ਔਨਲਾਈਨ ਡੈਸਕ, ਦੇਹਰਾਦੂਨ : Republic Day 2022 : ਭਾਰਤ ਸਾਡਾ ਦੇਸ਼ ਹੈ ਪਰ ਇੱਥੇ ਬਹੁਤ ਸਾਰੀਆਂ ਅਜਿਹੀਆਂ ਚੀਜ਼ਾਂ ਹਨ ਜੋ ਸ਼ਾਇਦ ਅਸੀਂ ਅੱਜ ਵੀ ਨਹੀਂ ਜਾਣਦੇ ਜਾਂ ਅਸੀਂ ਉਨ੍ਹਾਂ ਵੱਲ ਕੋਈ ਧਿਆਨ ਨਹੀਂ ਦਿੱਤਾ। ਪਰ, ਇਨ੍ਹਾਂ ਗੱਲਾਂ ਨੂੰ ਜਾਣਨਾ ਬਹੁਤ ਜ਼ਰੂਰੀ ਹੈ। ਇਹ ਨਾ ਸਿਰਫ਼ ਤੁਹਾਨੂੰ ਆਪਣੇ ਦੇਸ਼ ਦੀਆਂ ਜੜ੍ਹਾਂ ਨਾਲ ਜੋੜੀ ਰੱਖਣਗੀਆਂ ਸਗੋਂ ਤੁਹਾਡੇ ਗਿਆਨ ਵਿਚ ਵੀ ਵਾਧਾ ਕਰਨਗੀਆਂ। ਤਾਂ ਅੱਜ ਅਸੀਂ ਤੁਹਾਨੂੰ ਦੱਸਾਂਗੇ ਕਿ ਭਾਰਤ ਨੂੰ ਇੰਡੀਆ ਨਾਂ ਕਿੱਥੋਂ ਮਿਲਿਆ ਤੇ ਇੱਥੇ ਕੀ ਕੁਝ ਖਾਸ ਹੈ...

ਕਿਵੇਂ ਪਿਆ ਇੰਡੀਆ (India) ਨਾਂ

ਬਹੁਤ ਸਾਰੇ ਲੋਕਾਂ ਨੂੰ ਇਹ ਵੀ ਨਹੀਂ ਪਤਾ ਕਿ ਭਾਰਤ ਕਿਵੇਂ ਇੰਡੀਆ ਬਣਿਆ। ਦਰਅਸਲ, ਭਾਰਤ ਦਾ ਅੰਗਰੇਜ਼ੀ 'ਚ ਨਾਂ 'ਇੰਡੀਆ' ਇੰਡਸ ਨਦੀ ਦੇ ਨਾਂ ਤੋਂ ਲਿਆ ਗਿਆ ਸੀ। ਮੁਢਲੀਆਂ ਸਭਿਅਤਾਵਾਂ ਇਸ ਨਦੀ ਦੇ ਆਲੇ-ਦੁਆਲੇ ਘਾਟੀ 'ਚ ਰਹਿੰਦੀਆਂ ਸਨ। ਨਾਲ ਹੀ ਸਿੰਧ ਨਦੀ ਨੂੰ ਆਰੀਅਨ ਉਪਾਸਕਾਂ 'ਚ ਸਿੰਧੂ ਕਿਹਾ ਜਾਂਦਾ ਸੀ।

