ਘੱਟ ਜਾਣਗੀਆਂ ਚਿਹਰੇ ਦੀਆਂ ਝੁਰੜੀਆਂ, ਇਨ੍ਹਾਂ 8 ਜਾਦੂਈ ਘਰੇਲੂ ਨੁਸਖਿਆਂ ਨਾਲ ਚਮਕੇਗੀ ਸਕਿਨ; ਬਸ ਜਾਣ ਲਓ ਲਾਉਣ ਦਾ ਤਰੀਕਾ
ਚੰਗੀ ਗੱਲ ਇਹ ਹੈ ਕਿ ਇਨ੍ਹਾਂ ਨੂੰ ਘਰ ਵਿਚ ਹੀ ਕੁਝ ਆਸਾਨ ਤੇ ਅਸਰਦਾਰ ਉਪਾਵਾਂ ਨਾਲ ਘਟਾਇਆ ਜਾ ਸਕਦਾ ਹੈ। ਇੱਥੇ ਜਾਣੋ 8 ਘਰੇਲੂ ਨੁਸਖੇ, ਜੋ ਤੁਹਾਡੀ ਸਕਿਨ ਨੂੰ ਟਾਈਟ, ਚਮਕਦਾਰ ਤੇ ਜਵਾਨ ਬਣਾਉਣ 'ਚ ਮਦਦ ਕਰ ਸਕਦੇ ਹਨ।
Posted By Seema Anand
Publish Date: Sat, 29 Nov 2025 10:30 AM (IST)
Updated Date: Sat, 29 Nov 2025 10:43 AM (IST)
ਲਾਈਫਸਟਾਈਲ ਡੈਸਕ : ਅੱਜਕੱਲ੍ਹ ਲੱਖਾਂ ਲੋਕ ਆਪਣੀ ਸਕਿਨ ਨੂੰ ਲੈ ਕੇ ਕਾਫ਼ੀ ਚਿੰਤਤ ਰਹਿੰਦੇ ਹਨ। ਉਮਰ ਵਧਣ, ਤਣਾਅ, ਨੀਂਦ ਦੀ ਕਮੀ, ਧੁੱਪ ਜਾਂ ਗਲਤ ਲਾਈਫਸਟਾਈਲ ਕਾਰਨ 20-21 ਸਾਲ ਦੀ ਉਮਰ 'ਚ ਵੀ ਚਿਹਰਾ ਢਿੱਲਾ ਤੇ ਲਾਈਨਾਂ ਨਾਲ ਭਰਨ ਲੱਗਦਾ ਹੈ। ਝੁਰੜੀਆਂ (Wrinkles) ਯਾਨੀ ਸਕਿਨ 'ਤੇ ਦਿਖਾਈ ਦੇਣ ਵਾਲੀਆਂ ਪਤਲੀਆਂ ਲਕੀਰਾਂ, ਜੋ ਨਮੀ ਅਤੇ ਸਕਿਨ ਦੀ ਲਚਕ (Elasticity) ਘੱਟ ਹੋਣ ਕਾਰਨ ਬਣਦੀਆਂ ਹਨ। ਹਾਲਾਂਕਿ, ਚੰਗੀ ਗੱਲ ਇਹ ਹੈ ਕਿ ਇਨ੍ਹਾਂ ਨੂੰ ਘਰ ਵਿਚ ਹੀ ਕੁਝ ਆਸਾਨ ਤੇ ਅਸਰਦਾਰ ਉਪਾਵਾਂ ਨਾਲ ਘਟਾਇਆ ਜਾ ਸਕਦਾ ਹੈ। ਇੱਥੇ ਜਾਣੋ 8 ਘਰੇਲੂ ਨੁਸਖੇ, ਜੋ ਤੁਹਾਡੀ ਸਕਿਨ ਨੂੰ ਟਾਈਟ, ਚਮਕਦਾਰ ਤੇ ਜਵਾਨ ਬਣਾਉਣ 'ਚ ਮਦਦ ਕਰ ਸਕਦੇ ਹਨ।
