ਜੇਐੱਨਐੱਨ, ਨਵੀਂ ਦਿੱਲੀ : ਸਟੈਂਡਅਪ ਕਾਮੇਡੀਅਨ ਤੇ ਅਦਾਕਾਰਾ ਭਾਰਤੀ ਸਿੰਘ ਨੂੰ ਅੱਜ ਕੌਣ ਨਹੀਂ ਜਾਣਦਾ ਹੈ। ਉਹ ਦਰਸ਼ਕਾਂ ਵਿਚਕਾਰ 'ਲੱਲੀ' ਦੇ ਨਾਂ ਤੋਂ ਕਾਫੀ ਫੇਮਸ ਹੈ। ਇਸ ਤੋਂ ਇਲਾਵਾ 'ਦ ਕਪਿਲ ਸ਼ਰਮਾ ਸ਼ੋਅ' ਦੀ ਟਿੱਲੀ ਯਾਦਵ ਦੇ ਨਾਂ ਤੋਂ ਮਸ਼ਹੂਰ ਰਹੀ ਹੈ। ਅੱਜ ਉਹ ਕਿਸੇ ਪਛਾਣ ਦੀ ਮੋਹਤਾਜ਼ ਨਹੀਂ ਹੈ। ਉਹ ਟੈਲੀਵਿਜ਼ਨ ਤੋਂ ਲੈ ਕੇ ਬਾਲੀਵੁੱਡ ਫਿਲਮਾਂ ਤਕ ਕੰਮ ਕਰ ਚੁੱਕੀ ਹੈ। ਅੱਜ ਭਾਰਤੀ ਸਿੰਘ ਜਿਹੜੇ ਮੁਕਾਮ 'ਤੇ ਹੈ ਉੱਥੇ ਤਕ ਪਹੁੰਚਾਉਣ ਲਈ ਉਨ੍ਹਾਂ ਨੇ ਸਖ਼ਤ ਮਿਹਨਤ ਕੀਤੀ ਹੈ।

ਅੱਜ ਆਲੀਸ਼ਾਨ ਜ਼ਿੰਦਗੀ ਜਿਉਣ ਵਾਲੀ ਭਾਰਤੀ ਸਿੰਘ ਕਦੇ ਗਰੀਬੀ 'ਚ ਪਲ਼ੀ ਬੜੀ ਹੈ। ਉਨ੍ਹਾਂ ਦਾ ਬਚਪਨ ਕਾਫੀ ਮੁਸ਼ਕਲਾਂ ਨਾਲ ਗੁਜਰਿਆ ਹੈ। ਅੱਜ ਭਾਰਤੀ ਸਿੰਘ ਦਾ ਜਨਮਦਿਨ ਹੈ। ਉਨ੍ਹਾਂ ਦਾ ਜਨਮ 3 ਜੁਲਾਈ, 1984 'ਚ ਅੰਮ੍ਰਿਤਸਰ 'ਚ ਹੋਇਆ ਸੀ। ਭਾਰਤੀ ਅੱਜ ਪਰਿਵਾਰ ਤੇ ਫੈਨਜ਼ ਨਾਲ ਆਪਣਾ 36ਵਾਂ ਜਨਮਦਿਨ ਮੰਨਾ ਰਹੀ ਹੈ।

ਬਚਪਨ ਤੋਂ ਹੀ ਸਿਰ ਤੋਂ ਉੱਠ ਗਿਆ ਸੀ ਪਿਤਾ ਦਾ ਸਾਇਆ :

