ਲਾਈਫਸਟਾਈਲ ਡੈਸਕ, ਨਵੀਂ ਦਿੱਲੀ : ਸਰਦੀ ਦੇ ਮੌਸਮ 'ਚ ਠੰਢ ਤੋਂ ਬਚਣ ਲਈ ਚਾਹ ਬੈਸਟ ਆਪਸ਼ਨ ਹੈ। ਕੋਰੋਨਾ ਕਾਲ 'ਚ ਲੋਕ ਅਦਰਕ ਦੀ ਚਾਹ ਪੀਣਾ ਜ਼ਿਆਦਾ ਪਸੰਦ ਕਰ ਰਹੇ ਹਨ। ਅਦਰਕ ਵਾਲੀ ਚਾਹ ਦੀ ਚੁਸਕੀ ਸਰਦੀ ਤੋਂ ਬਚਾਉਣ ਦੇ ਨਾਲ ਹੀ ਇਮਿਊਨਿਟੀ ਵੀ ਵਧਾਏਗੀ। ਲੋਕ ਇਮਿਊਨਿਟੀ ਵਧਾਉਣ ਲਈ ਤਰ੍ਹਾਂ-ਤਰ੍ਹਾਂ ਦੇ ਕਾੜੇ ਦਾ ਸੇਵਨ ਕਰ ਰਹੇ ਹਨ, ਪਰ ਜੇਕਰ ਤੁਸੀਂ ਚਾਹ ਪੀਣ ਦੇ ਸ਼ੌਕੀਨ ਹੋ ਤਾਂ ਅਸੀਂ ਤੁਹਾਨੂੰ ਅੱਜ ਅਜਿਹੀ ਚਾਹ ਦੀ ਰੈਸਿਪੀ ਦੱਸਾਂਗੇ ਜੋ ਸਰਦੀ, ਜੁਕਾਮ ਤੋਂ ਤੁਹਾਡੀ ਰੱਖਿਆ ਕਰੇਗੀ ਨਾਲ ਹੀ ਇਮਿਊੁਨਿਟੀ ਵਧਾਉਣ 'ਚ ਵੀ ਮਦਦਗਾਰ ਹੈ। ਇਹ ਮਸਾਲਾ ਚਾਹ ਸਿਹਤ ਦੇ ਲਿਹਾਜ ਨਾਲ ਜਿੰਨੀ ਅਸਰਦਾਰ ਹੈ, ਓਨੀ ਹੀ ਪੀਣ 'ਚ ਵੀ ਸਵਾਦਿਸ਼ਟ ਵੀ ਹੈ। ਆਓ ਜਾਣਦੇ ਹਾਂ ਕਿ ਘਰ 'ਚ ਮਸਾਲਾ ਚਾਹ ਕਿਵੇਂ ਤਿਆਰ ਕਰੀਏ।

ਮਸਾਲਾ ਚਾਹ ਲਈ ਜ਼ਰੂਰੀ ਸਮੱਗਰੀ

ਮਸਾਲਾ ਚਾਹ ਪਾਊਡਰ ਬਣਾਉਣ ਲਈ ਤੁਹਾਨੂੰ ਚਾਹੀਦੀ ਹੈ ਹਰੀ ਇਲਾਇਚੀ ਪਾਊਡਰ 4 ਚਮਚ, ਕਾਲੀ ਮਿਰਚ ਪਾਊਡਰ 2 ਚਮਚ, ਲੌਂਗ ਦਾ ਪਾਊਡਰ 2 ਚਮਚ, 4 ਕਾਲੀਆਂ ਇਲਾਇਚੀਆਂ ਦਾ ਪਾਊਡਰ, ਦਾਲਚੀਨੀ ਪਾਊਡਰ 5 ਗ੍ਰਾਮ, ਜੈ ਫਲ ਅੱਧਾ ਟੁਕੜਾ, ਸੌਂਫ ਪਾਊਡਰ 1 ਚਮਚ, ਸ਼ਰਾਬ 1 ਚਮਚ, 2 ਵੱਡੇ ਚਮਚ ਤੁਲਸੀ ਦੇ ਪੱਤੇ. ਤੁਲਸੀ ਦੇ ਬੀਜ਼ 1 ਵੱਡਾ ਚਮਚ. ਸੁੱਕੇ ਅਦਰਕ ਦਾ ਪਾਊਡਰ 3 ਵੱਡੇ ਚਮਚ।

ਮਸਾਲਾ ਪਾਊਡਰ ਕਿਵੇਂ ਬਣਾਈਏ

ਸਾਰੀਆਂ ਸਮੱਗਰੀਆਂ ਨੂੰ ਸੁੱਕਾ ਭੁੰਨੋ ਤੇ ਉਸਨੂੰ ਠੰਢਾ ਹੋਣ ਦਿਓ। ਜਦੋਂ ਇਹ ਠੰਢਾ ਹੋ ਜਾਵੇ ਤਾਂ ਚੰਗੀ ਤਰ੍ਹਾਂ ਨਾਲ ਪੀਹ ਕੇ ਇਕ ਸੁੱਕੇ ਅਤੇ ਸਾਫ਼ ਜ਼ਾਰ 'ਚ ਸਟੋਰ ਕਰੋ। ਇਹ ਮਸਾਲਾ ਪਾਊਡਰ 4-6 ਮਹੀਨਿਆਂ ਤਕ ਫਰੈੱਸ਼ ਰਹਿ ਸਕਦਾ ਹੈ।

