ਗੂੜ੍ਹੀ ਨੀਂਦ ਚਾਹੀਦੀ ਹੈ ਤਾਂ ਸੌਣ ਤੋਂ ਪਹਿਲਾਂ ਭੁੱਲ ਕੇ ਵੀ ਨਾ ਖਾਇਓ ਇਹ 5 ਚੀਜ਼ਾਂ, ਨਹੀਂ ਤਾਂ ਰਾਤ ਭਰ ਮਾਰਦੇ ਰਹੋਗੇ ਪਾਸੇ

ਲਾਈਫਸਟਾਈਲ ਡੈਸਕ, ਨਵੀਂ ਦਿੱਲੀ : ਕਈ ਲੋਕਾਂ ਦੀ ਸਭ ਤੋਂ ਵੱਡੀ ਸਮੱਸਿਆ ਇਹੀ ਹੈ- ਬਿਸਤਰੇ 'ਤੇ ਜਾਂਦੇ ਹੀ ਨੀਂਦ ਨਹੀਂ ਆਉਂਦੀ। ਅੱਖਾਂ ਬੰਦ ਕਰਦੇ ਹੀ ਦਿਮਾਗ ਤੇਜ਼ੀ ਨਾਲ ਭੱਜਣ ਲੱਗਦਾ ਹੈ, ਸਰੀਰ ਥੱਕ ਚੁੱਕਾ ਹੁੰਦਾ ਹੈ ਪਰ ਨੀਂਦ ਦਾ ਕੁਝ ਪਤਾ ਨਹੀਂ ਹੁੰਦਾ। ਅਜਿਹੇ 'ਚ ਅਕਸਰ ਅਸੀਂ ਸੋਚਦੇ ਹਾਂ ਕਿ ਸ਼ਾਇਦ ਦਿਨ ਭਰ ਦੀ ਥਕਾਵਟ ਵਜ੍ਹਾ ਹੈ, ਪਰ ਸੱਚਾਈ ਇਹ ਹੈ ਕਿ ਰਾਤ ਨੂੰ ਖਾਧਾ ਗਿਆ ਗਲਤ ਖਾਣਾ ਵੀ ਤੁਹਾਡੀ ਨੀਂਦ ਨੂੰ ਬੁਰੀ ਤਰ੍ਹਾਂ ਪ੍ਰਭਾਵਿਤ ਕਰਦਾ ਹੈ।

ਨੀਂਦ ਸਰੀਰ ਦਾ 'ਰੀਚਾਰਜ ਮੋਡ' ਹੈ। ਜੇਕਰ ਇਹ ਠੀਕ ਤਰ੍ਹਾਂ ਨਾ ਮਿਲੇ ਤਾਂ ਅਗਲਾ ਦਿਨ ਸੁਸਤ, ਚਿੜਚਿੜਾ ਤੇ ਥੱਕਿਆ ਹੋਇਆ ਮਹਿਸੂਸ ਹੁੰਦਾ ਹੈ। ਇਸ ਲਈ ਇਹ ਜਾਣਨਾ ਬਹੁਤ ਜ਼ਰੂਰੀ ਹੈ ਕਿ ਸੌਣ ਤੋਂ ਠੀਕ ਪਹਿਲਾਂ ਕੀ ਖਾਣਾ ਠੀਕ ਹੈ ਅਤੇ ਕੀ ਨਹੀਂ। ਕੁਝ ਫੂਡਜ਼ ਅਜਿਹੇ ਹੁੰਦੇ ਹਨ ਜੋ ਤੁਹਾਡੇ ਦਿਮਾਗ ਨੂੰ ਐਕਟਿਵ ਕਰ ਦਿੰਦੇ ਹਨ, ਐਸੀਡਿਟੀ ਵਧਾ ਦਿੰਦੇ ਹਨ ਜਾਂ ਢਿੱਡ ਨੂੰ ਭਾਰੀ ਕਰ ਦਿੰਦੇ ਹਨ। ਆਓ ਜਾਣਦੇ ਹਾਂ, ਉਹ ਕਿਹੜੇ 5 ਫੂਡਜ਼ (Foods To Avoid Before Bed) ਹਨ ਜਿਨ੍ਹਾਂ ਨੂੰ ਸੌਣ ਤੋਂ ਪਹਿਲਾਂ ਖਾਣ ਦੀ ਕਦੇ ਗਲਤੀ ਨਹੀਂ ਕਰਨੀ ਚਾਹੀਦੀ।

