ਪਿਛਲੇ ਜਨਮਾਂ ਦੇ ਸਾਰੇ ਪਾਪਾਂ ਨੂੰ ਦੂਰ ਕਰਦੀ ਸ਼ਿਵ ਮਹਾਪੁਰਾਣ ਕਥਾ : ਸੁਆਮੀ ਕਮਲ ਪੁਰੀ

ਗੌਰਵ ਗੌੜ ਜੌਲੀ, ਪੰਜਾਬੀ ਜਾਗਰਣ ਜ਼ੀਰਾ : ਸਿੱਧ ਸੁਆਮੀ ਸ਼ੰਕਰਾਪੁਰੀ ਗਉਸ਼ਾਲਾ ਕਥਾ ਸਮਿਤੀ ਵੱਲੋਂ ਸਥਾਨਕ ਸੁਆਮੀ ਸ਼ੰਕਰਾਪੁਰੀ ਗਊਸ਼ਾਲਾ ਵਿਚ ਧੰਨ ਧੰਨ ਗੋਪਾਲਕ ਸਿੱਧ ਸੁਆਮੀ ਸ਼ੰਕਰਾਪੁਰੀ ਜੀ ਮਹਾਰਾਜ ਦੀ ਵਿਸ਼ਾਲ ਮੂਰਤੀ ਸਥਾਪਨਾ ਅਤੇ ਮੂਰਤੀ ਆਵਰਨ ਸਮਾਰੋਹ ਦੇ ਸਬੰਧ ਵਿਚ ਮਹਾਮੰਡਲੇਸ਼ਵਰ ਸ੍ਰੀ ਸ੍ਰੀ 1008 ਸੁਆਮੀ ਕਮਲ ਪੁਰੀ ਮਹਾਰਾਜ ਦੀ ਪ੍ਰਧਾਨਗੀ ਹੇਠ ਸ੍ਰੀ ਸ਼ਿਵ ਮਹਾਪੁਰਾਣ ਦੀ ਕਥਾ ਦਾ ਆਯੋਜਨ ਕੀਤਾ ਜਾ ਰਿਹਾ ਹੈ। ਇਸ ਮੌਕੇ ਪੂਜਾ ਮੁੱਖ ਜਜਮਾਨ ਬ੍ਰਿਜ ਭੂਸ਼ਨ ਸ਼ਰਮਾ ਤੇ ਰਾਧੂ ਸ਼ਰਮਾ ਵੱਲੋਂ ਕਰਵਾਈ ਗਈ। ਪੰਡਿਤ ਚੰਦਰੇਸ਼ ਦਿਵੇਦੀ ਵੱਲੋਂ ਵੈਦਿਕ ਮੰਤਰਾਂ ਦੇ ਨਾਲ ਪੂਜਾ ਕਰਵਾਈ ਗਈ। ਸ੍ਰੀ ਸ਼ਿਵ ਮਹਾਪੁਰਾਣ ਦੇ ਚੌਥੇ ਦਿਨ ਕਥਾ ਕਰਦਿਆਂ ਕਥਾ ਵਾਚਕ ਸੁਆਮੀ ਅਮਿਤਾ ਭਾਰਤੀ ਜੀ ਮਹਾਰਾਜ ਨੇ ਕਿਹਾ ਕਿ ਸ਼ਿਵ ਮਹਾਂਪੁਰਾਣ ਦੀ ਕਥਾ ਵਿਅਕਤੀ ਦੇ ਪਿਛਲੇ ਜਨਮਾਂ ਦੇ ਸਾਰੇ ਪਾਪਾਂ ਨੂੰ ਦੂਰ ਕਰਕੇ ਸ਼ਿਵ ਦੀ ਕਿਰਪਾ ਦਾ ਰਾਹ ਆਸਾਨ ਕਰਦੀ ਹੈ। ਭਗਵਾਨ ਸ਼ਿਵ ਦੀ ਕਥਾ ਸਰੀਰ, ਬਾਣੀ ਅਤੇ ਮਨ ਰਾਹੀਂ ਕੀਤੇ ਗਏ ਪਾਪਾਂ ਨੂੰ ਧੋ ਦਿੰਦੀਆਂ ਹਨ। ਕਲਯੁਗ ਵਿਚ, ਸ਼ਿਵ ਕਥਾ ਦੇ ਸਮਾਨ ਕੋਈ ਵੀ ਕਲਿਆਣਕਾਰੀ ਮਾਰਗ ਸਰਲ ਨਹੀਂ ਹੈ। ਸ਼ਿਵ ਦਾ ਅਰਥ ਹੈ ਕਲਿਆਣ, ਸ਼ਾਂਤੀ, ਅਵਿਨਾਸ਼ੀ ਅਤੇ ਪ੍ਰਕਾਸ਼ਮਾਨ। ਸੰਸਾਰਿਕ ਬੰਧਨ ਸ਼ਿਵ ਭਗਤ ਨੂੰ ਨਹੀਂ ਬੰਨ੍ਹ ਸਕਦੇ। ਮਹਾਦੇਵ ਹਮੇਸ਼ਾ ਆਪਣੇ ਭਗਤਾਂ ਦੀ ਰੱਖਿਆ ਕਰਦੇ ਹਨ। ਸ਼ਿਵ ਦੀ ਪੂਜਾ ਕਰਨ ਨਾਲ ਸਾਰੇ ਦੇਵਤਿਆਂ ਦੀ ਪੂਜਾ ਕਰਨ ਦਾ ਫਲ ਮਿਲਦਾ ਹੈ। ਸ਼ਿਵ ਪੁਰਾਣ ਭਗਵਾਨ ਸ਼ਿਵ ਦੀ ਬਾਣੀ ਹੈ। ਭਗਵਾਨ ਸ਼ਿਵ ਨੇ ਸਭ ਤੋਂ ਪਹਿਲਾਂ ਸਨਤ ਕੁਮਾਰ ਨੂੰ ਸ਼ਿਵ ਕਹਾਣੀ ਸੁਣਾਈ ਅਤੇ ਸਨਤ ਕੁਮਾਰ ਨੇ ਵੇਦ ਵਿਆਸ ਨੂੰ ਸ਼ਿਵ ਪੁਰਾਣ ਦਾ ਗਿਆਨ ਦਿੱਤਾ।ਵਿਆਸ ਜੀ ਨੇ ਬ੍ਰਹਿਮੰਡ ਦੇ ਕਲਿਆਣ ਲਈ ਇਸ ਬਾਰੇ ਵਿਸਥਾਰ ਨਾਲ ਦੱਸਿਆ। ਸ਼ਿਵ ਪੁਰਾਣ ਦੀ ਕਥਾ ਮੁਕਤੀ ਪ੍ਰਦਾਨ ਕਰਦੀ ਹੈ। ਜਿਸ ਤਰ੍ਹਾਂ ਗੰਗਾ ਸਾਰੀਆਂ ਨਦੀਆਂ ਵਿੱਚੋਂ ਸਰਵਉੱਚ ਹੈ, ਉਸੇ ਤਰ੍ਹਾਂ, ਸਾਰੇ ਪੁਰਾਣਾਂ ਵਿੱਚੋਂ, ਸ਼ਿਵ ਪੁਰਾਣ ਦੀ ਕਥਾ ਸਭ ਤੋਂ ਸ਼ੁਭ ਹੈ। ਅੰਤ ਵਿੱਚ, ਭਗਵਾਨ ਸ਼ਿਵ ਦੀ ਆਰਤੀ ਕੀਤੀ ਗਈ ਤੇ ਆਰਤੀ ਤੋਂ ਬਾਅਦ, ਪ੍ਰਸ਼ਾਦ ਵੰਡਿਆ ਗਿਆ। ਇਸ ਮੌਕੇ ਸੁਪਰਡੈਂਟ ਜੋਗਿੰਦਰ ਪਾਲ ਕੋਰੀ, ਭਾਵਿਪ ਦੇ ਸਟੇਟ ਕੋਆਰਡੀਨੇਟਰ ਸਤਿੰਦਰ ਸਚਦੇਵਾ, ਐਡਵੋਕੇਟ ਵਿਜੇ ਬਾਂਸਲ, ਮਾਂ ਕਾਲਕਾ ਧਾਮ ਦੇ ਮੁੱਖ ਸੇਵਾਦਾਰ ਪਵਨ ਕੁਮਾਰ ਲੱਲੀ, ਰਾਮ ਤੀਰਥ ਸ਼ਰਮਾ, ਨਗਰ ਕੌਂਸਲ ਜ਼ੀਰਾ ਦੇ ਸਾਬਕਾ ਉਪ ਪ੍ਰਧਾਨ ਸੁਖਦੇਵ ਬਿੱਟੂ ਵਿੱਜ, ਕੇ ਕੇ ਗੁਪਤਾ, ਸੰਦੀਪ ਗੋਇਲ, ਜਨਕ ਰਾਜ ਗੌਤਮ, ਜੁਗਲ ਜਿੰਦਲ, ਕੇ ਕੇ ਗੁਪਤਾ, ਦੀਪਾ ਕੰਡਾ, ਰਵਿੰਦਰ ਕੁਮਾਰ ਮੰਗਾ, ਬੇਅੰਤ ਸਿੰਘ, ਧਰਮਵੀਰ ਸ਼ਰਮਾ, ਜੋਗਿੰਦਰ ਸਿੰਘ, ਦਲਜੀਤ ਰਾਏ ਕਾਲੀਆ ਤੇ ਤਾਰਾ ਚੰਦ ਆਦਿ ਹਾਜ਼ਰ ਸਨ।