ਸਕਿਨ ਜਵਾਨ ਬਣਾਉਣ ਲਈ 8 ਘਰੇਲੂ ਨੁਸਖੇ
1. ਕੇਲਾ (Banana) - ਝੁਰੜੀਆਂ ਘਟਾਉਣ ਦਾ ਆਸਾਨ ਉਪਾਅ
ਕੇਲੇ 'ਚ ਮੌਜੂਦ ਕੁਦਰਤੀ ਤੇਲ ਤੇ ਵਿਟਾਮਿਨ ਸਕਿਨ ਨੂੰ ਪੋਸ਼ਣ ਦਿੰਦੇ ਹਨ।
ਇੱਕ ਪੱਕਾ ਕੇਲਾ ਮੈਸ਼ ਕਰ ਕੇ ਚਿਹਰੇ 'ਤੇ 15-20 ਮਿੰਟ ਲਗਾਓ।
ਹਫ਼ਤਿਆਂ 'ਚ ਹੀ ਚਿਹਰਾ ਮੁਲਾਇਮ ਤੇ ਟਾਈਟ ਦਿਖਣ ਲੱਗਦਾ ਹੈ।
ਵਿਟਾਮਿਨ-ਏ ਝੁਰੜੀਆਂ ਦੀ ਗਹਿਰਾਈ ਘੱਟ ਕਰਨ 'ਚ ਮਦਦ ਕਰਦਾ ਹੈ।
2. ਐਲੋਵੇਰਾ (Aloe Vera) - ਕੋਲੇਜਨ ਵਧਾਏ, ਸਕਿਨ ਟਾਈਟ ਕਰੇ
ਐਲੋਵੇਰਾ ਜੈੱਲ ਨੂੰ ਰੋਜ਼ਾਨਾ ਸਕਿਨ 'ਤੇ ਲਗਾਉਣ ਨਾਲ ਝੁਰੜੀਆਂ ਘੱਟ ਹੁੰਦੀਆਂ ਹਨ।
ਇਹ ਕੋਲੇਜਨ ਪ੍ਰੋਡਕਸ਼ਨ ਵਧਾਉਂਦਾ ਹੈ ਜਿਸ ਨਾਲ ਫਾਈਨ ਲਾਇਨਜ਼ ਹੌਲੀ-ਹੌਲੀ ਹਲਕੀਆਂ ਹੋ ਜਾਂਦੀਆਂ ਹਨ।
ਇਹ ਮੁਹਾਸਿਆਂ ਦੇ ਦਾਗ ਤੇ ਸਕਿਨ ਇਨਫਲੇਮੇਸ਼ਨ ਲਈ ਵੀ ਫਾਇਦੇਮੰਦ ਹੈ।
3. ਨਾਰੀਅਲ ਤੇਲ - ਸਕਿਨ ਨੂੰ ਡੂੰਘਾਈ ਨਾਲ ਮੌਇਚਰਾਈਜ਼ਰ ਕਰੇ
ਨਾਰੀਅਲ ਦੇ ਤੇਲ 'ਚ ਮੌਜੂਦ ਫੈਟੀ ਐਸਿਡ ਸਕਿਨ ਨੂੰ ਹਾਈਡਰੇਟ ਰੱਖਦੇ ਹਨ ਤੇ ਝੁਰੜੀਆਂ ਬਣਨ ਤੋਂ ਰੋਕਦੇ ਹਨ।
ਰਾਤ ਨੂੰ ਚਿਹਰੇ 'ਤੇ ਹਲਕੀ ਮਾਲਿਸ਼ ਕਰੋ।