ਤਾਮਿਲਨਾਡੂ 'ਚ ਹੈ ਪਹਿਲਾ ਗ੍ਰੇਨਾਈਟ ਮੰਦਰ

ਦੁਨੀਆ ਦਾ ਪਹਿਲਾ ਗ੍ਰੇਨਾਈਟ ਮੰਦਰ ਤੰਜੌਰ, ਤਾਮਿਲਨਾਡੂ 'ਚ ਹੈ ਜਿਸਦਾ ਨਾਂ ਬ੍ਰਿਹਦੇਸ਼ਵਰ ਹੈ। ਇਸ ਨੂੰ ਗ੍ਰੇਨਾਈਟ ਮੰਦਿਰ ਵੀ ਕਿਹਾ ਜਾਂਦਾ ਹੈ ਕਿਉਂਕਿ ਇਸ ਦਾ ਸਿਖਰ 80 ਟਨ ਗ੍ਰੇਨਾਈਟ ਦੇ ਟੁਕੜਿਆਂ ਨਾਲ ਬਣਿਆ ਹੈ। ਇਹ ਮੰਦਰ ਰਾਜਰਾਜਾ ਚੋਲ ਅਧੀਨ ਸਿਰਫ ਪੰਜ ਸਾਲਾਂ ਦੇ ਸਮੇਂ 'ਚ ਬਣਾ ਲਿਆ ਗਿਆ ਸੀ।

ਕਿੱਥੇ ਹਨ ਸਭ ਤੋਂ ਜ਼ਿਆਦਾ ਡਾਕਖਾਨੇ

ਕੀ ਤੁਸੀਂ ਜਾਣਦੇ ਹੋ ਕਿ ਦੁਨੀਆ 'ਚ ਸਭ ਤੋਂ ਵੱਧ ਡਾਕਖਾਨੇ ਕਿਹੜੇ ਦੇਸ਼ ਵਿੱਚ ਹਨ? ਜੇਕਰ ਤੁਸੀਂ ਨਹੀਂ ਜਾਣਦੇ ਹੋ ਤਾਂ ਅਸੀਂ ਤੁਹਾਨੂੰ ਦੱਸਾਂਗੇ। ਭਾਰਤ 'ਚ ਸਭ ਤੋਂ ਵੱਧ ਡਾਕਘਰ ਸਥਿਤ ਹਨ। ਇਸ ਦੇ ਨਾਲ ਹੀ ਭਾਰਤੀ ਰੇਲਵੇ ਦੇਸ਼ ਵਿੱਚ ਸਭ ਤੋਂ ਵੱਡੀ ਕੰਪਨੀ ਹੈ। ਇਹ 10 ਲੱਖ ਤੋਂ ਵੱਧ ਲੋਕਾਂ ਨੂੰ ਰੁਜ਼ਗਾਰ ਦਿੰਦੀ ਹੈ।

ਚਰਕ ਨੇ 2500 ਸਾਲ ਪਹਿਲਾਂ ਕੀਤਾ ਸੀ ਆਯੁਰਵੇਦ ਦਾ ਏਕੀਕਰਨ

ਚਰਕ ਨੇ 2500 ਸਾਲ ਪਹਿਲਾਂ ਆਯੁਰਵੇਦ ਨੂੰ ਮਜ਼ਬੂਤ ​​ਕੀਤਾ ਸੀ। ਉਨ੍ਹਾਂ ਨੂੰ ਆਯੁਰਵੇਦ ਦਾ ਜਣਕ ਵੀ ਕਿਹਾ ਜਾਂਦਾ ਹੈ। ਆਯੁਰਵੇਦ ਸਭ ਤੋਂ ਪੁਰਾਣੀ ਮੈਡੀਕਲ ਸ਼ਾਖਾ ਹੈ।

