ਬਲਾਕ ਪੱਧਰੀ ਅਧਿਆਪਕ ਮੁਕਾਬਲੇ ਕਰਵਾਏ

- 10 ਵੱਖ-ਵੱਖ ਵਰਗਾਂ ਦੇ ਮੁਕਾਬਲੇ ’ਚ 40 ਅਧਿਆਪਕਾਂ ਨੇ ਲਿਆ ਹਿੱਸਾ ਵੀਰਪਾਲ ਭਗਤਾ, ਪੰਜਾਬੀ ਜਾਗਰਣ ਭਗਤਾ ਭਾਈਕਾ : ਸਿੱਖਿਆ ਵਿਭਾਗ ਪੰਜਾਬ ਅਤੇ ਰਾਜ ਵਿੱਦਿਅਕ ਖੋਜ ਅਤੇ ਸਿਖਲਾਈ ਪਰਿਸ਼ਦ ਪੰਜਾਬ ਦੀਆਂ ਹਦਾਇਤਾਂ ਅਨੁਸਾਰ ਅਤੇ ਆਰਏਏ ਅਧੀਨ ਬਲਾਕ ਪੱਧਰੀ ਅਧਿਆਪਕ ਮੇਲਾ 2025 ਮੁਕਾਬਲੇਬਾਜ਼ੀ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਕੋਠਾ ਗੁਰੂ (ਲੜਕੇ) ਵਿਖੇ ਕਰਵਾਇਆ ਗਿਆ। ਇਸ ਮੁਕਾਬਲੇਬਾਜ਼ੀ ਵਿੱਚ ਦਸਵੱਖ-ਵੱਖ ਵਰਗਾਂ ਵਿੱਚ ਬਲਾਕ ਦੇ ਲਗਭਗ 40 ਅਧਿਆਪਕਾਂ ਨੇ ਹਿੱਸਾ ਲਿਆ। ਵਿਭਾਗ ਵੱਲੋਂ ਜਾਰੀ ਲਿਸਟ ਦੇ ਕੁੱਲ ਦਸ ਵਰਗਾਂ ਵਿੱਚੋਂ ਪੰਜ ਵਰਗਾਂ ਦੇ ਮੁਕਾਬਲੇ ਪਹਿਲੇ ਦਿਨ ਅਤੇ ਪੰਜ ਵਰਗਾਂ ਦੇ ਮੁਕਾਬਲੇ ਦੂਜੇ ਦਿਨ ਕਰਵਾਏ ਗਏ। ਮੁਕਾਬਲੇ ਦੇ ਜਜਮੈਂਟ ਪੈਨਲ ਵਿੱਚ ਗੁਰੂ ਹੋਬਿੰਦ ਸਿੰਘ ਖਾਲਸਾ ਕਾਲਜ ਭਗਤਾ ਭਾਈ ਦੇ ਪ੍ਰੋਫੈਸਰ ਜਗਦੀਪ ਕੌਰ ਅਤੇ ਪ੍ਰੋ. ਹਰਪਿੰਦਰ ਕੌਰ ਤੋਂ ਇਲਾਵਾ ਸਿੱਖਿਆ ਵਿਭਾਗ ਪੰਜਾਬ ਦੇ ਸਕੂਲਾਂ ਵਿੱਚੋਂ ਅਮਨਜੀਤ ਕੌਰ ਹੈੱਡ ਮਾਸਟਰ ਸਰਕਾਰੀ ਹਾਈ ਸਕੂਲ ਕੋਠਾ ਗੁਰੂ, ਸੁਖਵਿੰਦਰ ਸਿੰਘ ਲੈਕਚਰਾਰ ਪੰਜਾਬੀ ਢਪਾਲੀ, ਪੂਜਾ ਸਿੰਗਲਾ ਲੈਕਚਰਾਰ ਫਿਜਿਕਸ ਚੱਕ ਰੁਲਦੂ ਸਿੰਘ ਵਾਲਾ, ਅਮਨਦੀਪ ਕੌਰ ਲੈਕਚਰਾਰ ਇਕਨਾਮਿਕਸ ਅਕਲੀਆ ਜਲਾਲ ਨੇ ਭੂਮਿਕਾ ਨਿਭਾਈ। ਇਨ੍ਹਾਂ ਮੁਕਾਬਲਿਆਂ ਵਿੱਚ ਸੁਖਵਿੰਦਰ ਸਿੰਘ ਕੰਪਿਊਟਰ ਅਧਿਆਪਕ ਕੇਸਰ ਸਿੰਘ ਵਾਲਾ, ਰਜਨੀ ਗੋਇਲ ਸਾਇੰਸ ਅਧਿਆਪਕਾ ਕੋਠਾ ਗੁਰੂ (ਲੜਕੇ), ਸਿਮਰਜੀਤ ਕੌਰ ਪੰਜਾਬੀ ਅਧਿਆਪਕਾ ਰਾਜਗੜ੍ਹ, ਖੁਸ਼ਦੀਪ ਸਿੰਘ ਗਣਿਤ ਅਧਿਆਪਕ ਕੋਠਾ ਗੁਰੂ(ਲੜਕੇ), ਜਸਵਿੰਦਰ ਸਿੰਘ ਸਾਇੰਸ ਅਧਿਆਪਕ ਰਾਜਗੜ, ਸਵਰਨ ਸਿੰਘ ਗਣਿਤ ਅਧਿਆਪਕ ਭਗਤਾ(ਲੜਕੇ), ਰਾਜਦੀਪ ਕੌਰ ਸਮਾਜਿਕ ਸਿੱਖਿਆ ਅਧਿਆਪਕਾ ਰਾਜਗੜ੍ਹ, ਪੁਨੀਤ ਬਾਲਾ ਹਿੰਦੀ ਅਧਿਆਪਕਾ ਸਲਾਬਤਪੁਰਾ, ਸਰਬਜੀਤ ਸਿੰਘ ਸਾਇੰਸ ਅਧਿਆਪਕ ਭਾਈ ਰੂਪਾ ਲੜਕੀਆਂ ਆਦਿ ਅਧਿਆਪਕਾਂ ਨੇ ਵੱਖ-ਵੱਖ ਵਰਗਾਂ ਵਿੱਚ ਪਹਿਲਾ ਸਥਾਨ ਹਾਸਲ ਕੀਤਾ। ਵੱਖ ਵੱਖ ਵਰਗਾਂ ਵਿੱਚ ਪਹਿਲੀਆਂ ਤਿੰਨ ਪੁਜੀਸ਼ਨਾਂ ਹਾਸਲ ਕਰਨ ਵਾਲੇ ਅਧਿਆਪਕਾਂ ਨੂੰ ਬਲਾਕ ਨੋਡਲ ਅਫਸਰ ਪ੍ਰਿੰਸੀਪਲ ਰਕੇਸ਼ ਕੁਮਾਰ ਵੱਲੋਂ ਸਨਮਾਨ ਚਿੰਨ ਅਤੇ ਸਰਟੀਫਿਕੇਟ ਦੇ ਕੇ ਸਨਮਾਨਿਤ ਕੀਤਾ ਗਿਆ। ਉਨ੍ਹਾਂ ਵੱਲੋਂ ਪ੍ਰੋਗਰਾਮ ਦੇ ਸਫਲ ਸੰਚਾਲਨ ਲਈ ਪ੍ਰਬੰਧਕੀ ਟੀਮ ਦੇ ਮੈਂਬਰਾਂ, ਨੂਤਨਪਾਲ ਲੈਕਚਰਾਰ ਪੰਜਾਬੀ, ਪ੍ਰਦੀਪ ਕੁਮਾਰ ਕੰਪਿਊਟਰ ਅਧਿਆਪਕ, ਵੀਰਪਾਲ ਕੌਰ ਸਮਾਜਿਕ ਸਿੱਖਿਆ ਅਧਿਆਪਕਾ, ਰਕੇਸ਼ ਕੁਮਾਰ ਬੀਆਰਸੀ ਭਗਤਾ, ਇਕਬਾਲ ਸਿੰਘ ਬੀਆਰਸੀ ਭਗਤਾ ਦਾ ਵਿਸ਼ੇਸ਼ ਧੰਨਵਾਦ ਕੀਤਾ ਗਿਆ।