ਪੰਜਾਬੀ ਜਾਗਰਣ ਟੀਮ, ਐੱਸਏਐੱਸ ਨਗਰ,

ਵਧੀਕ ਡਾਇਰੈਕਟਰ ਜਨਰਲ ਪੁਲਿਸ ਏਕੇ ਪਾਂਡੇ, ਆਈਪੀਐੱਸ ਅਤੇ ਡਿਪਟੀ ਇੰਸਪੈਕਟਰ ਜਨਰਲ ਸੰਜੀਵ ਰਾਮ ਪਾਲ ਆਈਪੀਐੱਸ ਕਮਾਂਡੋ, ਪੰਜਾਬ ਦੇ ਦਿਸ਼ਾ ਨਿਰਦੇਸ਼ ਅਤੇ ਕਮਾਂਡੈਂਟ ਤੀਜੀ ਅਤੇ ਚੌਥੀ ਕਮਾਂਡ ਬਟਾਲੀਅਨ ਦੇ ਉਦਮ ਸਦਕਾ ਅਤੇ ਮੈਡੀਕਲ ਅਫ਼ਸਰਾਂ ਦੀ ਨਿਗਰਾਨੀ ਹੇਠ ਫੋਰਟਿਸ ਹਸਪਤਾਲ ਮੁਹਾਲੀ ਦੇ ਐਕਸਪਰਟਸ ਵਲੋਂ ਕਾਰਡੀਓ ਪਲਮੋਨਰੀ ਗੈਸਸੀਏਸ਼ਨ (ਸੀਪੀਆਰ) ਕੈਂਪ ਦਾ ਆਯੋਜਨ ਕੀਤਾ ਗਿਆ। ਇਹ ਕੈਂਪ ਕਮਾਂਡ ਕੰਪਲੈਕਸ ਫੇਜ਼-11, ਐੱਸਏਐੱਸ ਨਗਰ ਵਿਖੇ ਲਗਾਇਆ ਗਿਆ। ਸਬੰਧਿਤ ਟੀਮ ਵੱਲੋਂ ਐਮਰਜੈਂਸੀ ਸਥਿਤੀ ਵਿਚ ਸੀਪੀਆਰ ਦੀ ਲੋੜ ਅਤੇ ਇਸ ਨੂੰ ਪੂਰਾ ਕਰਨ ਲਈ ਸਹੀ ਪ੍ਰਕਿਰਿਆ ਬਾਰੇ ਜਾਗਰੂਕ ਕੀਤਾ ਗਿਆ। ਉਨ੍ਹਾਂ ਵੱਲੋਂ ਇਹ ਵੀ ਦੱਸਿਆ ਕਿ ਡਾਕਟਰੀ ਸਹਾਇਤਾ ਦੇ ਆਉਣ ਤੋਂ ਪਹਿਲਾਂ ਐਮਰਜੈਂਸੀ 'ਚ ਉਨ੍ਹਾਂ ਵੱਲੋਂ ਕੀਤੀ ਕਾਰਵਾਈ ਇਕ ਵਿਅਕਤੀ ਦੇ ਜੀਵਨ ਅਤੇ ਮੌਤ ਵਿਚ ਅੰਤਰ ਲਿਆ ਸਕਦੀ ਹੈ।