ਚੰਡੀਗੜ੍ਹ: ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਸੁਖਬੀਰ ਸਿੰਘ ਬਾਦਲ ਵੱਲੋਂ ਉਨ੍ਹਾਂ (ਮੁੱਖ ਮੰਤਰੀ) ਦੀ ਬੇਲੋੜੀ ਆਲੋਚਨਾ ਨੂੰ ਤਮਾਸ਼ਾ ਕਰਾਰ ਦਿੰਦੇ ਹੋਏ ਅੱਜ ਕਿਹਾ ਕਿ ਕੋਈ ਵੀ ਈ.ਡੀ. ਕੇਸ ਉ ਨ੍ਹਾਂ ਨੂੰ ਆਪਣੇ ਲੋਕਾਂ ਖਾਤਰ ਲੜਨ ਵਾਸਤੇ ਰੋਕ ਨਹੀਂ ਸਕਦਾ। ਉ ਨ੍ਹਾਂ ਅੱਗੇ ਕਿਹਾ ਕਿ ਬਾਦਲਾਂ ਵਾਂਗ ਉਹ ਨਾ ਹੀ ਡਰਪੋਕ ਹਨ ਅਤੇ ਨਾ ਹੀ ਗਦਾਰ।

ਸੁਖਬੀਰ ਵੱਲੋਂ ਉ ਨ੍ਹਾਂ 'ਤੇ 'ਬਲੈਕਮੇਲ 'ਤੇ ਸਮਰਪਣ ਕਰਨ' ਅਤੇ ਉ ਨ੍ਹਾਂ ਦੇ ਪਰਿਵਾਰ ਉਤੇ ਈ.ਡੀ.ਕੇਸਾਂ ਬਾਰੇ ਕੀਤੀ ਟਿੱਪਣੀਆਂ ਦਾ ਸਖਤ ਜਵਾਬ ਦਿੰਦਿਆਂ ਕੈਪਟਨ ਅਮਰਿੰਦਰ ਸਿੰਘ ਨੇ ਕਿਹਾ ਕਿਸਾਨਾਂ ਨਾਲ ਵਿਸ਼ਵਾਸਘਾਤ ਕਰਨ ਕਰਕੇ ਪੂਰੀ ਤਰ੍ਹਾਂ ਅਲੱਗ-ਥਲੱਗ ਪਏ ਬਾਦਲ ਆਪਣੇ ਫਰੇਬ ਨੂੰ ਛੁਪਵਾਉਣ ਲਈ ਘਬਰਾਹਟ ਵਿੱਚ ਆ ਕੇ ਅਜਿਹੀਆਂ ਕਾਰਵਾਈਆਂ ਕਰ ਰਹੇ ਹਨ।

ਕੈਪਟਨ ਅਮਰਿੰਦਰ ਸਿੰਘ ਨੇ ਕਿਹਾ ਕਿ ਇਹ ਸੁਖਬੀਰ ਦੀ ਨਿਰਾਸ਼ਤਾ ਦਾ ਪੱਧਰ ਹੀ ਹੈ ਕਿ ਉਹ ਪੰਜਾਬ ਅਤੇ ਦੇਸ਼ ਦੀ ਸੁਰੱਖਿਆ ਨੂੰ ਪਾਕਿਸਤਾਨ ਦੇ ਖਤਰੇ ਨੂੰ ਦਰਕਿਨਾਰ ਕਰ ਰਿਹਾ ਹੈ। ਅਜਿਹਾ ਕਰਕੇ ਸੁਖਬੀਰ ਸਰਹੱਦਾਂ ਉਤੇ ਦੁਸ਼ਮਣਾਂ ਨਾਲ ਲੜਾਈ ਦੌਰਾਨ ਰੋਜ਼ਾਨਾ ਆਪਣੀਆਂ ਜਾਨਾਂ ਗਵਾਉਣ ਵਾਲੇ ਰੱਖਿਆ ਸੈਨਾਵਾਂ ਨਾਲ ਵਿਸ਼ਵਾਸਘਾਤ ਕਰ ਰਿਹਾ ਹੈ।

