Ferozepur News : ਭੇਤਭਰੇ ਹਾਲਾਤ 'ਚ ਰੇਲਵੇ ਮੁਲਾਜ਼ਮ ਦੀ ਮੌਤ, ਮ੍ਰਿਤਕ ਦੀ ਭੈਣ ਨੇ ਪ੍ਰਗਟਾਇਆ ਇਹ ਸ਼ੱਕ
ਸਥਾਨਕ ਰਿਖੀ ਕਲੋਨੀ ’ਚ ਰਹਿੰਦੇ ਇਕ ਰੇਲਵੇ ਮੁਲਾਜ਼ਮ ਦੀ ਬੀਤੀ ਰਾਤ ਸੁੱਤੇ ਪਏ ਦੀ ਹੋਈ ਮੌਤ ਉਸ ਵੇਲੇ ਪਰਿਵਾਰਕ ਵਿਵਾਦਾਂ ਵਿਚ ਆ ਗਈ,ਜਦੋਂ ਰੇਲਵੇ ਮੁਲਾਜ਼ਮ ਦੀ ਭੈਣ ਨੇ ਆਪਣੇ ਭਰਾ ਦੀ ਮੌਤ ’ਤੇ ਸਵਾਲ ਖੜ੍ਹੇ ਕਰ ਦਿੱਤੇ। ਰੇਲਵੇ ਮੁਲਾਜ਼ਮ ਦੀ ਪਛਾਣ ਪੁਨੀਤ ਕੁਮਾਰ ਪੁੱਤਰ ਕ੍ਰਿਸ਼ਨ ਕੁਮਾਰ ਵਜੋਂ ਹੋਈ ਹੈ।
Posted By Jagjit Singh
Publish Date: Sat, 29 Nov 2025 07:58 PM (IST)
Updated Date: Sat, 29 Nov 2025 08:01 PM (IST)
ਪਰਮਿੰਦਰ ਸਿੰਘ ਥਿੰਦ,ਪੰਜਾਬੀ ਜਾਗਰਣ,ਫਿਰੋਜ਼ਪੁਰ : ਸਥਾਨਕ ਰਿਖੀ ਕਲੋਨੀ ’ਚ ਰਹਿੰਦੇ ਇਕ ਰੇਲਵੇ ਮੁਲਾਜ਼ਮ ਦੀ ਬੀਤੀ ਰਾਤ ਸੁੱਤੇ ਪਏ ਦੀ ਹੋਈ ਮੌਤ ਉਸ ਵੇਲੇ ਪਰਿਵਾਰਕ ਵਿਵਾਦਾਂ ਵਿਚ ਆ ਗਈ,ਜਦੋਂ ਰੇਲਵੇ ਮੁਲਾਜ਼ਮ ਦੀ ਭੈਣ ਨੇ ਆਪਣੇ ਭਰਾ ਦੀ ਮੌਤ ’ਤੇ ਸਵਾਲ ਖੜ੍ਹੇ ਕਰ ਦਿੱਤੇ। ਰੇਲਵੇ ਮੁਲਾਜ਼ਮ ਦੀ ਪਛਾਣ ਪੁਨੀਤ ਕੁਮਾਰ ਪੁੱਤਰ ਕ੍ਰਿਸ਼ਨ ਕੁਮਾਰ ਵਜੋਂ ਹੋਈ ਹੈ। ਮੌਕੇ ’ਤੇ ਪਹੁੰਚੇ ਪੁਲਿਸ ਅਧਿਕਾਰੀਆਂ ਵੱਲੋਂ ਪੁਨੀਤ ਦੀ ਦੇਹ ਨੂੰ ਪੋੋਸਟ ਮਾਰਟਮ ਲਈ ਸਥਾਨਕ ਸਿਵਲ ਹਸਪਤਾਲ ਭੇਜ ਦਿੱਤਾ ਗਿਆ।
