ਨਵੀਂ ਦਿੱਲੀ, ਲਾਈਫਸਟਾਈਲ ਡੈਸਕ : ਵਿਟਾਮਿਨ-ਡੀ ਸਾਡੀ ਬਾਡੀ ਦੇ ਨਿਰਮਾਣ 'ਚ ਅਹਿਮ ਭੂਮਿਕਾ ਨਿਭਾਉਂਦਾ ਹੈ। ਮਜ਼ਬੂਤ ਹੱਡੀਆਂ, ਦੰਦਾਂ ਤੇ ਮਾਸਪੇਸ਼ੀਆਂ ਲਈ ਵਿਟਾਮਿਨ-ਡੀ ਬਹੁਤ ਜ਼ਰੂਰੀ ਹੈ। ਵਿਟਾਮਿਨ-ਡੀ ਸਾਡੀ ਇਮਿਊਨਿਟੀ ਨੂੰ ਮਜ਼ਬੂਤ ਕਰਦਾ ਹੈ, ਜਿਸ ਨਾਲ ਇਨਫੈਕਸ਼ਨ ਨਾਲ ਲੜਨ ਵਿਚ ਮਦਦ ਮਿਲਦੀ ਹੈ। ਵਧੀਆ ਅਤੇ ਸੰਤੁਲਿਤ ਡਾਈਟ ਨਾਲ ਇਸ ਵਿਟਾਮਿਨ ਡੀ ਦੀ ਘਾਟ ਨੂੰ ਪੂਰਾ ਕੀਤਾ ਜਾ ਸਕਾਦ ਹੈ। ਸਾਡਾ ਲਾਈਫਸਟਾਈਲ ਅਜਿਹਾ ਹੋ ਗਿਆ ਹੈ ਕਿ ਅਸੀਂ ਹਰ ਮੌਸਮ ਵਿਚ ਬੰਦ ਕਮਰਿਆਂ 'ਚ ਰਹਿਣਾ ਪਸੰਦ ਕਰਦੇ ਹਾਂ, ਜਿਸ ਦੀ ਵਜ੍ਹਾ ਨਾਲ ਅਸੀਂ ਧੁੱਪ 'ਚੋਂ ਵਿਟਾਮਿਨ-ਡੀ ਨਹੀਂ ਲੈ ਪਾਉਂਦੇ। ਵਿਟਾਮਿਨ-ਡੀ ਬਾਡੀ ਲਈ ਜ਼ਰੂਰੀ ਵਿਟਾਮਿਨ ਹੈ ਪਰ ਤੁਸੀਂ ਜਾਣਦੇ ਹੋ ਕਿ ਇਸ ਵਿਟਾਮਿਨ ਦੀ ਘਾਟ ਹੋਣ ਦਾ ਸੰਬੰਧ ਤੁਹਾਡੇ ਮੋਟਾਪੇ ਨਾਲ ਵੀ ਹੈ। ਜੀ ਹਾਂ, ਇਕ ਰਿਸਰਚ ਵਿਚ ਇਹ ਗੱਲ ਸਾਹਮਣੇ ਆਈ ਹੈ ਕਿ ਜਿਹੜੇ ਲੋਕਾਂ ਦੀ ਬਾਡੀ 'ਚ ਵਿਟਾਮਿਨ-ਡੀ ਦੀ ਘਾਟ ਹੁੰਦੀ ਹੈ, ਉਨ੍ਹਾਂ ਦਾ ਮੋਟਾਪਾ ਜ਼ਿਆਦਾ ਹੁੰਦਾ ਹੈ।

ਕੀ ਵਿਟਾਮਿਨ-ਡੀ ਦੀ ਘਾਟ ਵਧਾਉਂਦੀ ਮੋਟਾਪਾ?

