ਸ੍ਰੀ ਦਰਬਾਰ ਸਾਹਿਬ ਨੂੰ ਧਮਕੀਆਂ ਦੇਣ ਵਾਲਾ ਗ੍ਰਿਫ਼ਤਾਰ: ਪਾਕਿਸਤਾਨ-ਬੰਗਲਾਦੇਸ਼ ਨਾਲ ਜੁੜੇ ਤਾਰ, ਇੰਟਰਪੋਲ ਦੀ ਮਦਦ ਨਾਲ ਜਾਂਚ ਕਰੇਗੀ ਲਵੇਗੀ ਪੰਜਾਬ ਪੁਲਿਸ

ਦੱਸਣਯੋਗ ਹੈ ਕਿ ਛੇ ਮਹੀਨੇ ਪਹਿਲਾਂ ਤੋਂ ਹੁਣ ਤੱਕ ਸੌਰਵ ਬਿਸਵਾਸ ਨੇ ਈਮੇਲ ਰਾਹੀਂ ਸ਼੍ਰੀ ਹਰਿਮੰਦਰ ਸਾਹਿਬ ਨੂੰ ਬੰਬ ਨਾਲ ਉਡਾਉਣ ਦੀਆਂ 40 ਦੇ ਕਰੀਬ ਧਮਕੀਆਂ ਭੇਜੀਆਂ ਸਨ। ਇਸ ਤੋਂ ਇਲਾਵਾ ਮੁਲਜ਼ਮ ਨੇ ਦੇਸ਼ ਦੇ ਕਈ ਹਿੱਸਿਆਂ ’ਚ ਈਮੇਲ ਵੀ ਭੇਜੇ ਸਨ, ਜਿਨ੍ਹਾਂ ’ਚ ਸ਼੍ਰੀ ਗੁਰੂ ਰਾਮਦਾਸ ਜੀ ਅੰਤਰਰਾਸ਼ਟਰੀ ਹਵਾਈ ਅੱਡਾ, ਸਕੂਲ, ਬੱਸ ਸਟੈਂਡ, ਸ਼੍ਰੀ ਦੁਰਗਿਆਣਾ ਮੰਦਰ, ਰੇਲਵੇ ਸਟੇਸ਼ਨ ਮਹੱਤਵਪੂਰਨ ਸਥਾਨਾਂ ਨੂੰ ਬੰਬ ਨਾਲ ਉਡਾਉਣ ਦੀ ਧਮਕੀ ਦਿੱਤੀ ਗਈ ਸੀ।

ਬਰਾਮਦਗੀ

ਲੰਬੀ ਜਾਂਚ ਤੋਂ ਬਾਅਦ ਪੁਲਿਸ ਨੇ ਸੌਰਵ ਨੂੰ ਗ੍ਰਿਫ਼ਤਾਰ ਕਰ ਲਿਆ। ਉਸ ਦੇ ਕਬਜ਼ੇ ’ਚੋਂ ਤਿੰਨ ਸੌ ਤੋਂ ਵੱਧ ਈਮੇਲ ਆਈਡੀ ਅਤੇ ਉਨ੍ਹਾਂ ਦੇ ਪਾਸਵਰਡ ਬਰਾਮਦ ਕੀਤੇ ਗਏ ਸਨ। ਉਸ ਨੇ ਇਹ ਸਭ ਵੱਖ-ਵੱਖ ਲੋਕਾਂ ਨੂੰ ਪੈਸੇ ਦੇ ਕੇ ਖਰੀਦੇ ਸਨ ਅਤੇ ਇਸ ਰਾਹੀਂ ਉਸ ਨੇ ਮੁੜ ਧਮਕੀਆਂ ਦੀ ਲੜੀ ਸ਼ੁਰੂ ਕੀਤੀ ਸੀ। ਮੁਲਜ਼ਮ ਦੇ ਕਬਜ਼ੇ ’ਚੋਂ ਤਿੰਨ ਸੀਪੀਯੂ, ਪੰਜ ਹਾਰਡ ਡਿਸਕ, ਤਿੰਨ ਮੋਬਾਈਲ ਫੋਨ, ਇੱਕ ਇੰਟਰਨੈਟ ਰਾਊਟਰ ਅਤੇ ਪੰਦਰਾਂ ਹੌਟਮੇਲ ਖਾਤੇ ਬਰਾਮਦ ਕੀਤੇ ਗਏ ਹਨ।