ਸੋਲਰ ਰੇਡੀਏਸ਼ਨ ਦਾ ਅਸਰ, ਏਅਰਬਸ ਦਾ ਅਲਰਟ : ਇੰਡੀਗੋ-AI ਦੇ 250 ਜਹਾਜ਼ਾਂ ਦੀਆਂ ਉਡਾਣਾਂ ਪ੍ਰਭਾਵਿਤ ਹੋਣ ਦਾ ਖਦਸ਼ਾ
Air India ਅਤੇ Indigo ਨੇ ਹਵਾਈ ਯਾਤਰਾ ਕਰਨ ਵਾਲੇ ਯਾਤਰੀਆਂ ਲਈ ਐਡਵਾਈਜ਼ਰੀ ਜਾਰੀ ਕੀਤੀ ਹੈ। ਉੱਥੇ ਹੀ, ਜਾਪਾਨ ਦੀ ਏਐਨਏ ਏਅਰਲਾਈਨਜ਼ ਨੇ ਵੀ 65 ਫਲਾਈਟਾਂ ਰੱਦ ਕਰ ਦਿੱਤੀਆਂ ਹਨ।
Posted By Seema Anand
Publish Date: Sat, 29 Nov 2025 08:59 AM (IST)
Updated Date: Sat, 29 Nov 2025 09:04 AM (IST)
ਡਿਜੀਟਲ ਡੈਸਕ, ਨਵੀਂ ਦਿੱਲੀ : ਹਵਾਈ ਯਾਤਰਾ ਕਰਨ ਵਾਲਿਆਂ ਨੂੰ ਦੇਰੀ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਏਅਰਬੱਸ (Airbus Advisory) ਨੇ ਦੁਨੀਆ ਭਰ 'ਚ ਸੰਚਾਲਿਤ ਹੋਣ ਵਾਲੇ A320 ਜਹਾਜ਼ਾਂ ਲਈ ਤਕਨੀਕੀ ਨਿਰਦੇਸ਼ ਜਾਰੀ ਕੀਤੇ ਹਨ, ਜਿਸਦਾ ਅਸਰ ਏਅਰ ਇੰਡੀਆ ਤੇ ਇੰਡੀਗੋ ਦੀਆਂ ਫਲਾਈਟਾਂ 'ਤੇ ਵੀ ਦੇਖਣ ਨੂੰ ਮਿਲ ਸਕਦਾ ਹੈ। ਦੋਵਾਂ ਭਾਰਤੀ ਕੰਪਨੀਆਂ ਦੇ ਬੇੜੇ ਵਿੱਚ ਏਅਰਬੱਸ ਦੇ A320 ਜਹਾਜ਼ ਮੌਜੂਦ ਹਨ, ਜਿਸ ਕਾਰਨ ਘਰੇਲੂ ਉਡਾਣਾਂ ਵੱਡੇ ਪੱਧਰ 'ਤੇ ਪ੍ਰਭਾਵਿਤ ਹੋ ਸਕਦੀਆਂ ਹਨ।
ਏਅਰ ਇੰਡੀਆ ਅਤੇ ਇੰਡੀਗੋ ਨੇ ਹਵਾਈ ਯਾਤਰਾ ਕਰਨ ਵਾਲੇ ਯਾਤਰੀਆਂ ਲਈ ਐਡਵਾਈਜ਼ਰੀ ਜਾਰੀ ਕੀਤੀ ਹੈ। ਉੱਥੇ ਹੀ, ਜਾਪਾਨ ਦੀ ਏਐਨਏ ਏਅਰਲਾਈਨਜ਼ ਨੇ ਵੀ 65 ਫਲਾਈਟਾਂ ਰੱਦ ਕਰ ਦਿੱਤੀਆਂ ਹਨ।
ਏਅਰ ਇੰਡੀਆ ਨੇ ਜਾਰੀ ਕੀਤੀ ਐਡਵਾਈਜ਼ਰੀ
ਏਅਰ ਇੰਡੀਆ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ 'ਐਕਸ' (X) 'ਤੇ ਪੋਸਟ ਸਾਂਝੀ ਕਰਦਿਆਂ ਲਿਖਿਆ, "ਏਅਰਬੱਸ ਨੇ A320 ਲਈ ਦਿਸ਼ਾ-ਨਿਰਦੇਸ਼ ਜਾਰੀ ਕੀਤੇ ਹਨ ਜਿਸ ਕਾਰਨ ਏਅਰ ਇੰਡੀਆ ਦੇ ਬੇੜੇ 'ਚ ਸ਼ਾਮਲ ਏਅਰਬੱਸ A320 ਵਿੱਚ ਵੀ ਸਾਫਟਵੇਅਰ ਤੇ ਹਾਰਡਵੇਅਰ 'ਚ ਕੁਝ ਬਦਲਾਅ ਹੋਣਗੇ। ਇਸ ਨਾਲ ਆਵਾਜਾਈ 'ਚ ਦੇਰੀ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਨਾਲ ਹੀ ਹਵਾਈ ਯਾਤਰਾ ਵਿੱਚ ਵੱਧ ਸਮਾਂ ਲੱਗਣ ਦੀ ਸੰਭਾਵਨਾ ਹੈ।"
ਏਅਰ ਇੰਡੀਆ ਨੇ ਐਡਵਾਈਜ਼ਰੀ ਵਿੱਚ ਕਿਹਾ:
ਯਾਤਰੀਆਂ ਨੂੰ ਹੋਣ ਵਾਲੀ ਅਸੁਵਿਧਾ ਲਈ ਸਾਨੂੰ ਖੇਦ ਹੈ। ਪਰ, ਜਦੋਂ ਤਕ ਏਅਰਬੱਸ A320 ਰੀਸੈਟ ਨਹੀਂ ਹੋ ਜਾਂਦਾ, ਸੇਵਾ 'ਚ ਵਿਘਨ ਪੈਣ ਦਾ ਅਨੁਮਾਨ ਹੈ। ਅਸੀਂ ਯਾਤਰੀਆਂ ਨੂੰ ਬੇਨਤੀ ਕਰਾਂਗੇ ਕਿ ਏਅਰਪੋਰਟ ਪਹੁੰਚਣ ਤੋਂ ਪਹਿਲਾਂ https://airindia.com/in/en/manage/flight-status.htlml 'ਤੇ ਆਪਣੀ ਉਡਾਣ ਨਾਲ ਸੰਬੰਧਿਤ ਜਾਣਕਾਰੀ ਜ਼ਰੂਰ ਚੈੱਕ ਕਰ ਲੈਣ। ਜਾਂ ਫਿਰ ਯਾਤਰੀ 011-6969329333 ਅਤੇ 011-69329999 'ਤੇ ਸੰਪਰਕ ਕਰ ਸਕਦੇ ਹਨ।
We are aware of a directive from Airbus related to its A320 family aircraft currently in-service across airline operators. This will result in a software/hardware realignment on a part of our fleet, leading to longer turnaround time and delays to our…
— Air India (@airindia) November 28, 2025