'ਕਾਂਤਾਰਾ' ਦੀ ਨਕਲ ਕਰ Ranveer Singh ਨੂੰ ਹੋਇਆ ਪਛਤਾਵਾ, ਮੰਗੀ ਮਾਫੀ ਤੇ ਕਿਹਾ...

ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ। ਰਣਵੀਰ ਸਿੰਘ ਨੂੰ IFFI ਦੀ ਸਮਾਪਤੀ ਸਮਾਰੋਹ ਵਿੱਚ ਰਿਸ਼ਭ ਸ਼ੈੱਟੀ ਦੇ ਸਾਹਮਣੇ ਫਿਲਮ 'ਕਾਂਤਾਰਾ' ਦੇ ਦੈਵ ਦੀ ਨਕਲ ਕਰਨ ਲਈ ਆਲੋਚਨਾ ਦਾ ਸਾਹਮਣਾ ਕਰਨਾ ਪਿਆ। ਆਨਲਾਈਨ ਲੋਕਾਂ ਨੇ ਅਦਾਕਾਰ ਨੂੰ ਖੂਬ ਟ੍ਰੋਲ ਕੀਤਾ, ਜਿਸ ਤੋਂ ਬਾਅਦ ਹੁਣ ਉਨ੍ਹਾਂ ਨੇ ਜਨਤਕ ਤੌਰ 'ਤੇ ਮਾਫੀ ਮੰਗੀ ਹੈ।

ਬਾਲੀਵੁੱਡ ਸਟਾਰ ਰਣਵੀਰ ਸਿੰਘ ਦੀ ਫਿਲਮ 'ਧੁਰੰਧਰ' ਰਿਲੀਜ਼ ਹੋਣ ਵਿੱਚ ਬੱਸ ਕੁਝ ਹੀ ਦਿਨ ਬਾਕੀ ਹਨ (5 ਦਸੰਬਰ)। ਹਾਲਾਂਕਿ, ਇਸ ਪ੍ਰੋਜੈਕਟ ਨੂੰ ਲੈ ਕੇ ਜੋ ਉਤਸ਼ਾਹ ਸੀ, ਉਹ ਹੁਣ ਇੱਕ ਵਿਵਾਦ ਕਾਰਨ ਫਿੱਕਾ ਪੈ ਗਿਆ ਹੈ। ਇਹ ਵਿਵਾਦ ਗੋਆ ਵਿੱਚ 56ਵੇਂ ਇੰਟਰਨੈਸ਼ਨਲ ਫਿਲਮ ਫੈਸਟੀਵਲ ਆਫ਼ ਇੰਡੀਆ (IFFI) ਦੇ ਸਮਾਪਤੀ ਸਮਾਰੋਹ ਵਿੱਚ ਅਦਾਕਾਰ ਦੇ ਆਉਣ ਤੋਂ ਬਾਅਦ ਸ਼ੁਰੂ ਹੋਇਆ।

ਕਿਉਂ ਖੜ੍ਹਾ ਹੋਇਆ ਇਹ ਵਿਵਾਦ?

ਇਹ ਘਟਨਾ ਉਦੋਂ ਹੋਈ ਜਦੋਂ ਰਣਵੀਰ ਨੇ ਡਾਇਰੈਕਟਰ-ਐਕਟਰ ਰਿਸ਼ਭ ਸ਼ੈੱਟੀ ਸਮੇਤ ਦਰਸ਼ਕਾਂ ਦੇ ਸਾਹਮਣੇ ਕਾਂਤਾਰਾ - ਚੈਪਟਰ 1 ਦਾ ਕਲਾਈਮੈਕਸ ਸੀਨ ਦੁਹਰਾਇਆ। ਨਕਲ ਕਰਦੇ ਹੋਏ, ਉਨ੍ਹਾਂ ਨੇ ਪਵਿੱਤਰ ਚਾਮੁੰਡੀ ਦੈਵ ਦਾ ਜ਼ਿਕਰ ਕੀਤਾ, ਜੋ ਫਿਲਮ ਵਿੱਚ ਦਿਖਾਈ ਗਈ ਇੱਕ ਅਧਿਆਤਮਿਕ ਸ਼ਕਤੀ ਹੈ ਅਤੇ ਕਰਨਾਟਕ ਦੇ ਤੱਟਵਰਤੀ ਖੇਤਰ ਵਿੱਚ ਪੂਜੇ ਜਾਂਦੇ ਹਨ। ਉਨ੍ਹਾਂ ਨੇ ਉਨ੍ਹਾਂ ਦੀ ਤੁਲਨਾ ਇੱਕ “ਮਹਿਲਾ ਭੂਤ” ਨਾਲ ਕੀਤੀ।