ਅੰਗਰੇਜ਼ਾਂ ਦੇ ਆਉਣ ਤੋਂ ਪਹਿਲਾਂ ਖੁਸ਼ਹਾਲ ਦੇਸ਼ ਸੀ ਭਾਰਤ

ਭਾਰਤ (17ਵੀਂ ਸਦੀ ਦੀ ਸ਼ੁਰੂਆਤ) ਬ੍ਰਿਟਿਸ਼ ਰਾਜ ਤੋਂ ਪਹਿਲਾਂ ਸਭ ਤੋਂ ਖੁਸ਼ਹਾਲ ਦੇਸ਼ ਸੀ। ਕ੍ਰਿਸਟੋਫਰ ਕੋਲੰਬਸ ਭਾਰਤ ਦੀ ਖੁਸ਼ਹਾਲੀ ਤੋਂ ਬਹੁਤ ਆਕਰਸ਼ਿਤ ਹੋਇਆ ਤੇ ਭਾਰਤ ਪਹੁੰਚਣ ਲਈ ਸਮੁੰਦਰੀ ਰਸਤਾ ਲੱਭਣ ਨਿਕਲਿਆ, ਪਰ ਅਚਾਨਕ ਅਮਰੀਕਾ ਦੀ ਖੋਜ ਕਰ ਲਈ।

ਸਿੰਧੂ ਤੇ ਹਿੰਦੂ ਦਾ ਸੁਮੇਲ ਹੈ ਹਿੰਦੁਸਤਾਨ

ਇਰਾਨ ਦੇ ਹਮਲਾਵਰਾਂ ਨੇ ਸਿੰਧੂ ਨੂੰ ਹਿੰਦੂ ਵਜੋਂ ਵਰਤਿਆ। ਹਿੰਦੁਸਤਾਨ ਇਨ੍ਹਾਂ ਦੋ ਨਾਵਾਂ (ਸਿੰਧੂ ਤੇ ਹਿੰਦੂ) ਦਾ ਸੁਮੇਲ ਹੈ। ਇਹ ਹਿੰਦੂਆਂ ਦੀ ਜ਼ਮੀਨ ਦੇ ਸੰਦਰਭ 'ਚ ਵਰਤਿਆ ਗਿਆ ਸੀ।

ਹਿਮਾਚਲ 'ਚ ਹੈ ਸਭ ਤੋਂ ਉੱਚਾ ਕ੍ਰਿਕਟ ਮੈਦਾਨ

ਦੁਨੀਆ ਦਾ ਸਭ ਤੋਂ ਉੱਚਾ ਕ੍ਰਿਕਟ ਮੈਦਾਨ ਹਿਮਾਚਲ ਪ੍ਰਦੇਸ਼ ਦੇ ਚਾਇਲ 'ਚ ਹੈ। ਇਹ 1893 'ਚ ਸਮੁੰਦਰ ਤਲ ਤੋਂ 2444 ਮੀਟਰ ਦੀ ਉਚਾਈ 'ਤੇ ਜ਼ਮੀਨ ਨੂੰ ਪੱਧਰਾ ਕਰ ਕੇ ਬਣਾਇਆ ਗਿਆ ਸੀ।

ਜਾਣੋ ਕਿੱਥੇ ਹੈ ਦੁਨੀਆ ਦਾ ਸਭ ਤੋਂ ਉੱਚਾ ਪੁਲ

ਦੁਨੀਆ ਦਾ ਸਭ ਤੋਂ ਉੱਚਾ ਪੁਲ ਬੇਲੀਪੁਲ ਹੈ, ਜੋ ਹਿਮਾਚਲ ਦੇ ਪਹਾੜਾਂ 'ਚ ਦਾਸ ਅਤੇ ਸਰੂ ਨਦੀਆਂ ਦੇ ਵਿਚਕਾਰ ਲੱਦਾਖ ਘਾਟੀ 'ਚ ਸਥਿਤ ਹੈ। ਇਸ ਦਾ ਨਿਰਮਾਣ ਭਾਰਤੀ ਫੌਜ ਨੇ ਅਗਸਤ 1982 'ਚ ਕੀਤਾ ਸੀ।