ਮੁੱਖ ਮੰਤਰੀ ਨੇ ਸੁਖਬੀਰ ਨੂੰ ਪੁੱਛਿਆ, ''ਕੀ ਤੁਸੀ ਅਤੇ ਤੁਹਾਡੀ ਪਾਰਟੀ ਸੱਤਾ ਹਾਸਲ ਕਰਨ ਲਈ ਇੰਨੇ ਭੁੱਖੇ ਹੋ ਗਏ ਹੋ ਕਿ ਤੁਸੀਂ ਪਾਕਿਸਤਾਨ ਹੱਥੋਂ ਸਾਡੀ ਸੁਰੱਖਿਆ ਨੂੰ ਲੈ ਕੇ ਅੱਖਾਂ ਬੰਦ ਕਰ ਲਈਆਂ ਹਨ? ਕੀ ਤੁਸੀਂ ਇਹ ਆਖ ਰਹੇ ਹੋ ਕਿ ਪੰਜਾਬ ਨਾਲ ਲੱਗਦੀ ਸਰਹੱਦ ਤੋਂ ਸਾਡੇ ਬਹਾਦਰ ਰੱਖਿਆ ਸੈਨਿਕਾਂ ਨੇ ਜੋ ਹਥਿਆਰ, ਗੋਲੀ ਸਿੱਕਾ ਤੇ ਡਰੋਨ ਫੜੇ, ਇਹ ਸਭ ਖਤਰਾ ਨਹੀਂ ਹਨ।'' ਉ ਨ੍ਹਾਂ ਕਿਹਾ ਕਿ ਅਜਿਹਾ ਜਾਪਦਾ ਹੈ ਕਿ ਸੁਖਬੀਰ ਪੂਰੀ ਤਰ੍ਹਾਂ ਗੁੰਮ-ਸੁੰਮ ਹੋ ਗਿਆ ਹੈ।

ਈ.ਡੀ. ਕੇਸਾਂ ਦੇ ਮਾਮਲੇ ਵਿੱਚ ਮੁੱਖ ਮੰਤਰੀ ਨੇ ਸੁਖਬੀਰ ਨੂੰ ਪੁੱਛਿਆ, ''ਮੇਰੇ ਅਤੇ ਮੇਰੇ ਪਰਿਵਾਰ ਖਿਲਾਫ ਈ.ਡੀ. ਕੇਸਾਂ ਵਿੱਚ ਨਵੀਂ ਗੱਲ ਕੀ ਹੈ ਕਿ ਮੈਨੂੰ ਅਚਾਨਕ ਡਰ ਲੱਗਣਾ ਸ਼ੁਰੂ ਹੋ ਗਿਆ।'' ਮੁੱਖ ਮੰਤਰੀ ਨੇ ਕਿਹਾ ਕਿ ਉਹ ਅਤੇ ਉ ਨ੍ਹਾਂ ਦਾ ਪਰਿਵਾਰ ਈ.ਡੀ. ਅਤੇ ਹੋਰ ਕੇਸਾਂ ਖਿਲਾਫ ਵਰਿ•ਆਂ ਤੋਂ ਲੜ ਰਹੇ ਹਨ। ਅਜਿਹਾ ਕੋਈ ਵੀ ਕੇਸ ਉ ਨ੍ਹਾਂ ਨੂੰ ਲੋਕਾਂ ਖਾਤਰ ਲੜਨ ਤੋਂ ਰੋਕ ਨਹੀਂ ਸਕਦਾ।

ਅਕਾਲੀ ਦਲ ਦੇ ਪ੍ਰਧਾਨ ਵੱਲੋਂ ਉ ਨ੍ਹਾਂ (ਮੁੱਖ ਮੰਤਰੀ) ਉਤੇ ਭਾਜਪਾ ਦੇ ਬਲੈਕਮੇਲ ਅੱਗੇ ਸਮਰਪਣ ਕਰਨ ਦੇ ਲਾਏ ਦੋਸ਼ਾਂ ਦਾ ਕਰਾਰ ਜਵਾਬ ਦਿੰਦਿਆਂ ਕੈਪਟਨ ਅਮਰਿੰਦਰ ਸਿੰਘ ਨੇ ਕਿਹਾ, ''ਕੀ ਤੁਸੀਂ ਬਲੈਕਮੇਲ ਦਾ ਅਰਥ ਜਾਣਦੇ ਹੋ?'' ਉ ਨ੍ਹਾਂ ਅੱਗੇ ਕਿਹਾ, ''ਇਹ ਤੁਸੀ ਅਤੇ ਤੁਹਾਡੀ ਪਾਰਟੀ ਸੀ ਜਿਹੜੇ ਕਈ ਸਾਲਾਂ ਤੋਂ ਭਾਜਪਾ ਦੇ ਹਿੱਤਾਂ ਦੀ ਪੈਰਵੀ ਕਰਦੇ ਰਹੇ ਅਤੇ ਉ ਨ੍ਹਾਂ ਦੇ ਸਹਿਯੋਗੀ ਬਣ ਕੇ ਉ ਨ੍ਹਾਂ ਦਾ ਦਬਾਅ ਝੱਲਦੇ ਰਹੇ।''

