- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
'ਕਾਕਰੋਚ ਜਨਤਾ ਪਾਰਟੀ' ਮਗਰੋਂ ਹੁਣ 'ਇਸ਼ਕ ਕਰੋ ਪਾਰਟੀ' ਦੀ ਐਂਟਰੀ, TMC ਆਗੂ ਮਹੂਆ ਮੋਇਤਰਾ ਨੂੰ ਮਿਲਿਆ ਸ਼ਾਮਲ ਹੋਣ ਦਾ ਆਫਰ
ਸੋਸ਼ਲ ਮੀਡੀਆ ਦੀ ਦੇਣ 'ਕਾਕਰੋਚ ਜਨਤਾ ਪਾਰਟੀ' ਤੋਂ ਬਾਅਦ ਹੁਣ ਮਾਰਕੀਟ 'ਚ 'ਇਸ਼ਕ ਕਰੋ ਪਾਰਟੀ' ਦੀ ਐਂਟਰੀ ਹੋਈ ਹੈ। ਖ਼ਾਸ ਗੱਲ ਇਹ ਹੈ ਕਿ ਤ੍ਰਿਣਮੂਲ ਕਾਂਗਰਸ ਦੀ ਆਗੂ ਮਹੂਆ ਮੋਇਤਰਾ ਨੂੰ ਇਸ ਪਾਰਟੀ 'ਚ ਸ਼ਾਮਲ ਹੋਣ ਦਾ ਆਫਰ ਵੀ ਮਿਲਿਆ ਹੈ। ਦਰਅਸਲ, ਸੁਪਰੀਮ ਕੋਰਟ ਦੇ ਸਾਬਕਾ ਜੱਜ ਜਸਟਿਸ ਮਾਰਕੰਡੇ ਕਾਟਜੂ ਨੇ ਭਾਰਤੀ ਨੌਜਵਾਨਾਂ ਨੂੰ 'ਇਸ਼ਕ ਕਰੋ ਪਾਰਟੀ' ਨਾਮ ਦੀ ਨਵੀਂ ਮੁਹਿੰਮ ਨਾਲ ਜੁੜਨ ਦੀ ਅਪੀਲ ਕੀਤੀ ਹੈ। ਉਨ੍ਹਾਂ ਨੇ ਇਸ ਨੂੰ 'ਜੰਗ ਨਹੀਂ, ਪਿਆਰ ਕਰੋ' ਦੇ ਸਿਧਾਂਤ 'ਤੇ ਬਣਿਆ ਇੱਕ ਮੰਚ ਦੱਸਿਆ ਹੈ।
Posted By Sunita
Publish Date: Tue, 09 Jun 2026 12:39 PM (IST)
Updated Date: Tue, 09 Jun 2026 12:41 PM (IST)
ਡਿਜੀਟਲ ਡੈਸਕ, ਨਵੀਂ ਦਿੱਲੀ : ਸੋਸ਼ਲ ਮੀਡੀਆ ਦੀ ਦੇਣ 'ਕਾਕਰੋਚ ਜਨਤਾ ਪਾਰਟੀ' ਤੋਂ ਬਾਅਦ ਹੁਣ ਮਾਰਕੀਟ 'ਚ 'ਇਸ਼ਕ ਕਰੋ ਪਾਰਟੀ' ਦੀ ਐਂਟਰੀ ਹੋਈ ਹੈ। ਖ਼ਾਸ ਗੱਲ ਇਹ ਹੈ ਕਿ ਤ੍ਰਿਣਮੂਲ ਕਾਂਗਰਸ ਦੀ ਆਗੂ ਮਹੂਆ ਮੋਇਤਰਾ ਨੂੰ ਇਸ ਪਾਰਟੀ 'ਚ ਸ਼ਾਮਲ ਹੋਣ ਦਾ ਆਫਰ ਵੀ ਮਿਲਿਆ ਹੈ। ਦਰਅਸਲ, ਸੁਪਰੀਮ ਕੋਰਟ ਦੇ ਸਾਬਕਾ ਜੱਜ ਜਸਟਿਸ ਮਾਰਕੰਡੇ ਕਾਟਜੂ ਨੇ ਭਾਰਤੀ ਨੌਜਵਾਨਾਂ ਨੂੰ 'ਇਸ਼ਕ ਕਰੋ ਪਾਰਟੀ' ਨਾਮ ਦੀ ਨਵੀਂ ਮੁਹਿੰਮ ਨਾਲ ਜੁੜਨ ਦੀ ਅਪੀਲ ਕੀਤੀ ਹੈ। ਉਨ੍ਹਾਂ ਨੇ ਇਸ ਨੂੰ 'ਜੰਗ ਨਹੀਂ, ਪਿਆਰ ਕਰੋ' ਦੇ ਸਿਧਾਂਤ 'ਤੇ ਬਣਿਆ ਇੱਕ ਮੰਚ ਦੱਸਿਆ ਹੈ। ਆਪਣੇ ਅਧਿਕਾਰਤ ਐਕਸ (ਟਵਿੱਟਰ) ਅਕਾਊਂਟ 'ਤੇ ਇੱਕ ਪੋਸਟ 'ਚ ਮਾਰਕੰਡੇ ਕਾਟਜੂ ਨੇ ਕਿਹਾ ਕਿ ਜੋ ਲੋਕ 'ਇਸ਼ਕ ਕਰੋ ਪਾਰਟੀ' ਨਾਲ ਜੁੜਨਾ ਚਾਹੁੰਦੇ ਹਨ, ਉਹ ishqkaroparty@gmail.com 'ਤੇ ਲਿਖ ਸਕਦੇ ਹਨ।
ਕਾਟਜੂ ਨੇ ਦੱਸਿਆ ਪਾਰਟੀ ਦਾ ਪਲਾਨ
ਉਨ੍ਹਾਂ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ ਐਕਸ 'ਤੇ ਇੱਕ ਪੋਸਟ 'ਚ ਇਹ ਗੱਲਾਂ ਕਹੀਆਂ, ਜਿਸ 'ਚ ਉਨ੍ਹਾਂ ਨੇ ਸੰਗਠਨ ਦੇ ਢਾਂਚੇ ਅਤੇ ਮਕਸਦ ਬਾਰੇ ਦੱਸਿਆ। ਉਨ੍ਹਾਂ ਦੀਆਂ ਇਹ ਗੱਲਾਂ ਅਜਿਹੇ ਸਮੇਂ ਸਾਹਮਣੇ ਆਈਆਂ ਹਨ ਜਦੋਂ ਭਾਰਤ 'ਚ ਵਾਇਰਲ ਹੋਈ 'ਕਾਕਰੋਚ ਜਨਤਾ ਪਾਰਟੀ' (CJP) ਨੇ ਸ਼ਨੀਵਾਰ ਨੂੰ ਨਵੀਂ ਦਿੱਲੀ ਦੇ ਜੰਤਰ-ਮੰਤਰ 'ਤੇ ਵਿਰੋਧ ਪ੍ਰਦਰਸ਼ਨ ਕੀਤਾ ਅਤੇ ਕਥਿਤ ਤੌਰ 'ਤੇ ਪ੍ਰੀਖਿਆ ਦੇ ਪੇਪਰ ਲੀਕ ਹੋਣ ਦੇ ਮਾਮਲੇ 'ਚ ਸਿੱਖਿਆ ਮੰਤਰੀ ਧਰਮੇਂਦਰ ਪ੍ਰਧਾਨ ਦੇ ਅਸਤੀਫੇ ਦੀ ਮੰਗ ਕੀਤੀ।
ਮਹੂਆ ਮੋਇਤਰਾ ਅਤੇ ਮ੍ਰਿਣਾਲ ਪਾਂਡੇ ਨੂੰ ਦਿੱਤਾ ਪਾਰਟੀ 'ਚ ਆਉਣ ਦਾ ਸੱਦਾ
