ਤੀਕਸ਼ਣ ਸੂਦ ਨੇ 13ਵੀਂ ਜ਼ਿਲ੍ਹਾ ਯੋਗਾ ਚੈਂਪੀਅਨਸ਼ਿਪ ਦਾ ਕੀਤਾ ਉਦਘਾਟਨ

ਸਟਾਫ਼ ਰਿਪੋਰਟਰ, ਪੰਜਾਬੀ ਜਾਗਰਣ,

ਹੁਸ਼ਿਆਰਪੁਰ : ਸਾਬਕਾ ਕੈਬਨਿਟ ਮੰਤਰੀ ਅਤੇ ਜ਼ਿਲ੍ਹਾ ਯੋਗਾ ਐਸੋਸੀਏਸ਼ਨ ਦੇ ਪ੍ਰਧਾਨ ਸ੍ਰੀ ਤੀਕਸ਼ਣ ਸੂਦ ਨੇ ਐਲਾਨ ਕੀਤਾ ਕਿ 13ਵੀਂ ਜ਼ਿਲ੍ਹਾ ਯੋਗਾ ਚੈਂਪੀਅਨਸ਼ਿਪ ਦਾ ਉਦਘਾਟਨ ਸੂਦ ਭਵਨ ਵਿਖੇ ਬਹੁਤ ਧੂਮਧਾਮ ਨਾਲ ਕੀਤਾ ਗਿਆ। ਉਦਘਾਟਨੀ ਸੈਸ਼ਨ ਦੀਵਾ ਜਗਾ ਕੇ ਅਤੇ ਸਰਸਵਤੀ ਵੰਦਨਾ ਦਾ ਪਾਠ ਕਰਕੇ ਕੀਤਾ ਗਿਆ। ਬੱਚਿਆਂ ਨੇ ਯੋਗਾ ਅਭਿਆਸ ਕੀਤੇ ਅਤੇ ਸੱਭਿਆਚਾਰਕ ਪ੍ਰੋਗਰਾਮਾਂ ਨਾਲ ਦਰਸ਼ਕਾਂ ਦਾ ਮਨੋਰੰਜਨ ਕੀਤਾ। ਮੁਕਾਬਲੇ ਵਿੱਚ ਲਗਭਗ 400 ਭਾਗੀਦਾਰਾਂ ਨੇ ਹਿੱਸਾ ਲਿਆ। ਆਪਣੇ ਬਿਆਨ ਵਿੱਚ ਸ੍ਰੀ ਸੂਦ ਨੇ ਕਿਹਾ ਕਿ ਪਿਛਲੇ 13 ਸਾਲਾਂ ਤੋਂ, ਜ਼ਿਲ੍ਹਾ ਯੋਗਾ ਐਸੋਸੀਏਸ਼ਨ ਆਉਣ ਵਾਲੀ ਪੀੜ੍ਹੀ ਵਿੱਚ ਯੋਗਾ ਪ੍ਰਤੀ ਜਾਗਰੂਕਤਾ ਪੈਦਾ ਕਰਨ ਅਤੇ ਉਨ੍ਹਾਂ ਨੂੰ ਸਰੀਰਕ, ਮਾਨਸਿਕ ਅਤੇ ਅਧਿਆਤਮਿਕ ਤੌਰ 'ਤੇ ਸਸ਼ਕਤ ਬਣਾਉਣ ਲਈ ਅਜਿਹੇ ਮੁਕਾਬਲੇ ਕਰਵਾ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਯਤਨਾਂ ਸਦਕਾ ਯੋਗਾ ਨੂੰ ਅੰਤਰਰਾਸ਼ਟਰੀ ਪੱਧਰ 'ਤੇ ਮਾਨਤਾ ਮਿਲੀ ਹੈ ਅਤੇ ਇਸ ਤੋਂ ਬਾਅਦ ਇਹ ਪੁਰਾਤਨ ਭਾਰਤੀ ਕਲਾ ਮੁੜ ਪ੍ਰਫੁੱਲਤ ਹੋਣ ਲੱਗੀ ਹੈ। ਇਸ ਮੌਕੇ ਸੇਠ ਰੋਹਤਾਸ਼ ਜੈਨ, ਪ੍ਰੋ: ਅਸ਼ੀਸ਼ ਸਰੀਨ, ਸ਼੍ਰੀ ਅਵਿਨਾਸ਼ ਸੂਦ, ਰਾਮ ਦੇਵ ਯਾਦਵ, ਅਨਿਲ ਸੂਦ, ਸੁਰਿੰਦਰ ਪਾਲ, ਨੀਰਜਾ ਸੂਦ, ਅਰਚਨਾ ਜੈਨ, ਸੰਜੀਵ ਸ਼ਰਮਾ, ਸੰਜੀਵ ਸੂਦ, ਅਕਸ਼ੈ, ਅਰੁਣ ਸੂਦ, ਸੁਨੀਤ, ਜਤਿੰਦਰ ਸੂਦ, ਸ਼੍ਰੀਮਤੀ ਜਤਿੰਦਰ ਕੌਰ, ਸ਼ਰੁਤੀ ਸਿੰਘ, ਰਾਮ ਚੰਦਰ, ਯੋਗਾ ਚੰਦ, ਜੋਗ ਆਦਿ ਵੀ ਹਾਜ਼ਰ ਸਨ।