ਸਿਹਤ ਸੇਵਾ ਮਨੁੱਖਤਾ ਦੀ ਸਭ ਤੋਂ ਵੱਡੀ ਸੇਵਾ ਹੈ: ਸਤਿੰਦਰ ਸੱਚਦੇਵਾ

ਗੌਰਵ ਗੌੜ ਜੌਲੀ,ਪੰਜਾਬੀ ਜਾਗਰਣ ਜ਼ੀਰਾ : ਅਮਨਦੀਪ ਹਸਪਤਾਲ ਵੱਲੋਂ ਡਾ. ਅਵਤਾਰ ਸਿੰਘ ਅਤੇ ਡਾ. ਅਮਨਦੀਪ ਕੌਰ ਦੀ ਅਗਵਾਈ ਹੇਠ ਭਾਰਤ ਵਿਕਾਸ ਪਰਿਸ਼ਦ ਦੇ ਸਹਿਯੋਗ ਨਾਲ ਮੱਲਾਂਵਾਲਾ ਵਿਚ ਮੁਫ਼ਤ ਮੈਡੀਕਲ ਕੈਂਪ ਆਯੋਜਿਤ ਕੀਤਾ ਗਿਆ। ਜਿਸ ਵਿਚ 190 ਤੋਂ ਵੱਧ ਮਰੀਜ਼ਾਂ ਦੀ ਜਾਂਚ ਕੀਤੀ ਗਈ। ਕੈਂਪ ਦਾ ਉਦਘਾਟਨ ਭਾਰਤ ਵਿਕਾਸ ਪਰਿਸ਼ਦ ਪੰਜਾਬ ਦੇ ਸਟੇਟ ਕੋਆਰਡੀਨੇਟਰ ਸਤਿੰਦਰ ਸੱਚਦੇਵਾ ਅਤੇ ਸਟੇਟ ਕਨਵੀਨਰ ਰਜਿੰਦਰ ਕੁਮਾਰ ਦੂਆ ਨੇ ਸਾਂਝੇ ਤੌਰ ’ਤੇ ਰਿਬਨ ਕੱਟ ਕੇ ਕੀਤਾ। ਇਸ ਮੌਕੇ ਸੰਬੋਧਨ ਕਰਦਿਆਂ ਸਤਿੰਦਰ ਸੱਚਦੇਵਾ ਨੇ ਕਿਹਾ ਕਿ ਸਿਹਤ ਸੇਵਾ ਮਨੁੱਖਤਾ ਦੀ ਸਭ ਤੋਂ ਵੱਡੀ ਸੇਵਾ ਹੈ। ਅਮਨਦੀਪ ਹਸਪਤਾਲ ਅਤੇ ਭਾਰਤ ਵਿਕਾਸ ਪਰਿਸ਼ਦ ਦਾ ਇਹ ਉਪਰਾਲਾ ਪਿੰਡਾਂ ਤੱਕ ਸਿਹਤ ਜਾਗਰੂਕਤਾ ਪਹੁੰਚਾਉਣ ਦਾ ਮਿਸਾਲੀ ਕਦਮ ਹੈ। ਅਸੀਂ ਭਵਿੱਖ ਵਿਚ ਵੀ ਅਜਿਹੇ ਕੈਂਪ ਲਗਾ ਕੇ ਲੋਕਾਂ ਦੀ ਸੇਵਾ ਜਾਰੀ ਰੱਖਾਂਗੇ। ਕੈਂਪ ਦੀ ਸਫਲਤਾ ਵਿਚ ਭਾਰਤ ਵਿਕਾਸ ਪਰਿਸ਼ਦ ਮੱਲਾਂਵਾਲਾ ਇਕਾਈ ਦੇ ਪ੍ਰਧਾਨ ਰਵਿੰਦਰ ਕੁਮਾਰ ਸੇਠੀ, ਕੈਸ਼ੀਅਰ ਜਸਪਾਲ ਧਵਨ ਅਤੇ ਪ੍ਰਿਤਪਾਲ ਸਿੰਘ ਕਪੂਰ (ਬਿੱਲਾ ਦੋਧੀ) ਦਾ ਯੋਗਦਾਨ ਰਿਹਾ। ਮਰੀਜ਼ਾਂ ਦੀ ਈਐਨਟੀ, ਹੱਡੀਆਂ–ਜੋੜਾਂ ਅਤੇ ਜਰਨਲ ਮੈਡੀਸਨ ਸਬੰਧੀ ਜਾਂਚ ਵੱਖ-ਵੱਖ ਮਾਹਿਰ ਡਾਕਟਰਾਂ ਵੱਲੋਂ ਕੀਤੀ ਗਈ। ਹੱਡੀਆਂ ਅਤੇ ਜੋੜਾਂ ਦੇ ਮਰੀਜ਼ਾਂ ਦੀ ਸੰਭਾਲ ਡਾ. ਤਰੁਣ ਬਹਿਲ ਅਤੇ ਉਨ੍ਹਾਂ ਦੀ ਟੀਮ ਨੇ ਕੀਤੀ, ਜਦਕਿ ਜਰਨਲ ਮੈਡੀਸਨ ਸਬੰਧੀ ਮਰੀਜ਼ਾਂ ਦੀ ਜਾਂਚ ਡਾ. ਪ੍ਰਦੀਪ ਮਿੱਤਲ ਨੇ ਕੀਤੀ। ਈਐੱਨਟੀ ਵਿਭਾਗ ਦੇ ਮਰੀਜ਼ਾਂ ਦੀ ਜਾਂਚ ਡਾ. ਵਿਗਨੇਸ਼ ਏਕੇ ਵੱਲੋਂ ਕੀਤੀ ਗਈ। ਇਸ ਮੌਕੇ ਡਾ. ਮਨਜੀਤ ਸਿੰਘ, ਗੁਰਪ੍ਰੀਤ ਸਿੰਘ ਅਤੇ ਅਮਨਦੀਪ ਹਸਪਤਾਲ ਦੀ ਪੂਰੀ ਟੀਮ ਨੇ ਸੇਵਾ ਨਿਭਾਈ। ਕੈਂਪ ਵਿਚ ਵਿਸ਼ੇਸ਼ ਤੌਰ ’ਤੇ ਮਾਸਟਰ ਹਰਭਜਨ ਸਿੰਘ ਜੀਰਾ, ਮੰਗਲ ਸਿੰਘ, ਆਸ਼ਾ ਸ਼ਰਮਾ, ਡਾ. ਸ਼ਾਮ ਲਾਲ ਕਟਾਰੀਆ, ਡਾ. ਕ੍ਰਿਸ਼ਨ ਕੁਮਾਰ ਮੋਂਗਾ, ਡਾ. ਦਲਜੀਤ ਸਿੰਘ, ਰਾਜੀਵ ਕੁਮਾਰ ਖੁਰਾਣਾ, ਮੁਖਤਿਆਰ ਸਿੰਘ ਖੋਖਰ, ਸੁਨੀਤਾ ਦੂਆ ਆਦਿ ਹਾਜ਼ਰ ਰਹੇ। ਸਿਟੀ ਪ੍ਰੈਸ ਕਲੱਬ ਵੱਲੋਂ ਸੁਖਵਿੰਦਰ ਸਿੰਘ ਅਤੇ ਸੋਨੂੰ ਅਟਵਾਲ ਨੇ ਵੀ ਯੋਗਦਾਨ ਪਾਇਆ।