ਮੁੱਖ ਮੰਤਰੀ ਨੇ ਕਿਹਾ ਕਿ ਜੇ ਮੈਂ ਅਖੌਤੀ ਬਲੈਕਮੇਲ ਤੋਂ ਡਰ ਗਿਆ ਹੁੰਦਾ, ਤਾਂ ਮੈਂ ਵਿਧਾਨ ਸਭਾ ਵਿੱਚ ਸੋਧ ਬਿੱਲ ਨਾ ਲਿਆਉਂਦਾ ਅਤੇ ਦਿੱਲੀ ਦੇ ਮੁੱਖ ਮੰਤਰੀ ਵਾਂਗ ਕੇਂਦਰੀ ਖੇਤੀ ਕਾਨੂੰਨਾਂ ਨੂੰ ਬਹੁਤ ਪਹਿਲਾਂ ਨੋਟੀਫਾਈ ਕਰ ਦਿੰਦਾ। ਇਸ ਲਈ ਝੂਠ ਬੋਲਣ ਅਤੇ ਲੋਕਾਂ ਨੂੰ ਗੁੰਮਰਾਹ ਕਰਨ ਤੋਂ ਗੁਰੇਜ਼ ਕਰੋ। ਉ ਨ੍ਹਾਂ ਕਿਹਾ ਕਿ ਕੋਈ ਵੀ ਅਕਾਲੀਆਂ ਦੀ ਇਸ ਝੂਠੀ ਬਿਆਨਬਾਜ਼ੀ ਦੇ ਝਾਂਸੇ ਵਿੱਚ ਨਹੀਂ ਫਸ ਰਿਹਾ, ਜਿਹਨਾਂ ਦੀ ਖੇਤੀ ਕਾਨੂੰਨਾਂ ਅਤੇ ਕਿਸਾਨਾਂ ਦੇ ਮੁੱਦਿਆਂ ਬਾਰੇ ਦੋਗਲਾਪਣ ਕਈ ਵਾਰ ਉਜਾਗਰ ਹੋ ਚੁੱਕਿਆ ਹੈ। ਉ ਨ੍ਹਾਂ ਸੁਖਬੀਰ ਨੂੰ ਪੁੱਛਿਆ ਕਿ “ਜਦੋਂ ਪਹਿਲਾਂ ਤੁਸੀਂ ਵਿਧਾਨ ਸਭਾ ਵਿੱਚ ਖੇਤੀ ਬਿੱਲਾਂ ਦਾ ਸਮਰਥਨ ਕੀਤਾ ਸੀ ਤਾਂ ਬਾਅਦ ਵਿੱਚ ਸੂਬੇ ਦੇ ਸੋਧ ਬਿੱਲਾਂ 'ਤੇ ਕਿਸ ਦੇ ਡਰਾਵੇ ਹੇਠ ਪਲਟੀ ਮਾਰੀ ਸੀ?

