20 ਫੁੱਟ ਲੰਬੀ ਸੁਰੰਗ ਬਣਾ ਕੇ ਡਾਕਟਰ ਦੇ ਘਰੋਂ ਚੋਰੀ ਕੀਤੀ ਕਰੋੜਾਂ ਦੀ ਚਾਂਦੀ

ਜਾਣਕਾਰੀ ਮੁਤਾਬਕ ਸ਼ਹਿਰ ਦੇ ਵੈਸ਼ਾਲੀ ਨਗਰ ਥਾਣਾ ਅਧੀਨ ਇਲਾਕੇ 'ਚ ਰਹਿੰਦੇ ਹੇਅਰ ਪਲਾਂਟ ਮਾਹਰ ਡਾਕਟਰ ਸੁਨੀਤ ਸੋਨੀ ਦੋ ਦਿਨ ਪਹਿਲਾਂ ਘਰ ਦੀ ਬੇਸਮੈਂਟ 'ਚ ਗਏ ਤਾਂ ਉਥੇ ਰੱਖੇ ਚਾਂਦੀ ਨਾਲ ਭਰੇ ਬਕਸੇ ਗਾਇਬ ਮਿਲੇ। ਉਨ੍ਹਾਂ ਨੇ ਸ਼ੁੱਕਰਵਾਰ ਨੂੰ ਪੁਲਿਸ ਨੂੰ ਸੂਚਨਾ ਦਿੱਤੀ। ਮੁੱਢਲੀ ਜਾਂਚ 'ਚ ਪਤਾ ਲੱਗਾ ਕਿ ਬੇਸਮੈਂਟ ਹੇਠਾਂ ਸੁਰੰਗ ਬਣਾ ਕੇ ਚੋਰੀ ਕੀਤੀ ਗਈ, ਜੋ ਡਾਕਟਰ ਦੇ ਘਰ ਦੇ ਪਿੱਛੇ ਇਕ ਮਕਾਨ ਦੇ ਕਮਰੇ ਤੋਂ ਖੋਦੀ ਗਈ ਹੈ। ਇਕ ਅਨੁਮਾਨ ਮੁਤਾਬਕ ਕਰੀਬ ਚਾਰ ਸੌ ਕਿੱਲੋ ਚਾਂਦੀ ਚੋਰੀ ਹੋਈ ਹੈ। ਉਧਰ, ਪੁਲਿਸ ਨੇ ਮਾਮਲੇ 'ਚ ਬਨਵਾਰੀ ਨੂੰ ਗਿ੍ਫ਼ਤਾਰ ਕੀਤਾ ਹੈ। ਦੱੱਸਿਆ ਜਾ ਰਿਹਾ ਹੈ ਬਨਵਾਰੀ ਨਾਂ 'ਤੇ ਹੀ ਉਕਤ ਮਕਾਨ ਖਰੀਦਿਆ ਗਿਆ ਸੀ। ਹਾਲਾਂਕਿ ਮਕਾਨ ਦਾ ਅਸਲੀ ਮਾਲਕ ਸਰਾਫਾ ਵਪਾਰੀ ਸ਼ਿਖਰ ਅੱਗਰਵਾਲ ਹੈ। ਅਜੇ ਉਹ ਵੀ ਗਾਇਬ ਹੈ।