ਰਾਤ ਭਰ ਲੱਗਾ ਰਹਿਣ ਦਿਓ।
ਇਹ ਸਕਿਨ ਦੀ ਲਚਕ ਵਧਾ ਕੇ ਸਕਿਨ ਨੂੰ ਟਾਈਟ ਕਰਦਾ ਹੈ।
4. ਦਹੀਂ - ਸਕਿਨ ਨੂੰ ਮੁਲਾਇਮ ਤੇ ਚਮਕਦਾਰ ਬਣਾਏ
ਦਹੀਂ 'ਚ ਮੌਜੂਦ ਐਂਟੀਆਕਸੀਡੈਂਟ ਅਤੇ ਲੈਕਟਿਕ ਐਸਿਡ ਝੁਰੜੀਆਂ ਦੀ ਸਮੱਸਿਆ ਨੂੰ ਘੱਟ ਕਰਦੇ ਹਨ।
ਇਹ ਰੋਮ-ਛਿਦਰਾਂ ਨੂੰ ਟਾਈਟ ਕਰ ਕੇ ਸਕਿਨ ਨੂੰ ਕੁਦਰਤੀ ਚਮਕ ਦਿੰਦਾ ਹੈ।
ਤੁਸੀਂ ਇਸ ਵਿਚ ਖੀਰਾ, ਕੇਲਾ ਜਾਂ ਸ਼ਹਿਦ ਮਿਲਾ ਕੇ ਫੇਸ ਮਾਸਕ ਵੀ ਬਣਾ ਸਕਦੇ ਹੋ।
5. ਅੰਡੇ ਦੀ ਸਫ਼ੇਦੀ - ਸਕਿਨ ਨੂੰ ਟਾਈਟ ਕਰੇ
ਅੰਡੇ ਦੀ ਸਫ਼ੇਦੀ 'ਚ ਮੌਜੂਦ ਪ੍ਰੋਟੀਨ ਸਕਿਨ ਨੂੰ ਕੱਸਣ ਤੇ ਬਰੀਕ ਲਾਈਨਾਂ ਨੂੰ ਹਲਕਾ ਕਰਨ 'ਚ ਮਦਦ ਕਰਦਾ ਹੈ।
ਦੋ ਆਂਡਿਆਂ ਦੀ ਸਫ਼ੇਦੀ ਫੈਂਟ ਕੇ ਚਿਹਰੇ 'ਤੇ ਲਗਾਓ।
ਸੁੱਕਣ 'ਤੇ ਧੋ ਲਵੋ।
ਐਲਰਜੀ ਵਾਲੇ ਲੋਕ ਇਸਦੀ ਵਰਤੋਂ ਨਾ ਕਰਨ।
6. ਪੈਟਰੋਲੀਅਮ ਜੈਲੀ - ਸਕਿਨ ਦੀ ਨਮੀ ਲੌਕ ਕਰੇ
ਇਹ ਝੁਰੜੀਆਂ ਨੂੰ ਸਿੱਧਾ ਨਹੀਂ ਮਿਟਾਉਂਦੀ ਪਰ ਸਕਿਨ ਦੀ ਡ੍ਰਾਈਨੈੱਸ ਦੂਰ ਕਰ ਕੇ ਲਾਈਨਾਂ ਘਟਾਉਣ 'ਚ ਮਦਦ ਕਰਦੀ ਹੈ।
ਸੌਣ ਤੋਂ ਪਹਿਲਾਂ ਝੁਰੜੀਆਂ ਵਾਲੀ ਜਗ੍ਹਾ 'ਤੇ ਲਗਾਓ।
ਹਲਕੀ ਮਾਲਿਸ਼ ਕਰ ਕੇ ਰਾਤ ਭਰ ਛੱਡ ਦਿਓ।
ਇਹ ਸਕਿਨ ਨੂੰ ਮੁਲਾਇਮ ਤੇ ਸਮੂਦ ਬਣਾਉਂਦੀ ਹੈ।