ਸੁਖਬੀਰ ਦੇ ਝੂਠਾਂ ਨੂੰ ਸਿਰੇ ਤੋਂ ਖਾਰਜ ਕਰਦਿਆਂ ਕੈਪਟਨ ਅਮਰਿੰਦਰ ਸਿੰਘ ਨੇ ਅਕਾਲੀ ਨੇਤਾ ਨੂੰ ਪੁੱਛਿਆ ਕਿ ਉਹ ਕਿਹੜੀ “ਚਿਤਾਵਨੀ” ਦਾ ਜ਼ਿਕਰ ਕਰ ਰਹੇ ਹਨ। “ਕੀ ਤੁਸੀਂ ਅਜਿਹੀ ਇਕ ਵੀ ਉਦਾਹਰਣ ਦੇ ਸਕਦੇ ਹੋ ਜਦੋਂ ਮੈਂ ਕਿਸਾਨਾਂ ਨੂੰ ਆਪਣਾ ਅੰਦੋਲਨ ਵਾਪਸ ਲੈਣ ਲਈ ਕਿਹਾ ਹੋਵੇ? ਉ ਨ੍ਹਾਂ ਕਿਹਾ, ਇਹ ਸਪੱਸ਼ਟ ਹੈ ਕਿ ਹਰਸਿਮਰਤ ਬਾਦਲ ਵਾਂਗ ਸੁਖਬੀਰ ਬਾਦਲ ਨੂੰ ਵੀ ਸਾਦੀ ਅਤੇ ਸਰਲ ਅੰਗਰੇਜ਼ੀ ਦੀ ਸਮਝ ਨਹੀਂ ਹੈ। ਉ ਨ੍ਹਾਂ ਸੁਖਬੀਰ ਨੂੰ ਪੁੱਛਿਆ, ”ਕੀ ਤਹਾਨੂੰ ਕਿਸਾਨਾਂ ਅਤੇ ਕੇਂਦਰ ਸਰਕਾਰ ਨੂੰ ਮਸਲੇ ਦਾ ਛੇਤੀ ਹੱਲ ਲੱਭਣ ਦੀ ਅਪੀਲ ਕਰਨ ਅਤੇ ਚਿਤਾਵਨੀ ਜਾਰੀ ਕਰਨ ਵਿਚਲੇ ਫਰਕ ਦੀ ਸਮਝ ਹੈ?

ਮੁੱਖ ਮੰਤਰੀ ਨੇ ਕਿਹਾ ਕਿ ਸਮੁੱਚੇ ਬਾਦਲ ਕੁਨਬੇ ਦੀਆਂ ਨੌਟੰਕੀਆਂ ਅਤੇ ਝੂਠ ਕਿਸਾਨਾਂ ਜਾਂ ਬਾਕੀ ਪੰਜਾਬੀਆਂ ਦੀਆਂ ਨਜ਼ਰਾਂ ਵਿੱਚ ਆਪਣਾ ਵੱਕਾਰ ਬਹਾਲ ਕਰਨ ਵਿੱਚ ਸਹਾਈ ਨਹੀਂ ਹੋਣੇ। ਉ ਨ੍ਹਾਂ ਕਿਹਾ ਕਿ ਇਹ ਗੱਲ ਕਿਸੇ ਤੋਂ ਲੁਕੀ-ਛਿਪੀ ਨਹੀਂ ਕਿ ਬਾਦਲਾਂ ਨੇ ਪਹਿਲਾਂ ਖੇਤੀ ਕਾਨੂੰਨਾਂ ਦੇ ਕਸੀਦੇ ਪੜ੍ਹਦੇ ਹਨ ਅਤੇ ਹੁਣ ਕਿਸਾਨਾਂ ਦੇ ਮਸੀਹੇ ਬਣਨ ਦਾ ਢਕਵੰਜ ਕਰ ਰਹੇ ਹਨ। ਮੁੱਖ ਮੰਤਰੀ ਨੇ ਕਿਹਾ ਕਿ ਲੋਕਾਂ ਨੂੰ ਪ੍ਰਕਾਸ਼ ਸਿੰਘ ਬਾਦਲ ਦੀਆਂ ਉਹ ਵੀਡੀਓ ਵੀ ਨਹੀਂ ਭੁੱਲੀਆਂ, ਜਿ ਨ੍ਹਾਂ ਵਿੱਚ ਉਹ ਕੇਂਦਰੀ ਸਰਕਾਰ ਦੇ ਖੇਤੀ ਕਾਨੂੰਨਾਂ ਦਾ ਸਮਰਥਨ ਕਰ ਰਹੇ ਹਨ ਅਤੇ ਨਾ ਹੀ ਕੇਂਦਰੀ ਮੰਤਰੀ ਵਜੋਂ ਹਰਸਿਮਰਤ ਕੌਰ ਬਾਦਲ ਵੱਲੋਂ ਖੇਤੀ ਆਰਡੀਨੈਂਸਾਂ ਦੀ ਮਨਜੂਰੀ ਲਈ ਦਿੱਤੀ ਹਮਾਇਤ ਭੁੱਲ਼ੀ ਅਤੇ ਨਾ ਹੀ ਲੋਕਾਂ ਨੇ ਸੁਖਬੀਰ ਵੱਲੋਂ ਇਸ ਮੁੱਦੇ ਉਤੇ ਇਕ ਤੋਂ ਬਾਅਦ ਇਕ ਸਟੈਂਡ ਬਦਲੇ ਜਾਣ ਨੂੰ ਵਿਸਾਰਿਆ।

Posted By: Jagjit Singh