ਇੱਕ ਕਥਿਤ ਸਕ੍ਰੀਨਸ਼ੌਟ ਵਾਇਰਲ ਹੋ ਰਿਹਾ ਹੈ ਜਿਸ 'ਚ ਮਾਰਕੰਡੇ ਕਾਟਜੂ ਟੀਐਮਸੀ ਦੀ ਆਗੂ ਮਹੂਆ ਮੋਇਤਰਾ ਅਤੇ ਸੀਨੀਅਰ ਪੱਤਰਕਾਰ ਮ੍ਰਿਣਾਲ ਪਾਂਡੇ ਨੂੰ 'ਇਸ਼ਕ ਕਰੋ ਪਾਰਟੀ' 'ਚ ਸ਼ਾਮਲ ਹੋਣ ਲਈ ਸੱਦਾ ਦੇ ਰਹੇ ਹਨ। ਆਪਣੀ ਪੋਸਟ 'ਚ ਕਾਟਜੂ ਨੇ ਟੀਐਮਸੀ ਆਗੂ ਨੂੰ ਕਿਹਾ ਕਿ ਉਹ ਦੂਜੇ ਸੀਜੇਪੀ (CJP) ਜੋਕਰਾਂ ਨੂੰ ਭੁੱਲ ਜਾਣ ਅਤੇ ਇਸ ਦੀ ਬਜਾਏ ਉਸ ਨਵੇਂ ਸੰਗਠਨ ਦਾ ਹਿੱਸਾ ਬਣਨ, ਜਿਸ ਬਾਰੇ ਉਨ੍ਹਾਂ ਨੇ ਕਿਹਾ ਕਿ ਇਹ ਪਿਆਰ ਅਤੇ ਸ਼ਾਂਤੀ ਨੂੰ ਉਤਸ਼ਾਹਿਤ ਕਰਨ 'ਤੇ ਕੇਂਦਰਿਤ ਹੈ। ਉਨ੍ਹਾਂ ਲਿਖਿਆ, "ਮਹੂਆ, ਸੀਜੇਪੀ ਦੇ ਜੋਕਰਾਂ ਨੂੰ ਭੁੱਲ ਜਾਓ ਅਤੇ ਹਾਲ ਹੀ 'ਚ ਬਣੀ 'ਇਸ਼ਕ ਕਰੋ ਪਾਰਟੀ' 'ਚ ਸ਼ਾਮਲ ਹੋ ਜਾਓ, ਜਿਸਦਾ ਏਜੰਡਾ ਹੈ - 'ਪਿਆਰ ਕਰੋ, ਜੰਗ ਨਹੀਂ'।"
ਇਸ ਤੋਂ ਇਲਾਵਾ ਉਨ੍ਹਾਂ ਦੇ ਇੱਕ ਹੋਰ ਟਵੀਟ 'ਚ ਲਿਖਿਆ ਹੈ, "ਮ੍ਰਿਣਾਲ, ਸੀਜੇਪੀ ਦੇ ਜੋਕਰਾਂ ਨੂੰ ਭੁੱਲ ਜਾਓ ਅਤੇ ਨਵੀਂ ਬਣੀ 'ਇਸ਼ਕ ਕਰੋ ਪਾਰਟੀ' 'ਚ ਸ਼ਾਮਲ ਹੋ ਜਾਓ, ਜਿਸਦਾ ਏਜੰਡਾ ਹੈ 'ਪਿਆਰ ਕਰੋ, ਜੰਗ ਨਹੀਂ'। ਮੈਂ ਇਸ ਦਾ ਸਰਪ੍ਰਸਤ ਹਾਂ ਅਤੇ ਇਸ ਦੇ ਚੇਅਰਮੈਨ ਇਰਫਾਨ ਅਲੀ ਹਨ, ਜੋ ਪ੍ਰਿੰਸਟਨ ਨਿਊ ਜਰਸੀ 'ਚ ਰਹਿੰਦੇ ਅਤੇ ਕੰਮ ਕਰਦੇ ਹਨ। ਅਸੀਂ ਇਸ ਦੀ ਵੈੱਬਸਾਈਟ, ਇੰਸਟਾਗ੍ਰਾਮ ਅਕਾਊਂਟ ਵਗੈਰਾ ਤਿਆਰ ਕਰ ਰਹੇ ਹਾਂ।"