ਮਹੰਤ ਲਾਲ ਸਿੰਘ ਫੁੱਟਬਾਲ ਟੂਰਨਾਮੈਂਟ ਝਿੰਗੜ ਕਲਾਂ ਟੀਮ ਨੇ ਜਿੱਤਿਆ

ਪੱਤਰ ਪ੍ਰੇਰਕ,ਪੰਜਾਬੀ ਜਾਗਰਣ,ਟਾਂਡਾ ਉੜਮੁੜ : ਮਹੰਤ ਲਾਲ ਸਿੰਘ ਯਾਦਗਾਰੀ ਸਪੋਰਟਸ ਕਲੱਬ ਖੁੱਡਾ ਵੱਲੋਂ ਸੱਚਖੰਡ ਵਾਸੀ ਮਹੰਤ ਲਾਲ ਸਿੰਘ ਦੀ 37ਵੀਂ ਬਰਸੀ ਨੂੰ ਸਮਰਪਿਤ ਫੁੱਟਬਾਲ ਟੂਰਨਾਮੈਂਟ ਕਰਵਾਇਆ ਗਿਆ । ਲਗਾਤਾਰ 3 ਦਿਨਾਂ ਤੱਕ ਚੱਲੇ ਇਸ ਟੂਰਨਾਮੈਂਟ ਵਿੱਚ ਝਿੰਗੜ ਕਲਾਂ ਏ ਦੀ ਟੀਮ ਜੇਤੂ ਰਹੀ । ਕਲੱਬ ਦੇ ਸਰਪ੍ਰਸਤ ਡੇਰਾ ਗੁਰੂ ਸਰ ਖੁੱਡਾ ਦੇ ਮੁੱਖ ਸੇਵਾਦਾਰ ਨਿਰਮਲ ਭੇਖ ਰਤਨ ਸੰਤ ਬਾਬਾ ਤੇਜਾ ਸਿੰਘ ਜੀ ਦੀ ਸਰਪ੍ਰਸਤੀ ਹੇਠ ਤੇ ਸੰਤ ਸੁਖਜੀਤ ਸਿੰਘ ਜੀ ਖੁੱਡਾ , ਕਲੱਬ ਦੇ ਪ੍ਰਧਾਨ ਡਾ. ਕਾਬਲ ਸਿੰਘ ਕਨੇਡਾ ਤੇ ਪ੍ਰਬੰਧਕ ਲਸ਼ਕਰ ਸਿੰਘ ਖੁੱਡਾ ਦੀ ਦੇਖ-ਰੇਖ ਹੇਠ ਕਰਵਾਏ ਗਏ ਇਸ ਟੂਰਨਾਮੈਂਟ ਦੌਰਾਨ ਇਲਾਕੇ ਭਰ ਦੀਆਂ ਕੁੱਲ 40 ਟੀਮਾਂ ਨੇ ਭਾਗ ਲਿਆ। ਟੂਰਨਾਮੈਂਟ ਦੇ ਪਹਿਲੇ ਸੈਮੀਫਾਈਨਲ ਦੌਰਾਨ ਝਿੰਗੜ ਕਲਾਂ ਬੀ ਟੀਮ ਨੇ ਮੇਜਬਾਨ ਮਹੰਤ ਲਾਲ ਸਿੰਘ ਯਾਦਗਾਰੀ ਸਪੋਰਟਸ ਕਲੱਬ ਖੁੱਡਾ ਦੀ ਟੀਮ ਨੂੰ 1- 0 ਨਾਲ ਹਰਾਇਆ ਜਦਕਿ ਦੂਸਰੇ ਫਾਈਨਲ ਵਿੱਚ ਝਿੰਗੜ ਕਲਾਂ ਏ ਦੀ ਟੀਮ ਨੇ ਟਾਂਡਾ ਦੀ ਟੀਮ ਨੂੰ ਹਰਾਇਆ। ਇਸ ਮੌਕੇ ਹੋਏ ਫਾਈਨਲ ਮੁਕਾਬਲੇ ਵਿੱਚ ਝਿੰਗੜ ਕਲਾਂ ਏ ਦੀ ਟੀਮ ਨੇ ਝਿੰਗੜ ਕਲਾਂ ਬੀ ਦੀ ਟੀਮ ਨੂੰ 4-0 ਨਾਲ ਹਰਾ ਕੇ ਜੇਤੂ ਟਰਾਫੀ ਅਤੇ 31 ਹਜ਼ਾਰ ਦੇ ਪਹਿਲੇ ਇਨਾਮ ਤੇ ਕਬਜ਼ਾ ਕੀਤਾ ਜਦਕਿ ਦੂਸਰੇ ਸਥਾਨ ਤੇ ਰਹਿਣ ਵਾਲੀ ਟੀਮ ਨੂੰ ਕਲੱਬ ਵੱਲੋਂ 21 ਹਜਾਰ ਰੁਪਏ ਤੇ ਯਾਦਗਾਰੀ ਟਰਾਫੀ ਹਾਸਲ ਕੀਤੀ । ਟੂਰਨਾਮੈਂਟ ਦੇ ਕਰਾਏ ਗਏ ਅੰਡਰ 16 ਵਿੱਚ ਪਹਿਲੇ ਸੈਮੀਫਾਈਨਲ ਮੈਚ ਦੌਰਾਨ ਮਹੰਤ ਲਾਲ ਸਿੰਘ ਯਾਦਗਾਰੀ ਸਪੋਰਟਸ ਕਲੱਬ ਖੁੱਡਾ ਨੇ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਖੁੱਡਾ ਦੀ ਟੀਮ ਨੂੰ 2-0 ਨਾਲ ਅਤੇ ਦੂਸਰੇ ਸੈਮੀ ਫਾਈਨਲ ਵਿੱਚ ਨਿੱਕੂ ਚੱਕ ਦੀ ਟੀਮ ਨੇ ਝਿੰਗੜ ਕਲਾਂ ਦੀ ਟੀਮ ਨੂੰ 2-0 ਨਾਲ ਹਰਾਇਆ।