ਸੌਣ ਤੋਂ ਪਹਿਲਾਂ ਇਨ੍ਹਾਂ 5 ਫੂਡਜ਼ ਤੋਂ ਕਰੋ ਪਰਹੇਜ਼

ਮਸਾਲੇਦਾਰ ਖਾਣਾ

ਤੇਜ਼ ਮਸਾਲੇ, ਲਾਲ ਮਿਰਚ ਜਾਂ ਤਲਿਆ ਹੋਇਆ ਮਸਾਲੇਦਾਰ ਭੋਜਨ ਰਾਤ ਨੂੰ ਖਾਣ ਨਾਲ ਢਿੱਡ ਗਰਮ ਹੋ ਜਾਂਦਾ ਹੈ। ਇਸ ਨਾਲ ਐਸੀਡਿਟੀ, ਜਲਨ ਤੇ ਛਾਤੀ 'ਚ ਭਾਰੀਪਣ ਮਹਿਸੂਸ ਹੁੰਦਾ ਹੈ। ਇਨ੍ਹਾਂ ਸਭ ਕਾਰਨ ਸਰੀਰ ਆਰਾਮ ਨਹੀਂ ਕਰ ਪਾਉਂਦਾ ਅਤੇ ਨੀਂਦ ਆਉਣ ਵਿੱਚ ਦੇਰ ਹੁੰਦੀ ਹੈ।

ਚਾਕਲੇਟ

ਚਾਕਲੇਟ ਸੁਆਦੀ ਹੁੰਦੀ ਹੈ ਪਰ ਸੌਣ ਤੋਂ ਪਹਿਲਾਂ ਇਹ ਬਿਲਕੁਲ ਵੀ ਸਹੀ ਵਿਕਲਪ ਨਹੀਂ ਹੈ। ਇਸ ਵਿੱਚ ਕੈਫੀਨ ਤੇ ਸ਼ੂਗਰ ਦੋਵੇਂ ਹੁੰਦੇ ਹਨ, ਜੋ ਦਿਮਾਗ ਨੂੰ ਐਕਟਿਵ ਕਰ ਦਿੰਦੇ ਹਨ ਤੇ ਨੀਂਦ ਆਉਣ ਤੋਂ ਰੋਕਦੇ ਹਨ। ਡਾਰਕ ਚਾਕਲੇਟ ਤਾਂ ਕੈਫੀਨ 'ਚ ਹੋਰ ਵੀ ਜ਼ਿਆਦਾ ਹੁੰਦੀ ਹੈ।

ਕੌਫੀ ਤੇ ਐਨਰਜੀ ਡਰਿੰਕਸ

ਕੌਫੀ, ਕੋਲਡ ਕੌਫੀ, ਗ੍ਰੀਨ ਟੀ ਜਾਂ ਐਨਰਜੀ ਡਰਿੰਕਸ- ਇਨ੍ਹਾਂ ਵਿੱਚ ਮੌਜੂਦ ਕੈਫੀਨ ਲਗਪਗ 6 ਤੋਂ 8 ਘੰਟੇ ਤਕ ਅਸਰ ਕਰਦਾ ਹੈ। ਜੇਕਰ ਇਨ੍ਹਾਂ ਨੂੰ ਸ਼ਾਮ ਜਾਂ ਰਾਤ ਨੂੰ ਲਿਆ ਜਾਵੇ ਤਾਂ ਸਰੀਰ 'ਸਲੀਪ ਮੋਡ' 'ਚ ਹੀ ਨਹੀਂ ਜਾਂਦਾ। ਨਤੀਜੇ ਵਜੋਂ, ਦੇਰ ਰਾਤ ਤਕ ਸਿਰਫ਼ ਪਾਸੇ ਲੈਣੇ ਪੈਂਦੇ ਹਨ।

