Business ਲਈ ਔਰਤਾਂ ਨੂੰ ਕਿਵੇਂ ਮਿਲ ਸਕਦੈ 50 ਲੱਖ ਤੱਕ ਦਾ ਲੋਨ? ਜਾਣੋ ਪੂਰਾ ਪ੍ਰੋਸੈੱਸ ਤੇ ਲਓ ਫਾਇਦਾ
ਅਕਤੂਬਰ 2025 ਤੱਕ MSME ਸੈਕਟਰ ਵਿੱਚ 850 ਤੋਂ ਵੱਧ ਇਕਾਈਆਂ ਨੂੰ 275 ਕਰੋੜ ਰੁਪਏ ਦੀ ਵਿੱਤੀ ਸਹਾਇਤਾ ਮੁਹੱਈਆ ਕਰਵਾਈ ਗਈ ਸੀ। ਇਸ ਨਾਲ ਮਹਿਲਾ ਉੱਦਮਤਾ ਨੂੰ ਮਜ਼ਬੂਤ ਆਧਾਰ ਮਿਲਿਆ ਹੈ
Posted By alisha
Publish Date: Tue, 09 Dec 2025 04:18 PM (IST)
Updated Date: Tue, 09 Dec 2025 04:28 PM (IST)
ਡਿਜੀਟਲ ਡੈਸਕ, ਨਵੀਂ ਦਿੱਲੀ : ਮੱਧ ਪ੍ਰਦੇਸ਼ ਸਰਕਾਰ ਨੇ ਔਰਤਾਂ ਨੂੰ ਆਰਥਿਕ ਤੌਰ 'ਤੇ ਸ਼ਕਤੀਸ਼ਾਲੀ ਬਣਾਉਣ ਲਈ ਉੱਦਮਤਾ ਨੂੰ ਉਤਸ਼ਾਹਿਤ ਕਰਨ ਵਾਲੀਆਂ ਕਈ ਯੋਜਨਾਵਾਂ ਲਾਗੂ ਕੀਤੀਆਂ ਹਨ। ਇਨ੍ਹਾਂ ਯੋਜਨਾਵਾਂ ਦਾ ਮਕਸਦ ਹੈ ਕਿ ਔਰਤਾਂ ਸਿਰਫ਼ ਨੌਕਰੀਆਂ ਦੇ ਭਰੋਸੇ ਨਾ ਰਹਿਣ, ਸਗੋਂ ਖੁਦ ਉੱਦਮ ਸਥਾਪਿਤ ਕਰਕੇ ਪਰਿਵਾਰ ਦੀ ਆਰਥਿਕ ਸਥਿਤੀ ਮਜ਼ਬੂਤ ਕਰਨ। ਇਸਦੇ ਲਈ ਸਰਕਾਰ ਉਨ੍ਹਾਂ ਨੂੰ ਟ੍ਰੇਨਿੰਗ, ਲੋਨ, ਮਾਰਜਨ ਮਨੀ ਅਤੇ ਸਬਸਿਡੀ ਵਰਗੀਆਂ ਸਹੂਲਤਾਂ ਇੱਕ ਹੀ ਪਲੇਟਫਾਰਮ 'ਤੇ ਮੁਹੱਈਆ ਕਰਵਾ ਰਹੀ ਹੈ।
ਅਕਤੂਬਰ 2025 ਤੱਕ MSME ਸੈਕਟਰ ਵਿੱਚ 850 ਤੋਂ ਵੱਧ ਇਕਾਈਆਂ ਨੂੰ 275 ਕਰੋੜ ਰੁਪਏ ਦੀ ਵਿੱਤੀ ਸਹਾਇਤਾ ਮੁਹੱਈਆ ਕਰਵਾਈ ਗਈ ਸੀ। ਇਸ ਨਾਲ ਮਹਿਲਾ ਉੱਦਮਤਾ ਨੂੰ ਮਜ਼ਬੂਤ ਆਧਾਰ ਮਿਲਿਆ ਹੈ। ਰੈਡੀਮੇਡ ਗਾਰਮੈਂਟ ਉਦਯੋਗ ਵਿੱਚ ਕੰਮ ਕਰ ਰਹੀਆਂ ਔਰਤਾਂ ਨੂੰ ਪ੍ਰਤੀ ਮਹੀਨਾ 5000 ਰੁਪਏ ਦੀ ਪ੍ਰੋਤਸਾਹਨ ਰਾਸ਼ੀ ਦਿੱਤੀ ਜਾ ਰਹੀ ਹੈ।
ਔਰਤਾਂ ਨੂੰ ਕੀ ਮਿਲ ਸਕਦੀ ਹੈ ਸਹੂਲਤ?
ਇਨ੍ਹਾਂ ਯੋਜਨਾਵਾਂ ਰਾਹੀਂ ਔਰਤਾਂ ਬੁਟੀਕ, ਫੂਡ ਪ੍ਰੋਸੈਸਿੰਗ, ਸਰਵਿਸ ਯੂਨਿਟ, ਮੈਨੂਫੈਕਚਰਿੰਗ ਵਰਗੇ ਕੰਮ ਸ਼ੁਰੂ ਕਰ ਸਕਦੀਆਂ ਹਨ। ਵਪਾਰ (ਟਰੇਡ), ਸਰਵਿਸ, ਮੈਨੂਫੈਕਚਰਿੰਗ ਵਰਗੇ ਸੈਕਟਰ ਲਈ ਵੀ ਔਰਤਾਂ ਨੂੰ ਇਨ੍ਹਾਂ ਹੀ ਯੋਜਨਾਵਾਂ ਰਾਹੀਂ ਮਦਦ ਪਹੁੰਚਾਈ ਜਾਂਦੀ ਹੈ।
ਆਤਮ-ਨਿਰਭਰ ਬਣਾਉਣ ਲਈ ਕਿਹੜੀਆਂ-ਕਿਹੜੀਆਂ ਯੋਜਨਾਵਾਂ?
ਸੀਐਮ ਸਵੈ-ਰੋਜ਼ਗਾਰ ਯੋਜਨਾ (CM Swarojgar Yojana):
ਇਸ ਯੋਜਨਾ ਤਹਿਤ 18 ਤੋਂ 45 ਸਾਲ ਦੀ ਉਮਰ ਦੀਆਂ ਔਰਤਾਂ 10 ਲੱਖ ਤੱਕ ਦਾ ਲੋਨ ਲੈ ਕੇ ਕਾਰੋਬਾਰ ਕਰ ਸਕਦੀਆਂ ਹਨ।
ਇਸ ਵਿੱਚ 30% ਅਨੁਦਾਨ (Grant/Subsidy) ਮਿਲਦਾ ਹੈ।
ਮੁੱਖ ਮੰਤਰੀ ਉੱਦਮ ਕ੍ਰਾਂਤੀ ਯੋਜਨਾ (Mukhyamantri Udyam Kranti Yojana):
ਇਸ ਯੋਜਨਾ ਤਹਿਤ ਮਹਿਲਾ ਉੱਦਮੀਆਂ ਨੂੰ 1 ਤੋਂ 50 ਲੱਖ ਤੱਕ ਦਾ ਲੋਨ 3% ਸਬਸਿਡੀ ਨਾਲ ਮਿਲਦਾ ਹੈ।
ਇਹ ਵਪਾਰ, ਮੈਨੂਫੈਕਚਰਿੰਗ ਸਭ 'ਤੇ ਮਿਲਦਾ ਹੈ। ਡਿਜੀਟਲ ਸਟਾਰਟਅੱਪ ਵੀ ਕੀਤੇ ਜਾ ਸਕਦੇ ਹਨ।
ਲਾਡਲੀ ਬਹਿਨਾ ਉੱਦਮਤਾ ਯੋਜਨਾ (Ladli Behna Udyamita Yojana):
ਇਸ ਵਿੱਚ ਔਰਤਾਂ ਨੂੰ ਛੋਟੇ ਕਾਰੋਬਾਰ ਲਈ ਆਸਾਨ ਕਰਜ਼ਾ ਦਿੱਤਾ ਜਾਂਦਾ ਹੈ।
ਟ੍ਰੇਨਿੰਗ, ਬਾਜ਼ਾਰ ਸੰਪਰਕ ਰਾਹੀਂ ਉਤਪਾਦਾਂ ਦੀ ਵਿਕਰੀ ਵਿੱਚ ਮਦਦ ਦਿੱਤੀ ਜਾਂਦੀ ਹੈ।
ਸ਼ਹਿਰਾਂ ਵਿੱਚ ਔਰਤਾਂ ਲਈ ਆਜੀਵਿਕਾ ਮਿਸ਼ਨ (Ajeevika Mission for Urban Women):
ਖੁਦ ਦਾ ਕਾਰੋਬਾਰ ਸ਼ੁਰੂ ਕਰਨ ਲਈ 2 ਲੱਖ ਤੱਕ ਦਾ ਕਰਜ਼ਾ ਮਿਲਦਾ ਹੈ।
ਮਹਿਲਾ ਸਵੈ-ਸਹਾਇਤਾ ਸਮੂਹਾਂ (SHGs) ਨੂੰ 10 ਲੱਖ ਤੱਕ ਲੋਨ ਦੀ ਸਹੂਲਤ।
ਉੱਦਮ ਸਿਖਲਾਈ, ਹੁਨਰ ਵਿਕਾਸ, ਖਾਤੇ ਖੋਲ੍ਹਣ ਅਤੇ ਪ੍ਰੋਜੈਕਟ ਰਿਪੋਰਟ ਬਣਾਉਣ ਵਿੱਚ ਮਦਦ ਕਰਦਾ ਹੈ।
ਕਿੱਥੇ ਕਰੀਏ ਅਰਜ਼ੀ ਤੇ ਕੀ ਦਸਤਾਵੇਜ਼ ਹਨ ਜ਼ਰੂਰੀ?
ਅਰਜ਼ੀ: ਸੀਐਮਐਸਈ (CMSE) ਅਤੇ ਉੱਦਮ ਕ੍ਰਾਂਤੀ ਲਈ https://www.jansamarth.in 'ਤੇ ਜਾਂ ਨਗਰ ਪਾਲਿਕਾ ਦੇ ਆਜੀਵਿਕਾ ਮਿਸ਼ਨ ਦਫਤਰ ਵਿੱਚ ਵੀ ਅਰਜ਼ੀ ਦਿੱਤੀ ਜਾ ਸਕਦੀ ਹੈ।
ਜ਼ਰੂਰੀ ਦਸਤਾਵੇਜ਼: ਆਧਾਰ ਕਾਰਡ, ਬੈਂਕ ਪਾਸਬੁੱਕ, ਪਾਸਪੋਰਟ ਫੋਟੋ, ਨਿਵਾਸ ਪ੍ਰਮਾਣ ਪੱਤਰ, ਪ੍ਰੋਜੈਕਟ ਰਿਪੋਰਟ, ਆਮਦਨ ਪ੍ਰਮਾਣ ਪੱਤਰ ਜ਼ਰੂਰੀ ਹਨ।