ਕੀ ਤੁਸੀ ਵੀ ਹੋ ਸਰਦੀਆਂ 'ਚ ਤਿਲ ਖਾਣ ਦੇ ਸ਼ੌਕੀਨ, ਜਾਣਦੇ ਹੋ ਵਰਤਣ ਦਾ ਸਹੀ ਤਰੀਕਾ? ਪੜ੍ਹੋ ਫਾਇਦੇ ਵੀ

ਲਾਈਫਸਟਾਈਲ ਡੈਸਕ: ਸਰਦੀਆਂ ਵਿੱਚ ਸਰੀਰ ਨੂੰ ਨਿੱਘ ਅਤੇ ਪੋਸ਼ਣ ਦੇਣ ਲਈ ਤਿਲ ਨੂੰ ਬੇਹੱਦ ਫਾਇਦੇਮੰਦ ਮੰਨਿਆ ਜਾਂਦਾ ਹੈ। ਆਯੁਰਵੇਦ ਵਿੱਚ ਵੀ ਤਿਲ ਨੂੰ 'ਸੀਤ ਰੁੱਤ ਦਾ ਸੁਪਰਫੂਡ' ਦੱਸਿਆ ਗਿਆ ਹੈ, ਕਿਉਂਕਿ ਇਹ ਸਰੀਰ ਨੂੰ ਅੰਦਰੋਂ ਗਰਮ ਰੱਖਦਾ ਹੈ, ਹੱਡੀਆਂ ਨੂੰ ਮਜ਼ਬੂਤ ​​ਬਣਾਉਂਦਾ ਹੈ ਅਤੇ ਚਮੜੀ ਤੇ ਵਾਲਾਂ ਲਈ ਵੀ ਕਿਸੇ ਟੌਨਿਕ ਤੋਂ ਘੱਟ ਨਹੀਂ ਹੈ। ਆਓ ਜਾਣਦੇ ਹਾਂ ਸਰਦੀਆਂ ਵਿੱਚ ਤਿਲ ਖਾਣ ਦੇ 5 ਵੱਡੇ ਫਾਇਦੇ:

1. ਸਰੀਰ ਨੂੰ ਅੰਦਰੋਂ ਦਿੰਦਾ ਹੈ ਨਿੱਘ (ਗਰਮਾਹਟ)

ਸਰਦੀਆਂ ਵਿੱਚ ਠੰਢ ਤੇਜ਼ੀ ਨਾਲ ਲੱਗਦੀ ਹੈ, ਅਜਿਹੇ ਵਿੱਚ ਤਿਲ ਦਾ ਸੇਵਨ ਸਰੀਰ ਦਾ ਤਾਪਮਾਨ ਨਿਯੰਤਰਿਤ ਰੱਖਦਾ ਹੈ। ਤਿਲ ਵਿੱਚ ਮੌਜੂਦ ਹੈਲਦੀ ਫੈਟ ਅਤੇ ਮੈਗਨੀਸ਼ੀਅਮ ਸਰੀਰ ਨੂੰ ਕੁਦਰਤੀ ਰੂਪ ਵਿੱਚ ਗਰਮ ਰੱਖਦੇ ਹਨ।

2. ਹੱਡੀਆਂ ਅਤੇ ਜੋੜਾਂ ਲਈ ਫਾਇਦੇਮੰਦ

ਤਿਲ ਕੈਲਸ਼ੀਅਮ, ਫਾਸਫੋਰਸ ਅਤੇ ਜ਼ਿੰਕ ਦਾ ਬਿਹਤਰੀਨ ਸਰੋਤ ਹੈ। ਇਹ ਖਣਿਜ (minerals) ਹੱਡੀਆਂ ਦੀ ਮਜ਼ਬੂਤੀ ਵਧਾਉਂਦੇ ਹਨ ਅਤੇ ਸਰਦੀਆਂ ਵਿੱਚ ਅਕਸਰ ਵਧਣ ਵਾਲੇ ਜੋੜਾਂ ਦੇ ਦਰਦ ਤੋਂ ਰਾਹਤ ਦਿਵਾਉਂਦੇ ਹਨ।