ਭਾਰਤੀ ਸਿੰਘ ਨੇ ਇੰਟਰਵਿਊ 'ਚ ਦੱਸਿਆ ਸੀ ਕਿ ਕੁੱਲ 2 ਸਾਲ ਦੀ ਉਮਰ 'ਚ ਹੀ ਪਿਤਾ ਨੂੰ ਖੋਹ ਚੁੱਕੀ ਹੈ। ਮਾਂ ਨੇ ਦੁਬਾਰਾ ਵਿਆਹ ਕਰਨ ਦੀ ਬਜਾਇ ਸਾਰਾ ਧਿਆਨ ਸਾਡੀ ਪਰਵਿਸ਼ ਕਰਨ 'ਚ ਲੱਗਾ ਦਿੱਤਾ। ਅੱਜ ਸਾਰਿਆਂ ਨੂੰ ਹਸਾਉਣ ਵਾਲੀ ਭਾਰਤੀ ਦਾ ਇਕ ਦੌਰ ਉਹ ਵੀ ਸੀ, ਜਦੋਂ ਉਹ ਵਧੇ ਹੋਏ ਵਜ਼ਨ ਕਾਰਨ ਰਾਤ-ਰਾਤਭਰ ਰੋਇਆ ਕਰਦੀ ਸੀ। ਭਾਰਤੀ ਤਿੰਨ ਭਰਾ-ਭੈਣ ਹੈ। ਇਕ ਸਮੇਂ ਉਨ੍ਹਾਂ ਦੀ ਲਾਈਫ 'ਚ ਅਜਿਹਾ ਵੀ ਸੀ ਜਦੋਂ ਉਨ੍ਹਾਂ ਨੇ ਕਦੇ-ਕਦੇ ਅੱਧਾ ਪੇਟ ਖਾਣਾ ਖਾ ਕੇ ਸੋਣਾ ਪੈਂਦਾ ਸੀ।

ਇੱਥੇ ਸ਼ੁਰੂ ਹੋਇਆ ਕਰੀਅਰ :

ਭਾਰਤੀ ਸਿੰਘ ਨੇ ਸਾਲ 2005 'ਚ ਸ਼ੁਰੂ ਹੋਏ 'ਦ ਗ੍ਰੇਟ ਇੰਡੀਅਨ ਲਾਫਟਰ ਚੈਲੰਜ' ਤੋਂ ਆਪਣੇ ਕਰੀਅਰ ਦੀ ਸ਼ੁਰੂਆਤ ਸੀ। ਦੱਸ ਦੇਈਏ ਕਿ ਭਾਰਤੀ ਨੇ ਚੌਥੇ ਸੀਜ਼ਨ 'ਚ ਆਪਣਾ ਨਾਂ ਦਰਜ ਕਰਵਾਇਆ ਸੀ। ਭਾਰਤੀ ਪਹਿਲੀ ਮਹਿਲਾ ਕਾਮੇਡੀਅਨ ਸੀ ਜੋ ਲਾਫਟਰ ਚੈਲੰਜ 'ਚ ਰਨਰਅਪ ਬਣੀ ਸੀ। ਇਸ ਸਫਲਤਾ ਤੋਂ ਬਾਅਦ ਭਾਰਤੀ ਨੇ ਕਦੇ ਪਿੱਛੇ ਮੁੜ ਕੇ ਨਹੀਂ ਦੇਖਿਆ।

ਇਕ ਸ਼ੋਅ ਦੇ ਲੈਂਦੀ ਹੈ ਲੱਖਾਂ ਫੀਸ :

ਕਦੇ ਗਰੀਬੀ 'ਚ ਦਿਨ ਕੱਟਣ ਵਾਲੀ ਭਾਰਤੀ ਸਿੰਘ ਅੱਜ ਇਕ ਸ਼ੋਅ ਲਈ ਮੋਟੀ ਫੀਸ ਲੈਂਦੀ ਹੈ। ਰਿਪੋਰਟਸ ਦੀ ਮੰਨੀਏ ਤਾਂ ਉਹ ਇਕ ਸ਼ੋਅ ਦੇ ਕਰੀਬ 25 ਤੋਂ 30 ਲੱਖ ਰੁਪਏ ਲੈਂਦੀ ਹੈ। ਨਾਲ ਹੀ ਲਾਈਵ ਈਵੈਂਟ 'ਚ ਆਉਣ ਦੇ ਕਰੀਬ 15 ਲੱਖ ਤਕ ਚਾਰਜ ਕਰਦੀ ਹੈ।

Posted By: Amita Verma