ਇਮਿਊਨਿਟੀ ਬੂਸਟ ਕਰਨ ਵਾਲੀ ਮਸਾਲਾ ਚਾਹ ਘਰ 'ਚ ਕਿਵੇਂ ਤਿਆਰ ਕਰੀਏ

ਚਾਹ ਬਣਾਉਣ ਲਈ ਪੈਨ ਲਓ ਅਤੇ ਉਸ 'ਚ 2.5 ਕੱਪ ਪਾਣੀ ਪਾਓ। ਇਸ 'ਚ 2 ਕੱਪ ਦੁੱਧ ਅਤੇ ਸਵਾਦ ਅਨੁਸਾਰ ਚੀਨੀ ਪਾਓ। ਇਸ ਨੂੰ ਉਬਲਣ ਦਿਓ ਅਤੇ ਇਸ 'ਚ 2 ਵੱਡੇ ਚਮਚ ਚਾਹ ਪੱਤੀ ਅਤੇ 1 ਚਮਚ ਮਸਾਲਾ ਟੀ ਪਾਊਡਰ ਪਾਓ। ਇਸਨੂੰ 4-5 ਮਿੰਟ ਤਕ ਪਕਾਓ। ਪੰਜ ਮਿੰਟ ਬਾਅਦ ਗੈਸ ਬੰਦ ਕਰ ਦਿਓ ਅਤੇ ਚਾਹ ਛਾਣ ਕੇ ਉਸਦਾ ਸੇਵਨ ਕਰੋ। ਤੁਹਾਡੀ ਇਮਿਊਨਿਟੀ ਵਧਾਉਣ ਵਾਲੀ ਮਸਾਲਾ ਚਾਹ ਤਿਆਰ ਹੈ।

ਇਹ ਇਮਿਊਨਿਟੀ ਕਿਵੇਂ ਵਧਾਉਂਦੀ ਹੈ, ਨਾਲ ਹੀ ਫਲੂ ਨਾਲ ਕਿਵੇਂ ਲੜਦੀ ਹੈ

ਭਾਰਤੀ ਮਸਾਲੇ ਪੌਸ਼ਕ ਤੱਤਾਂ ਦਾ ਸਭ ਤੋਂ ਵੱਡਾ ਖ਼ਜ਼ਾਨਾ ਹੈ ਜੋ ਸਰੀਰ ਨੂੰ ਸਾਰੇ ਮੌਸਮੀ ਬੈਕਟੀਰੀਆ ਤੋਂ ਬਚਾਉਣ 'ਚ ਮਦਦ ਕਰਦੇ ਹਨ। ਇਥੋਂ ਤਕ ਸਰਦੀ ਦੇ ਮੌਸਮ ਦਾ ਸਵਾਲ ਹੈ ਤਾਂ ਲੌਂਗ ਨੂੰ ਫਲੂ ਦੇ ਲੱਛਣਾਂ ਨਾਲ ਲੜਨ ਲਈ ਇਕ ਰਵਾਇਤੀ ਘਰੇਲੂ ਇਲਾਜ ਮੰਨਿਆ ਜਾਂਦਾ ਹੈ। ਇਹ ਐਂਟੀਆਕਸੀਡੈਂਟ ਗੁਣਾਂ ਨਾਲ ਭਰਪੂਰ ਹੈ, ਇਸ 'ਚ ਐਂਟੀਵਾਇਰਲ ਗੁਣ ਵੀ ਸ਼ਾਮਿਲ ਹਨ। ਇਸਤੋਂ ਇਲਾਵਾ ਦਾਲਚੀਨੀ ਐਂਟੀਆਕਸੀਡੈਂਟ ਗੁਣਾਂ ਨਾਲ ਭਰਪੂਰ ਹੈ, ਅਤੇ ਸਰੀਰ ਨੂੰ ਵਿਭਿੰਨ ਪ੍ਰਕਾਰ ਦੇ ਸੰਕ੍ਰਮਣਾਂ ਅਤੇ ਐਲਰਜੀ ਤੋਂ ਬਚਾਉਣ 'ਚ ਮਦਦਗਾਰ ਹਨ।

ਕਾਲੀ ਮਿਰਚ ਦੇ ਜੀਵਾਣੂਰੋਧੀ ਗੁਣ ਸਰਦੀ ਅਤੇ ਖਾਂਸੀ ਨੂੰ ਠੀਕ ਕਰਨ 'ਚ ਮਦਦ ਕਰਦੇ ਹਨ। ਇਹ ਛਾਤੀ 'ਚੋਂ ਬਲਗਮ ਸਾਫ ਕਰਨ 'ਚ ਵੀ ਮਦਦ ਕਰਦੇ ਹਨ। ਕਾਲੀ ਮਿਰਚ ਵਿਟਾਮਿਨ ਸੀ ਨਾਲ ਵੀ ਭਰਪੂਰ ਹੈ ਜੋ ਇਕ ਚੰਗੇ ਐਂਟੀਬਾਇਓਟੈਕ ਦੇ ਰੂਪ 'ਚ ਕੰਮ ਕਰਦੀ ਹੈ। ਤੁਲਸੀ ਜੋ ਕਈ ਵਿਕਾਰਾਂ ਦੇ ਇਲਾਜ 'ਚ ਮਦਦ ਕਰਦੀ ਹੈ, ਕਾਫੀ ਲਾਭਦਾਇਕ ਹੁੰਦੀ ਹੈ। ਸਰਦੀ ਤੇ ਖੰਘ ਤੋਂ ਲੈ ਕੇ ਬ੍ਰੇਂਕਾਈਟਿਸ ਤਕ ਦਾ ਇਲਾਜ ਕਰਦੀ ਹੈ ਤੁਲਸੀ। ਇਸ ਨਾਲ ਇਮਿਊਨੋਮਾਡੁਲੇਟਰੀ ਗੁਣ ਇਮਿਊਨਿਟੀ ਨੂੰ ਵਧਾਉਣ 'ਚ ਮਦਦ ਕਰਦੀ ਹੈ।

Posted By: Ramanjit Kaur