7. ਦਾਲਚੀਨੀ ਪਾਊਡਰ - ਐਂਟੀਆਕਸੀਡੈਂਟ ਦਾ ਦਮਦਾਰ ਅਸਰ
ਦਾਲਚੀਨੀ 'ਚ ਮੌਜੂਦ ਐਂਟੀਆਕਸੀਡੈਂਟ ਸਕਿਨ ਨੂੰ ਅੰਦਰੋਂ ਰਿਪੇਅਰ ਕਰਦੇ ਹਨ।
ਦਾਲਚੀਨੀ ਪਾਊਡਰ ਅਤੇ ਜੈਤੂਨ ਦਾ ਤੇਲ (Olive Oil) ਮਿਲਾ ਕੇ 20 ਮਿੰਟ ਲਗਾਓ।
ਤੁਸੀਂ ਇਸ ਨੂੰ ਨਾਰੀਅਲ ਤੇਲ ਜਾਂ ਪੈਟਰੋਲੀਅਮ ਜੈਲੀ ਨਾਲ ਵੀ ਮਿਲਾ ਸਕਦੇ ਹੋ।
ਇਹ ਸਕਿਨ 'ਚ ਖ਼ੂਨ ਦਾ ਸੰਚਾਰ (Blood Circulation) ਬਿਹਤਰ ਕਰ ਕੇ ਝੁਰੜੀਆਂ ਨੂੰ ਘੱਟ ਕਰਦਾ ਹੈ।
8. ਖੀਰਾ - ਸਕਿਨ ਨੂੰ ਠੰਢਕ ਤੇ ਹਾਈਡਰੇਸ਼ਨ ਦੇਵੇ
ਖੀਰਾ ਵਿਟਾਮਿਨ ਤੇ ਮਿਨਰਲ ਨਾਲ ਭਰਪੂਰ ਹੁੰਦਾ ਹੈ ਜੋ ਸਕਿਨ ਨੂੰ ਟਾਈਟ ਤੇ ਹਾਈਡਰੇਟ ਕਰਦਾ ਹੈ।
ਖੀਰੇ ਦਾ ਪੇਸਟ ਜਾਂ ਜੂਸ ਚਿਹਰੇ 'ਤੇ ਲਗਾਓ।
ਦਹੀਂ, ਦਾਲਚੀਨੀ ਜਾਂ ਨਾਰੀਅਲ ਤੇਲ ਨਾਲ ਮਿਲਾ ਕੇ ਪੈਕ ਵੀ ਬਣਾ ਸਕਦੇ ਹੋ।
ਇਹ ਚਮੜੀ ਨੂੰ ਦੁਬਾਰਾ ਫਰੈਸ਼ ਤੇ ਰਿਵਾਈਟਲਾਈਜ਼ ਕਰਦਾ ਹੈ।
ਝੁਰੜੀਆਂ ਜਲਦੀ ਨਾ ਵਧਣ, ਇਸਦੇ ਲਈ ਕੀ ਕਰੀਏ?
ਧੁੱਪ 'ਚ ਨਿਕਲਦੇ ਸਮੇਂ ਸਨਸਕ੍ਰੀਨ ਲਗਾਓ।
ਜ਼ਿਆਦਾ ਪਾਣੀ ਪੀਓ।
ਸਕਿਨ ਨੂੰ ਰੋਜ਼ ਮੌਇਸਰਾਈਜ਼ ਕਰੋ।
ਸਿਗਰਟਨੋਸ਼ੀ ਤੋਂ ਦੂਰ ਰਹੋ।
ਫਲ ਤੇ ਸਬਜ਼ੀਆਂ ਜ਼ਿਆਦਾ ਖਾਓ।
ਇਹ ਆਦਤਾਂ ਤੁਹਾਡੀ ਸਕਿਨ ਨੂੰ ਲੰਬੇ ਸਮੇਂ ਤਕ ਜਵਾਨ ਬਣਾਈ ਰੱਖਣ 'ਚ ਮਦਦ ਕਰਦੀਆਂ ਹਨ।