ਸਰਜਰੀ ਦੇ ਜਣਕ ਹਨ ਸੁਸ਼ਰੁਤ

ਸੁਸ਼ਰੁਤ ਨੂੰ ਸਰਜਰੀ ਦਾ ਪਿਤਾ ਮੰਨਿਆ ਜਾਂਦਾ ਹੈ। ਲਗਪਗ 2,600 ਸਾਲ ਪਹਿਲਾਂ ਉਨ੍ਹਾਂ ਨੇ ਅਤੇ ਸਾਥੀਆਂ ਨੇ ਮੋਤੀਆਬਿੰਦ, ਪ੍ਰੋਸਥੇਸਿਸ, ਸਰਜੀਕਲ ਡਲਿਵਰੀ, ਫ੍ਰੈਕਚਰ, ਬਲੈਡਰ ਸਟੋਨ, ​​ਦਿਮਾਗ ਦੀ ਸਰਜਰੀ ਤੇ ਪਲਾਸਟਿਕ ਸਰਜਰੀ ਸਮੇਤ ਕਈ ਹੋਰਾਂ ਐਕਟੀਵਿਟੀਜ਼ ਕੀਤੀਆਂ।

ਦੁਨੀਆ ਦਾ ਸਭ ਤੋਂ ਪੁਰਾਣਾ ਸ਼ਹਿਰ ਵਾਰਾਨਸੀ

ਵਾਰਾਨਸੀ ਨੂੰ ਬਨਾਰਸ ਦੇ ਨਾਂ ਨਾਲ ਵੀ ਜਾਣਿਆ ਜਾਂਦਾ ਹੈ ਜੋ ਇਕ ਪ੍ਰਾਚੀਨ ਸ਼ਹਿਰ ਹੈ। ੫੦੦ ਬੀਸੀ (ਬੇਫਾਰੇ ਕ੍ਰਿਸਟ) 'ਚ ਭਗਵਾਨ ਬੁੱਧ ਇੱਤੇ ਆਏ ਸਨ। ਅੱਜ ਇਹ ਸ਼ਹਿਰ ਦੁਨੀਆ ਦਾ ਸਭ ਤੋਂ ਪੁਰਾਣਾ ਤੇ ਲਗਾਤਾਰ ਅੱਗੇ ਵਧਣ ਵਾਲਾ ਸ਼ਹਿਰ ਹੈ।

