੇ। ਜਗਰਾਤੇ ਦੌਰਾਨ ਅਤੁੱਟ ਲੰਗਰ ਵੀ ਚੱਲੇਗਾ।