ਭਾਰੀ ਤੇ ਤਲਿਆ ਹੋਇਆ ਖਾਣਾ

ਰਾਤ ਨੂੰ ਪਨੀਰ, ਛੋਲੇ-ਭਟੂਰੇ, ਪੀਜ਼ਾ, ਬਰਗਰ ਜਾਂ ਬਹੁਤ ਜ਼ਿਆਦਾ ਤਲੇ ਹੋਏ ਫੂਡ ਆਈਟਮਜ਼ ਖਾਣ ਨਾਲ ਢਿੱਡ ਭਾਰੀ ਮਹਿਸੂਸ ਹੁੰਦਾ ਹੈ। ਪਾਚਨ ਹੌਲੀ ਹੋ ਜਾਂਦਾ ਹੈ ਅਤੇ ਨੀਂਦ ਦੌਰਾਨ ਵੀ ਸਰੀਰ ਖਾਣਾ ਹਜ਼ਮ ਕਰਨ 'ਚ ਲੱਗਾ ਰਹਿੰਦਾ ਹੈ। ਇਸ ਵਜ੍ਹਾ ਨਾਲ ਗੂੜ੍ਹੀ ਨੀਂਦ ਮਿਲ ਹੀ ਨਹੀਂ ਪਾਉਂਦੀ।

ਮਿੱਠੇ ਸਨੈਕਸ ਤੇ ਡੈਜ਼ਰਟ ਕੇਕ, ਮਿਠਾਈ, ਆਈਸਕ੍ਰੀਮ, ਸ਼ੱਕਰ ਵਾਲੀਆਂ ਚੀਜ਼ਾਂ ਬਲੱਡ ਸ਼ੂਗਰ ਨੂੰ ਤੇਜ਼ੀ ਨਾਲ ਵਧਾਉਂਦੀਆਂ ਹਨ। ਇਹ ਸ਼ੂਗਰ ਰਸ਼ ਤੁਹਾਡੇ ਸਰੀਰ ਨੂੰ ਐਕਟਿਵ ਕਰ ਦਿੰਦਾ ਹੈ, ਜਿਸ ਨਾਲ ਨੀਂਦ ਆਉਣ ਵਿੱਚ ਦੇਰ ਹੁੰਦੀ ਹੈ ਅਤੇ ਨੀਂਦ ਟੁੱਟ-ਟੁੱਟ ਕੇ ਆਉਂਦੀ ਹੈ।

ਰਾਤ ਨੂੰ ਕਿਹੋ ਜਿਹਾ ਹੋਵੇ ਖਾਣ-ਪੀਣ?

ਜੇਕਰ ਸੌਣ ਤੋਂ ਪਹਿਲਾਂ ਹਲਕੀ ਭੁੱਖ ਲੱਗੇ ਤਾਂ ਇਹ ਚੀਜ਼ਾਂ ਬਿਹਤਰ ਰਹਿਣਗੀਆਂ :

ਇਕ ਗਿਲਾਸ ਗੁਨਗੁਨਾ ਦੁੱਧ

ਕੇਲਾ

ਮੁੱਠੀ ਭਰ ਮੇਵੇ (ਨਟਸ)

ਓਟਸ

ਦਲੀਆ

ਇਹ ਸਰੀਰ ਨੂੰ ਸ਼ਾਂਤ ਕਰਦੇ ਹਨ ਤੇ ਨੀਂਦ ਨੂੰ ਕੁਦਰਤੀ ਤਰੀਕੇ ਨਾਲ ਬਿਹਤਰ ਬਣਾਉਂਦੇ ਹਨ। ਨੀਂਦ ਚੰਗੀ ਹੋਵੇ ਤਾਂ ਦਿਨ ਚੰਗਾ ਹੁੰਦਾ ਹੈ। ਬੱਸ ਰਾਤ ਨੂੰ ਖਾਣ ਦੀ ਥੋੜ੍ਹੀ-ਜਿਹੀ ਸਾਵਧਾਨੀ ਤੁਹਾਡੀ ਨੀਂਦ ਨੂੰ ਗੂੜ੍ਹੀ, ਸਕੂਨ ਭਰੀ ਅਤੇ ਰਿਲੈਕਸਿੰਗ ਬਣਾ ਸਕਦੀ ਹੈ।