ਪਾਕਿਸਤਾਨ ’ਚ ਪੈਦਾ ਹੋਏ ਰਾਜਨੀਤਕ ਮਾਹੌਲ ਦੇ ਮੱਦੇਨਜ਼ਰ ਜੰਮੂ ਸਰਹੱਦ ’ਤੇ ਚੌਕਸੀ

ਜਾਗਰਣ ਸੰਵਾਦਦਾਤਾ, ਜੰਮੂ : ਪਾਕਿਸਾਤਨ ਵਿਚ ਪੈਦਾ ਹੋਏ ਰਾਜਨੀਤਕ ਮਾਹੌਲ ਤੇ ਕਿਸੇ ਵੀ ਅੱਤਵਾਦੀ ਗਤੀਵਿਧੀ ਦੇ ਖਦਸ਼ੇ ਨੂੰ ਦੇਖਦਿਆਂ ਅੰਤਰਰਾਸ਼ਟਰੀ ਸਰਹੱਦ ’ਤੇ ਸੁਰੱਖਿਆ ਏਜੰਸੀਆਂ ਅਲਰਟ ’ਤੇ ਹਨ। ਬੀਐੱਸਐੱਫ ਨੇ ਆਰਐੱਸਪੁਰਾ ਸੈਕਟਰ ਵਿਚ ਵੀ ਚੌਕਸੀ ਵਧਾ ਦਿੱਤੀ ਹੈ। ਸ਼ਨਿੱਚਰਵਾਰ ਨੂੰ ਬੀਐੱਸਐੱਫ ਨੇ ਪੁਲਿਸ ਦੇ ਨਾਲ ਮਿਲ ਕੇ ਸਰਹੱਦ ਨਾਲ ਲੱਗਦੇ ਇਲਾਕਿਆਂ ਵਿਚ ਸੁਰੱਖਿਆ ਅਭਿਆਨ ਚਲਾਇਆ। ਇਸ ਦੌਰਾਨ ਅੰਤਰਰਾਸ਼ਟਰੀ ਸਰਹੱਦ ਨਾਲ ਲੱਗਦੇ ਨਾਲਿਆਂ, ਨਹਿਰਾਂ, ਪੁਲੀਆਂ ਤੇ ਸੰਘਣੀਆਂ ਝਾੜੀਆਂ ਤੇ ਸੰਵੇਦਨਸ਼ੀਲ ਇਲਾਕਿਆਂ ਦੀ ਡੂੰਘਾਈ ਨਾਲ ਜਾਂਚ ਕੀਤੀ।

ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਪਾਕਿਸਤਾਨ ਵੱਲੋਂ ਕਿਸੇ ਵੀ ਅੱਤਵਾਦੀ ਗਤੀਵਿਧੀ ਦੀ ਕੋਸ਼ਿਸ਼ ਨੂੰ ਅਸਫਲ ਕਰਨ ਲਈ ਸੁਰੱਖਿਆ ਗ੍ਰਿਡ ਨੂੰ ਪਰਖਿਆ ਜਾ ਰਿਹਾ ਹੈ•। ਗਸ਼ਤ ਵਿਚ ਸ਼ਾਮਲ ਬੀਐੱਸਐੱਫ ਜਵਾਨਾਂ ਨੇ ਦੱਸਿਆਕਿ ਉਹ ਦਿਨ ਰਾਤ ਸਰਹੱਦ ’ਤੇ ਪਹਿਰਾ ਦੇ ਰਹੇ ਹਨ ਤੇ ਪਾਕਿਸਤਾਨ ਵੱਲੋਂ ਕਿਸੇ ਵੀ ਸ਼ੱਕੀ ਹਲਚਲ, ਡ੍ਰੋਨ ਗਤੀਵਿਧੀ ਜਾਂ ਘੁਸਪੈਠ ਦੀ ਕੋਸ਼ਿਸ਼ ’ਤੇ ਉਨ੍ਹਾਂ ਦੀ ਸਖ਼ਤ ਨਜ਼ਰ ਹੈ। ਪਾਕਿਸਤਾਨ ਵੱਲੋਂ ਕਿਸੇ ਵੀ ਹਰਕਤ ਦਾ ਮੋੜਵਾਂ ਜਵਾਬ ਦਿੱਤਾ ਜਾਵੇਗਾ। ਤਲਾਸ਼ੀ ਅਭਿਆਨ ਵਿਚ ਬੀਐੱਸਐੱਫ ਦੀ ਮਹਿਲਾ ਜਵਾਨ ਵੀ ਸ਼ਾਮਲ ਹਨ। ਸਰਹੱਦ ’ਤੇ ਤਕਨੀਕੀ ਨਿਗਰਾਨੀ ਮਸ਼ੀਨਾਂ ਤੇ ਸਰਗਰਮ ਕਰਨ ਦੇ ਨਾਲ ਰਾਤ ਦੀ ਗਸ਼ਤ ਵਧਾਈ ਗਈ ਹੈ। ਸਰਹੱਦ ਦੇ ਹਰੇਕ ਸੰਵੇਦਨਸ਼ੀਲ ਇਲਾਕਿਆਂ ’ਚ ਲਗਾਤਾਰ ਜਾਂਚ ਕੀਤੀ ਜਾ ਰਹੀ ਹੈ।