ਭਾਰਤ ਬਾਰੇ ਥੋੜ੍ਹਾ ਹੋਰ ਜਾਣੋ

  • ਭਾਰਤ ਦੁਨੀਆ ਦਾ ਸਭ ਤੋਂ ਵੱਡਾ ਲੋਕਤੰਤਰ ਹੈ। ਇਹ ਦੁਨੀਆ ਦਾ ਸੱਤਵਾਂ ਸਭ ਤੋਂ ਵੱਡਾ ਦੇਸ਼ ਤੇ ਸਭ ਤੋਂ ਪੁਰਾਣੀਆਂ ਸਭਿਅਤਾਵਾਂ 'ਚੋਂ ਇੱਕ ਹੈ।
  • ਭਾਰਤ 'ਚ ਹੀ ਹੋਈ ਸੀ ਸ਼ਤਰੰਜ ਦੀ ਖੋਜ।
  • ਬੀਜ ਗਣਿਤ, ਤਿਕੋਣਮਿਤੀ ਤੇ ਕੈਲਕੂਲਸ ਦਾ ਅਧਿਐਨ ਵੀ ਭਾਰਤ 'ਚ ਸ਼ੁਰੂ ਹੋਇਆ।
  • ਸਥਾਨ ਮੁੱਲ ਪ੍ਰਣਾਲੀ ਤੇ ਦਸ਼ਮਲਵ ਪ੍ਰਣਾਲੀ ਭਾਰਤ 'ਚ 100 ਬੀਸੀ 'ਚ ਭਾਰਤ 'ਚ ਹੋਇਆ ਸੀ।
  • ਭਾਸਕਰਾਚਾਰੀਆ ਨੇ ਖਗੋਲ ਸ਼ਾਸਤਰ ਦੇ ਕਈ ਸੌ ਸਾਲ ਪਹਿਲਾਂ ਧਰਤੀ ਵੱਲੋਂ ਸੂਰਜ ਦੁਆਲੇ ਘੁੰਮਣ ਲਈ ਲੱਗਣ ਵਾਲੇ ਸਹੀ ਸਮੇਂ ਦੀ ਗਣਨਾ ਕੀਤੀ ਸੀ।
  • 1996 ਤਕ ਭਾਰਤ ਦੁਨੀਆ 'ਚ ਹੀਰਿਆਂ ਦਾ ਇੱਕੋ ਇੱਕ ਸਰੋਤ ਸੀ।
  • ਭਾਰਤ ਤੋਂ 90 ਦੇਸ਼ਾਂ ਨੂੰ ਸਾਫਟਵੇਅਰ ਬਰਾਮਦ ਕੀਤੇ ਜਾਂਦੇ ਹਨ।
  • ਭਾਰਤ 'ਚ ਚਾਰ ਧਰਮਾਂ ਹਿੰਦੂ, ਬੁੱਧ, ਜੈਨ ਤੇ ਸਿੱਖ ਧਰਮ ਦਾ ਜਨਮ ਹੋਇਆ। ਦੁਨੀਆ ਦੀ 25 ਫੀਸਦ ਆਬਾਦੀ ਇਨ੍ਹਾਂ ਦੀ ਪਾਲਣਾ ਕਰਦੀ ਹੈ।
  • ਭਾਰਤ 'ਚ ਲਗਪਗ ਤਿੰਨ ਲੱਖ ਮਸਜਿਦਾਂ ਹਨ, ਜੋ ਕਿਸੇ ਵੀ ਦੇਸ਼ ਨਾਲੋਂ ਵੱਧ ਹਨ। ਭਾਰਤ 'ਚ ਮੁਸਲਿਮ ਦੇਸ਼ਾਂ ਨਾਲੋਂ ਵੀ ਜ਼ਿਆਦਾ ਮਸਜਿਦਾਂ ਹਨ।
  • ਸਿੱਖ ਧਰਮ ਦੀ ਸ਼ੁਰੂਆਤ ਪੰਜਾਬ ਦੇ ਅੰਮ੍ਰਿਤਸਰ ਤੋਂ ਹੋਈ ਸੀ। ਇੱਥੇ 1577 'ਚ ਪ੍ਰਸਿੱਧ ਗੋਲਡਨ ਟੈਂਪਲ ਦੀ ਸਥਾਪਨਾ ਕੀਤੀ ਗਈ ਸੀ।
  • ਭਾਰਤ ਸ਼੍ਰੀਲੰਕਾ, ਤਿੱਬਤ, ਭੂਟਾਨ, ਅਫਗਾਨਿਸਤਾਨ ਤੇ ਬੰਗਲਾਦੇਸ਼ ਦੇ ਤਿੰਨ ਲੱਖ ਤੋਂ ਵੱਧ ਸ਼ਰਨਾਰਥੀਆਂ ਨੂੰ ਸੁਰੱਖਿਆ ਮੁਹੱਈਆ ਕਰਦਾ ਹੈ। ਇਨ੍ਹਾਂ ਸਾਰਿਆਂ ਨੂੰ ਧਾਰਮਿਕ ਤੇ ਸਿਆਸਤ ਕਾਰਨਾਂ ਕਰਕੇ ਦੇਸ਼ 'ਚੋਂ ਕੱਢ ਦਿੱਤਾ ਗਿਆ ਸੀ।
  • ਯੋਗ ਦੀ ਕਲਾ ਵੀ ਭਾਰਤ 'ਚ ਹੀ ਪੈਦਾ ਹੋਈ ਹੈ। ਇਹ ਪੰਜ ਹਜ਼ਾਰ ਤੋਂ ਵੱਧ ਸਾਲਾਂ ਤੋਂ ਮੌਜੂਦ ਹੈ।

Posted By: Seema Anand