3. ਚਮੜੀ ਨੂੰ ਬਣਾਉਂਦਾ ਹੈ ਚਮਕਦਾਰ ਅਤੇ ਨਮ (ਮੌਇਸਚਰਾਈਜ਼ਡ)

ਤਿਲ ਵਿੱਚ ਭਰਪੂਰ ਵਿਟਾਮਿਨ E ਅਤੇ ਐਂਟੀਆਕਸੀਡੈਂਟ ਹੁੰਦੇ ਹਨ, ਜੋ ਖੁਸ਼ਕ ਚਮੜੀ ਲਈ ਕੁਦਰਤੀ ਮੌਇਸਚਰਾਈਜ਼ਰ ਦਾ ਕੰਮ ਕਰਦੇ ਹਨ। ਰੋਜ਼ ਥੋੜ੍ਹੀ ਮਾਤਰਾ ਵਿੱਚ ਤਿਲ ਖਾਣ ਨਾਲ ਚਿਹਰੇ 'ਤੇ ਕੁਦਰਤੀ ਚਮਕ (ਗਲੋਅ) ਆਉਂਦੀ ਹੈ।

4. ਇਮਿਊਨਿਟੀ ਮਜ਼ਬੂਤ ​​ਹੋਣਾ

ਸਰਦੀਆਂ ਵਿੱਚ ਕਮਜ਼ੋਰ ਇਮਿਊਨਿਟੀ ਕਾਰਨ ਫਲੂ, ਖਾਂਸੀ-ਜ਼ੁਕਾਮ ਜਲਦੀ ਹੋ ਜਾਂਦੇ ਹਨ। ਤਿਲ ਵਿੱਚ ਕਾਪਰ, ਜ਼ਿੰਕ, ਆਇਰਨ ਅਤੇ ਵਿਟਾਮਿਨ B ਹੁੰਦੇ ਹਨ, ਜੋ ਸਰੀਰ ਦੀ ਰੋਗ ਪ੍ਰਤੀਰੋਧਕ ਸਮਰੱਥਾ ਨੂੰ ਵਧਾਉਂਦੇ ਹਨ।

5. ਪਾਚਨ ਵਿੱਚ ਸੁਧਾਰ

ਤਿਲ ਫਾਈਬਰ ਨਾਲ ਭਰਪੂਰ ਹੁੰਦਾ ਹੈ, ਜਿਸ ਨਾਲ ਪਾਚਨ ਬਿਹਤਰ ਹੁੰਦਾ ਹੈ ਅਤੇ ਕਬਜ਼ ਤੋਂ ਰਾਹਤ ਮਿਲਦੀ ਹੈ। ਇਸ ਤੋਂ ਇਲਾਵਾ ਤਿਲ ਐਨਰਜੀ ਬੂਸਟਰ ਹੈ, ਇਸ ਲਈ ਸਰਦੀਆਂ ਦੀ ਸੁਸਤੀ ਨੂੰ ਦੂਰ ਕਰਨ ਵਿੱਚ ਵੀ ਮਦਦਗਾਰ ਹੈ।

ਤਿਲ ਦਾ ਸੇਵਨ ਕਿਵੇਂ ਕਰੀਏ?

ਤਿਲ ਦੀ ਗੱਚਕ

ਤਿਲ ਦੇ ਲੱਡੂ

ਭੁੱਜੇ ਹੋਏ ਕਾਲੇ/ਸਫੈਦ ਤਿਲ

ਤਿਲ ਦੀ ਰਿਉੜੀ

ਤਿਲ ਦਾ ਹਲਵਾ

ਸਬਜ਼ੀਆਂ ਜਾਂ ਸਲਾਦ ਵਿੱਚ ਮਿਲਾ ਕੇ

ਨੋਟ: ਤਿਲ ਦੀ ਤਸੀਰ ਗਰਮ ਹੁੰਦੀ ਹੈ ਇਸ ਲਈ ਇਸ ਨੂੰ ਸੀਮਤ ਮਾਤਰਾ ਵਿਚ ਖਾਓ