ਫਾਈਨਲ ਮੈਚ ਵਿੱਚ ਮਹੰਤ ਲਾਲ ਸਿੰਘ ਖੁੱਡਾ ਦੀ ਟੀਮ ਨੇ ਨਿੱਕੂ ਚੱਕ ਨੂੰ 1-0 ਨਾਲ ਹਰਾਇਆ। ਇਸ ਮੌਕੇ 55 ਕਿਲੋ ਵਰਗ ਦੇ ਕਰਵਾਏ ਗਏ ਕਬੱਡੀ ਸ਼ੋ ਮੈਚ ਦੌਰਾਨ ਖੁੱਡਾ ਦੀ ਟੀਮ ਨੇ ਰਾਮਪੁਰ ਖੇੜਾ ਕਲੱਬ ਨੂੰ ਹਰਾਇਆ। ਇਸ ਮੌਕੇ ਜੇਤੂ ਟੀਮਾਂ ਨੂੰ ਇਨਾਮਾਂ ਦੀ ਵੰਡ ਸੰਤ ਬਾਬਾ ਤੇਜਾ ਸਿੰਘ ਜੀ ਮੁੱਖ ਸੇਵਾਦਾਰ ਡੇਰਾ ਗੁਰੂਸਰ ਖੁੱਡਾ ਅਤੇ ਸੰਤ ਸੁਖਜੀਤ ਸਿੰਘ ਜੀ ਡੇਰਾ ਗੁਰੂ ਸਰ ਖੁੱਡਾ ਨੇ ਸਾਂਝੇ ਤੌਰ ਤੇ ਕਰਦੇ ਹੋਏ ਖਿਡਾਰੀਆਂ ਨੂੰ ਨਸ਼ਿਆਂ ਅਤੇ ਹੋਰ ਸਮਾਜਿਕ ਬੁਰਾਈਆਂ ਤੋਂ ਦੂਰ ਰਹਿਣ ਲਈ ਪ੍ਰੇਰਿਤ ਕੀਤਾ। ਇਸ ਮੌਕੇ ਕਲੱਬ ਦੇ ਪ੍ਰਧਾਨ ਡਾ. ਕਾਬਲ ਸਿੰਘ ਕਨੇਡਾ ਅਤੇ ਪ੍ਰਬੰਧਕ ਲਸ਼ਕਰ ਸਿੰਘ ਖੁੱਡਾ ਨੇ ਟੂਰਨਾਮੈਂਟ ਵਿੱਚ ਸਹਿਯੋਗ ਕਰਨ ਵਾਲੀਆਂ ਸ਼ਖਸ਼ੀਅਤਾਂ ਦਾ ਧੰਨਵਾਦ। ਇਸ ਮੌਕੇ ਸਰਪੰਚ ਹਰਬੰਸ ਸਿੰਘ ਖੁੱਡਾ, ਮੰਗਜੀਤ ਗੰਬੋਵਾਲ, ਡੀ.ਪੀ.ਈ ਬਲਵੀਰ ਸਿੰਘ ਖੁੱਡਾ, ਸਾਬਕਾ ਸਰਪੰਚ ਜਸਵੀਰ ਸਿੰਘ ਖੁਡਾ, ਵਿਨੀ ਖੁੱਡਾ, ਕਿਸ਼ਨ ਸਿੰਘ ਸਹੋਤਾ, ਮਨਮੋਹਨ ਸਿੰਘ ਕਨੇਡਾ, ਪ੍ਰਿੰਸੀਪਲ ਸੁਖਵਿੰਦਰ ਕੌਰ, ਪ੍ਰਦੀਪ ਸਿੰਘ ਖੁੱਡਾ,ਸਨੀ ਅਰੋੜਾ, ਰਵਿੰਦਰ ਸਿੰਘ ਭਲਵਾਨ, ਬਲਜੀਤ ਸਿੰਘ, ਕਰਤਾਰ ਸਿੰਘ, ਦਿਲਦਾਰ ਸਿੰਘ ਨੀਟਾ, ਵਿਨੀ ਸਹੋਤਾ, ਕਰਨ ਜੋਤ, ਸਤਨਾਮ ਸਿੰਘ, ਗੁਰਸ਼ਾਨ ਸਿੰਘ ਕਨੇਡਾ, ਸਮਰ, ਮਨਜੋਤ ,ਮਲਕੀਤ, ਸਿੰਘ, ਕਸ਼ਮੀਰ ਸਿੰਘ ਸੰਦੀਪ ਸਿੰਘ ਲੈਕਚਰਾਰ ਜਸਵਿੰਦਰ ਸਿੰਘ ਖੁੱਡਾ, ਹੈਡ ਮਾਸਟਰ ਕਾਬਲ ਸਿੰਘ ਖੁੱਡਾ ਵੀ ਹਾਜ਼ਰ ਸਨ।