Weather Updates : ਦੇਸ਼ ਦੇ ਇਕ ਵੱਡੇ ਹਿੱਸੇ ’ਚ ਮੌਸਮ ਨੇ ਕਰਵਟ ਬਦਲੀ ਹੈ। ਹਾਲਾਤ ਇਹ ਹੈ ਕਿ ਪਹਾੜਾਂ ’ਤੇ ਬਰਫ਼ਬਾਰੀ ਹੋ ਰਹੀ ਹੈ ਤਾਂ ਮੈਦਾਨੀ ਇਲਾਕੇ ’ਚ ਭਾਰੀ ਬਾਰਿਸ਼। ਦੱਖਣੀ ਭਾਰਤ ਦੇ ਨਾਲ ਹੀ ਉੱਤਰ ਭਾਰਤ ਦੇ ਜ਼ਿਆਦਾਤਰ ਸੂਬਿਆਂ ’ਚ ਮੌਸਮ ਵਿਗੜ ਗਿਆ ਹੈ। ਕੇਦਾਰਨਾਥ ’ਚ ਬਾਰਿਸ਼ ਤੋਂ ਬਾਅਦ ਬਰਫ਼ਬਾਰੀ ਹੋਈ ਹੈ। ਹਿਮਾਚਲ ਪ੍ਰਦੇਸ਼ ’ਚ ਵੀ ਅਜਿਹੇ ਹੀ ਹਾਲਾਤ ਹਨ। ਦੇਹਰਾਦੂਨ ’ਚ ਸਕੂਲ ਬੰਦ ਹਨ। ਉੱਤਰਾਖੰਡ ਸਰਕਾਰ ਨੇ ਹਾਲੇ ਸੈਲਾਨੀਆਂ ਨੂੰ ਪਹਾੜੀ ਇਲਾਕਿਆਂ ਤੋਂ ਦੂਰ ਰਹਿਣ ਲਈ ਕਿਹਾ ਹੈ। ਉਥੇ ਹੀ ਕੇਰਲ ’ਚ ਮਰਨ ਵਾਲਿਆਂ ਦੀ ਗਿਣਤੀ 26 ਪਹੁੰਚ ਗਈ ਹੈ। ਉੱਤਰਾਖੰਡ ’ਚ ਭਾਰੀ ਬਾਰਿਸ਼ ਦਾ ਰੈੱਡ ਅਲਰਟ ਐਲਾਨਿਆ ਗਿਆ ਹੈ। ਉਥੇ ਹੀ 18 ਅਕਤੂਬਰ ਨੂੰ ਵੀ ਦਿੱਲੀ-ਐੱਨਸੀਆਰ ’ਚ ਭਾਰੀ ਬਾਰਿਸ਼ ਹੋ ਸਕਦੀ ਹੈ। ਮੌਸਮ ਵਿਭਾਗ ਨੇ ਇਥੇ ਯੈਲੋ ਅਲਰਟ ਜਾਰੀ ਕੀਤਾ ਹੈ।

ਇਸੀ ਤਰ੍ਹਾਂ ਮੱਧ ਪ੍ਰਦੇਸ਼, ਮਹਾਰਾਸ਼ਟਰ ਦੇ ਨਾਲ ਹੀ ਤਾਮਿਲਨਾਡੂ, ਆਂਧਰ ਪ੍ਰਦੇਸ਼, ਤੇਲੰਗਾਨਾ ’ਚ ਬਾਰਿਸ਼ ਦੀ ਵਾਪਸੀ ਹੋਈ ਹੈ। ਭਾਰਤੀ ਮੌਸਮ ਵਿਭਾਗ ਭਾਵ ਆਈਐੱਮਡੀ ਅਨੁਸਾਰ 18 ਅਕਤੂਬਰ ਨੂੰ ਉੱਤਰਾਖੰਡ ’ਚ ਭਾਰੀ ਬਾਰਿਸ਼ ਹੋ ਸਕਦੀ ਹੈ। ਇਸਤੋਂ ਬਾਅਦ ਸਕੂਲਾਂ ਨੂੰ ਛੁੱਟੀਆਂ ਕਰ ਦਿੱਤੀਆਂ ਗਈਆਂ ਹਨ ਅਤੇ ਚਾਰ ਧਾਮ ਯਾਤਰਾ ਵੀ ਰੋਕ ਦਿੱਤੀ ਗਈ ਹੈ। ਚਮੌਲੀ ’ਚ ਭਾਰੀ ਬਾਰਿਸ਼ ਦੇਖਣ ਨੂੰ ਮਿਲੀ ਹੈ।

ਜਾਣੋ ਕਿਉਂ ਹੋ ਰਹੀ ਇਸ ਸਮੇਂ ਬਾਰਿਸ਼

ਭਾਰਤ ਮੌਸਮ ਵਿਗਿਆਨ ਵਿਭਾਗ ਨੇ ਦੱਸਿਆ ਕਿ ਇਕ ਪੱਛਮੀ ਗੜਬੜੀ ਦੇ ਨਾਲ ਹੀ ਦੋ ਛੋਟੇ ਦਬਾਅ ਦੇ ਸਿਸਟਮ ਬਣੇ ਹਨ। ਇਨ੍ਹਾਂ ’ਚੋਂ ਇਕ ਅਰਬ ਸਾਗਰ ਦੇ ਉੱਪਰ ਤੇ ਦੂਸਰਾ ਬੰਗਾਲ ਦੀ ਖਾੜੀ ਦੇ ਉੱਪਰ ਹੈ। ਇਹ ਲੱਗਦਾ ਹੈ ਕਿ 21 ਅਕਤਬੂਰ ਤਕ ਦੇਸ਼ ਦੇ ਵਿਭਿੰਨ ਹਿੱਸਿਆਂ ’ਚ ਬਾਰਿਸ਼ ਜਾਰੀ ਰਹੇਗੀ। ਪਿਛਲੇ 48 ਘੰਟਿਆਂ ’ਚ ਕੇਰਲ ’ਚ ਜ਼ੋਰਦਾਰ ਬਾਰਿਸ਼ ਦੇਖਣ ਨੂੰ ਮਿਲੀ ਹੈ।

Posted By: Ramanjit Kaur