ਮੰਦਰ ’ਚ ਸਪਤ ਸ਼ਕਤੀ ਸੰਗਮ ਕਰਵਾਇਆ
ਸ਼੍ਰੀ ਤਾਰਾ ਚੰਦ ਵਿਦਿਆ ਮੰਦਿਰ ਸੀਨੀਅਰ ਸੈਕੰਡਰੀ
Publish Date: Sat, 29 Nov 2025 05:27 PM (IST)
Updated Date: Sat, 29 Nov 2025 05:29 PM (IST)
ਬਲਦੇਵ ਸਿੰਘ ਸਿੱਧੂ, ਪੰਜਾਬੀ ਜਾਗਰਣ
ਭੀਖੀ : ਸ਼੍ਰੀ ਤਾਰਾ ਚੰਦ ਵਿਦਿਆ ਮੰਦਿਰ ਸੀਨੀਅਰ ਸੈਕੰਡਰੀ ਸਕੂਲ ਭੀਖੀ ਵਿੱਚ ਵਿਦਿਆ ਭਾਰਤੀ ਅਖਿਲ ਭਾਰਤੀ ਸ਼ਿੱਖਿਆ ਸੰਸਥਾਨ ਵੱਲੋਂ ਸਪਤ ਸ਼ਕਤੀ ਸੰਗਮ–2025 ਦਾ ਵਿਸ਼ਾਲ ਸਮਾਗਮ ਕਰਵਾਇਆ ਗਿਆ। ਸਮਾਗਮ ਦਾ ਉਦੇਸ਼ ਏਕਤਾ, ਗਿਆਨ, ਸੰਸਕ੍ਰਿਤੀ, ਸਿੱਖਿਆ, ਸਮਰਸਤਾ ਅਤੇ ਸੇਵਾ ਦੇ ਮੁੱਲਾਂ ਨੂੰ ਉਤਸ਼ਾਹਿਤ ਕਰਨਾ ਸੀ। ਪ੍ਰੋਗਰਾਮ ਦੀ ਪ੍ਰਧਾਨਗੀ ਸਵ. ਸੇਠ ਤਾਰਾ ਚੰਦ ਦੀ ਪੁੱਤਰੀ ਸਰੋਜ ਰਾਣੀ (ਸੇਵਾਮੁਕਤ ਅਧਿਆਪਿਕਾ) ਪਤਨੀ ਸਤੀਸ਼ ਕੁਮਾਰ ਨੇ ਕੀਤੀ। ਪ੍ਰੋਗਰਾਮ ਦੀ ਪ੍ਰਸਤਾਵਨਾ ਦਿੰਦੇ ਹੋਏ ਪੂਨਮ ਸ਼ਰਮਾ ਨੇ ਔਰਤਾਂ ਦੇ ਸੱਤ ਗੁਣ ਕੀਰਤੀ, ਵਾਕ, ਸ੍ਰੀ, ਮੇਧਾ, ਸਮਰਿਤੀ, ਦ੍ਰਿਤੀ ਅਤੇ ਖਿਮਾ ਆਦਿ ਬਾਰੇ ਚਰਚਾ ਕੀਤੀ। ਮੁੱਖ ਬੁਲਾਰੇ ਦੀਦੀ ਰੁਪਿੰਦਰ ਕੌਰ (ਸੰਯੋਜਿਕਾ, ਬ੍ਰਹਮਕੁਮਾਰੀ ਆਸ਼ਰਮ ਭੀਖੀ) ਨੇ ਪਰਿਵਾਰ ਪ੍ਰਬੋਧਨ, ਪਰਿਆਵਰਨ ਸੁਰੱਖਿਆ ਵਿਸ਼ੇ ’ਤੇ ਆਪਣੇ ਵਿਚਾਰ ਪ੍ਰਗਟ ਕਰਦੇ ਹੋਏ ਸਮਾਜਕ ਜਾਗਰੂਕਤਾ ਦੀ ਲੋੜ ’ਤੇ ਜ਼ੋਰ ਦਿੱਤਾ।
ਇਸ ਮੌਕੇ ਦੀਦੀ ਸੰਗੀਤਾ (ਸੰਯੋਜਿਕਾ, ਉੱਤਰ ਖੇਤਰ ਸ਼ਿਸ਼ੂਵਾਟਿਕਾ) ਨੇ ਨਾਰੀ ਸ਼ਕਤੀ ਦੇ ਮਹੱਤਵ ਬਾਰੇ ਪ੍ਰੇਰਕ ਸੰਬੋਧਨ ਕੀਤਾ। ਸਮਾਜਿਕ ਵਿਕਾਸ ਵਿੱਚ ਔਰਤਾਂ ਦੀ ਭੂਮਿਕਾ ‘ਤੇ ਚਰਚਾ ਕੀਤੀ। ਸਵੇਰੇ 11 ਵਜੇ ਸ਼ੁਰੂ ਹੋਏ ਸਮਾਰੋਹ ਵਿੱਚ ਅਧਿਆਪਕਾਂ ਅਤੇ ਸਥਾਨਕ ਮਾਤਾਵਾਂ ਨੇ ਉਤਸ਼ਾਹਪੂਰਨ ਹਿੱਸਾ ਲਿਆ। ਪ੍ਰੋਗਰਾਮ ਵਿੱਚ ਭਾਰਤੀ ਸੰਸਕ੍ਰਿਤੀ ਅਤੇ ਸੱਭਿਆਚਾਰ ਦੇ ਵਿਕਾਸ ਵਿੱਚ ਅਹਿਮ ਭੂਮਿਕਾ ਨਿਭਾਉਣ ਵਾਲੀਆਂ ਮਹਿਲਾਵਾਂ ਦੇ ਸਬੰਧ ਵਿੱਚ ਪ੍ਰਸ਼ਨ ਵੀ ਪੁੱਛੇ ਗਏ, ਜਿੰਨ੍ਹਾਂ ਦੇ ਮਾਤਾਵਾਂ ਨੇ ਬੜੇ ਉਤਸਾਹ ਨਾਲ ਜਵਾਬ ਦਿੱਤੇ। ਜੇਤੂ ਮਾਤਾਵਾਂ ਨੂੰ ਇਨਾਮ ਦੇ ਸਨਮਾਨਿਤ ਕੀਤਾ ਗਿਆ। ਅੰਤ ਵਿੱਚ ਸਕੂਲ ਪ੍ਰਬੰਧ ਸਮਿਤੀ ਵੱਲੋਂ ਪ੍ਰੋਗਰਾਮ ਵਿੱਚ ਆਏ ਹੋਏ ਮੁੱਖ ਮਹਿਮਾਨਾਂ ਨੂੰ ਸਨਮਾਨ ਚਿੰਨ੍ਹ ਭੇਂਟ ਕਰਕੇ ਮੁੱਖ ਮਹਿਮਾਨਾ ਅਤੇ ਸਾਰੀਆਂ ਮਾਤਾਵਾਂ ਦਾ ਧੰਨਵਾਦ ਕੀਤਾ ਗਿਆ।