ਪੁਨੀਤ ਕੁਮਾਰ ਵਾਸੀ ਰਿਖੀ ਕਲੋਨੀ ਦੀ ਪਤਨੀ ਨੇ ਦੱਸਿਆ ਕਿ ਉਸ ਦੇ ਪਤੀ ਰਾਤ ਨੂੰ ਵਧੀਆ ਤਰੀਕੇ ਨਾਲ ਖਾਣਾ ਖਾ ਕੇ ਸੁੱਤੇ ਸੀ, ਜਦੋਂ ਸਵੇਰੇ ਉਠਾਇਆ ਤਾ ਉਹ ਨਹੀਂ ਉੱਠੇ। ਇਸ ’ਤੇ ਜਦੋਂ ਉਸ ਨੇ ਗੁਆਂਢੀਆਂ ਨੂੰ ਬੁਲਾਇਆ ਤਾਂ ਉਹਨਾਂ ਨੇ ਵੀ ਆ ਕੇ ਵੇਖਿਆ ਕਿ ਉਸ ਦਾ ਪਤੀ ਮ੍ਰਿਤਕ ਜਾਪ ਰਿਹਾ ਹੈ। ਪੁਨੀਤ ਦੀ ਮੌਤ ’ਤੇ ਵਿਵਾਦ ਉਸ ਵੇਲੇ ਹੋਇਆ ਜਦੋਂ ਮੌਤ ਦੀ ਖ਼ਬਰ ਮ੍ਰਿਤਕ ਦੀ ਭੈਣ ਨੂੰ ਮਿਲੀ ਤਾਂ ਉਸ ਨੇ ਆਪਣੇ ਭਰਾ ਦੀ ਮੌਤ ’ਤੇ ਸ਼ੱਕ ਪ੍ਰਗਟਾਇਆ ਅਤੇ ਇਸਦੀ ਸ਼ਿਕਾਇਤ ਪੁਲਿਸ ਨੂੰ ਕੀਤੀ।
ਇਸ ਤੋਂ ਬਾਅਦ ਪੁਲਿਸ ਨੇ ਮ੍ਰਿਤਕ ਦਾ ਪੋਸਟਮਾਟਮ ਵਾਸਤੇ ਪੁਨੀਤ ਦੀ ਲਾਸ਼ ਨੂੰ ਸਿਵਲ ਹਸਪਤਾਲ ਭੇਜ ਦਿੱਤਾ। ਮੌਕੇ ’ਤੇ ਪਹੁੰਚੇ ਪੁਲਿਸ ਮੁਲਾਜ਼ਮਾਂ ਮੁਤਾਬਿਕ ਮ੍ਰਿਤਕ ਦੀ ਭੈਣ ਵੱਲੋਂ ਖੁਦਕੁਸ਼ੀ ਦਾ ਸ਼ੱਕ ਪ੍ਰਗਟਾਇਆ ਜਾ ਰਿਹਾ ਹੈ। ਇਸ ਦੇ ਚੱਲਦਿਆਂ ਲਾਸ਼ ਨੂੰ ਪੋਸਟਮਾਰਟਮ ਲਈ ਭੇਜ ਦਿੱਤਾ ਹੈ। ਪੁਲਿਸ ਅਧਿਕਾਰੀ ਨੇ ਦੱਸਿਆ ਮ੍ਰਿਤਕ ਦਾ ਪੋਸਟਮਾਰਟਮ ਕਰਵਾ ਰਹੇ ਹਾਂ ਜਿਵੇਂ ਹੀ ਪੋਸਟਮਾਰਟਮ ਦੀ ਰਿਪੋਰਟ ਸਾਹਮਣੇ ਆਏਗੀ ਉਸ ਤੋਂ ਬਾਅਦ ਜੋ ਬਣਦੀ ਕਾਰਵਾਈ ਉਹ ਕਰ ਦਿੱਤੀ ਜਾਵੇਗੀ।