ਸਮਾਰੋਹ ਵਿੱਚ ਮੌਜੂਦ ਕੁਝ ਲੋਕਾਂ ਨੇ ਇਸ ਗੱਲ 'ਤੇ ਹੱਸੀ ਉਡਾਈ, ਪਰ ਜਿਵੇਂ ਹੀ ਇਸ ਐਕਟ ਦੀ ਇੱਕ ਕਲਿੱਪ ਆਨਲਾਈਨ ਸਾਹਮਣੇ ਆਈ, ਇਹ ਜਲਦ ਹੀ ਗੁੱਸੇ ਦਾ ਵਿਸ਼ਾ ਬਣ ਗਈ।

ਰਣਵੀਰ ਦੇ ਖਿਲਾਫ ਸ਼ਿਕਾਇਤ ਦਰਜ

ਮਾਮਲਾ ਉਦੋਂ ਹੋਰ ਵੱਧ ਗਿਆ ਜਦੋਂ ਹਿੰਦੂ ਜਨਜਾਗ੍ਰਿਤੀ ਕਮੇਟੀ (HJS) ਨੇ ਅਦਾਕਾਰ ਦੇ ਖਿਲਾਫ ਅਧਿਕਾਰਤ ਸ਼ਿਕਾਇਤ ਦਰਜ ਕਰਵਾਈ। PTI ਦੀ ਰਿਪੋਰਟ ਮੁਤਾਬਕ, ਸੰਗਠਨ ਨੇ ਕਿਹਾ ਕਿ ਰਣਵੀਰ ਨੇ ਚਾਮੁੰਡਾ ਦੇਵੀ ਬਾਰੇ ਗਲਤ ਤਰੀਕੇ ਨਾਲ ਦੱਸ ਕੇ ਉਨ੍ਹਾਂ ਦਾ ਅਪਮਾਨ ਕੀਤਾ ਹੈ।

ਰਣਵੀਰ ਸਿੰਘ ਨੇ ਮੰਗੀ ਮਾਫੀ

ਇਸ ਪੂਰੇ ਵਾਕਏ ਤੋਂ ਬਾਅਦ ਹੁਣ ਰਣਵੀਰ ਸਿੰਘ ਨੇ ਰਿਸ਼ਭ ਸ਼ੈੱਟੀ ਅਤੇ ਸਾਰੇ ਪ੍ਰਸ਼ੰਸਕਾਂ ਤੋਂ ਮਾਫੀ ਮੰਗੀ ਹੈ। ਉਨ੍ਹਾਂ ਨੇ ਸੋਸ਼ਲ ਮੀਡੀਆ 'ਤੇ ਇੱਕ ਨੋਟ ਸਾਂਝਾ ਕੀਤਾ, ਜਿਸ ਵਿੱਚ ਉਨ੍ਹਾਂ ਲਿਖਿਆ:

"ਮੇਰਾ ਇਰਾਦਾ ਰਿਸ਼ਭ ਦੀ ਸ਼ਾਨਦਾਰ ਪ੍ਰਦਰਸ਼ਨ ਨੂੰ ਹਾਈਲਾਈਟ ਕਰਨਾ ਸੀ, ਬਤੌਰ ਐਕਟਰ। ਮੈਨੂੰ ਪਤਾ ਹੈ ਕਿ ਇਸ ਲੈਵਲ ਦੀ ਐਕਟਿੰਗ ਲਈ ਕਿੰਨਾ ਕੁਝ ਕਰਨਾ ਪੈਂਦਾ ਹੈ। ਇਸ ਲਈ ਮੈਂ ਉਨ੍ਹਾਂ ਦੀ ਸਰਾਹਨਾ ਕਰਦਾ ਹਾਂ। ਮੈਂ ਆਪਣੇ ਦੇਸ਼ ਦੇ ਹਰ ਕਲਚਰ, ਟ੍ਰੇਡੀਸ਼ਨ ਅਤੇ ਆਸਥਾ ਦੀ ਇੱਜ਼ਤ ਕਰਦਾ ਹਾਂ। ਜੇਕਰ ਮੈਂ ਕਿਸੇ ਦੀ ਵੀ ਭਾਵਨਾ ਨੂੰ ਠੇਸ ਪਹੁੰਚਾਈ ਹੈ ਤਾਂ ਮੈਂ ਆਪ ਸਭ ਤੋਂ ਤਹਿ ਦਿਲੋਂ ਮਾਫੀ ਮੰਗਦਾ ਹਾਂ।"

ਰਣਵੀਰ ਸਿੰਘ ਦੀ ਆਉਣ ਵਾਲੀ ਫਿਲਮ 'ਧੁਰੰਧਰ' 5 ਦਸੰਬਰ ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ। ਫਿਲਮ ਵਿੱਚ ਉਨ੍ਹਾਂ ਦੇ ਨਾਲ ਸੰਜੇ ਦੱਤ, ਆਰ ਮਾਧਵਨ, ਅਕਸ਼ੈ ਖੰਨਾ ਅਤੇ ਅਰਜੁਨ ਰਾਮਪਾਲ ਵਰਗੇ ਕਲਾਕਾਰ ਵੀ ਹਨ।