ਸਾਇੰਟੀਫਿਕ ਰਿਪੋਰਟਸ ਮੈਗਜ਼ੀਨ ਵਿਚ ਪ੍ਰਕਾਸ਼ਿਤ ਰਿਸਰਚ ਪੇਪਰ 'ਚ ਇਹ ਗੱਲ ਸਾਹਮਣੇ ਆਈ ਹੈ ਕਿ ਮੋਟਾਪਾ ਤੇ ਵਿਟਾਮਿਨ ਡੀ ਦੀ ਘਾਟ ਦਾ ਗਹਿਰਾ ਸੰਬੰਧ ਹੈ। ਅਧਿਐਨ ਵਿਚ ਇਹ ਗੱਲ ਸਾਹਮਣੇ ਆਈ ਹੈ ਕਿ ਜਦੋਂ ਬਾਡੀ ਵਿਚ ਵਿਟਾਮਿਨ-ਡੀ ਦੀ ਕਮੀ ਹੁੰਦੀ ਹੈ ਤਾਂ ਫੈਟ ਸਰੀਰ ਵਿਚ ਜਮ੍ਹਾਂ ਹੋਣ ਲਗਦੀ ਹੈ। ਅਧਿਐਨ ਮੁਤਾਬਕ ਵਿਟਾਮਿਨ-ਡੀ ਦੀ ਘਾਟ ਮੈਟਾਬੌਲਿਕ ਦਰ ਨੂੰ ਵੀ ਪ੍ਰਭਾਵਿਤ ਕਰਦੀ ਹੈ।

ਅਮਰੀਕਾ ਦੀ ਨਾਰਥ ਕੈਰੋਲੀਨਾ ਯੂਨੀਵਰਸਿਟੀ ਦੇ ਖੋਜੀਆਂ ਦਾ ਕਹਿਣਾ ਹੈ ਕਿ ਵਿਟਾਮਿਨ-ਡੀ ਦੀ ਘਾਟ ਕਾਰਨ ਲੋਕਾਂ 'ਚ ਹਾਈਪਰਪਲਾਸੀਆ ਤੇ ਆਸਾਧਾਰਨ ਵਾਧੇ ਦੀ ਸਥਿਤੀ ਪਾਈ ਗਈ ਹੈ। ਇਸ ਤੋਂ ਇਲਾਵਾ ਫੈਟ ਸੈੱਲਜ਼ ਦੇ ਅਕਾਰ ਵਿਚ ਬਦਲਾਅ ਦਾ ਵੀ ਪਤਾ ਚੱਲਿਆ ਹੈ।

ਕਿਵੇਂ ਪ੍ਰਭਾਵਿਤ ਕਰਦੀ ਹੈ ਵਿਟਾਮਿਨ-ਡੀ ਦੀ ਘਾਟ :

ਅਧਿਐਨ ਮੁਤਾਬਕ ਜਿਨ੍ਹਾਂ ਲੋਕਾਂ ਵਿਚ ਵਿਟਾਮਿਨ-ਡੀ ਦੀ ਕਮੀ ਹੁੰਦੀ ਹੈ, ਉਨ੍ਹਾਂ ਦੇ ਬਲੱਡ ਵਿਚ ਟ੍ਰਾਈਗਲਿਸਰਾਈਡਜ਼ ਤੇ ਹਾਈ ਕੋਲੈਸਟ੍ਰੋਲ ਲੈਵਲ ਦੇਖਿਆ ਜਾਂਦਾ ਹੈ। ਟ੍ਰਾਈਗਲਿਸਰਾਈਡਜ਼ ਤੇ ਹਾਈ ਕੋਲੈਸਟ੍ਰੋਲ ਲੈਵਲ ਨੂੰ ਮੈਟਾਬੋਲਿਕ ਦੀ ਖਰਾਬੀ ਦਾ ਲੱਛਣ ਸਮਝਿਆ ਜਾਂਦਾ ਹੈ।

ਵਿਟਾਮਿਨ ਡੀ ਦੀ ਘਾਟ ਦੇ ਪ੍ਰਮੱਖ ਲੱਛਣ

ਜਿਨ੍ਹਾਂ ਲੋਕਾਂ ਦੀ ਬਾਡੀ ਵਿਚ ਵਿਟਾਮਿਨ ਡੀ ਦੀ ਘਾਟ ਹੁੰਦੀ ਹੈ, ਉਨ੍ਹਾਂ ਦਾ ਮੂਡ ਬਦਲਦਾ ਰਹਿੰਦਾ ਹੈ। ਨਾਲ ਹੀ ਉਨ੍ਹਾਂ ਦੇ ਮਿਜ਼ਾਜ ਵਿਚ ਚਿੜਚਿੜਾਪਨ ਵੀ ਰਹਿੰਦਾ ਹੈ। ਜੋੜਾਂ ਦਾ ਦਰਦ, ਥਕਾਨ, ਠੀਕ ਹੋਣ ਵਿਚ ਲੰਬਾ ਸਮਾਂ ਲੱਗਣਾ ਵਿਟਾਮਿਨ-ਡੀ ਦੀ ਘਾਟ ਦੇ ਪ੍ਰਮੁੱਖ ਲੱਛਣ ਹਨ।

Posted By: Seema Anand