'ਕੋਈ ਨੈਤਿਕਤਾ ਨਹੀਂ...' Dharmendra ਨੂੰ ਲੈ ਕੇ ਚੜ੍ਹਿਆ ਅਮਿਤਾਭ ਬੱਚਨ ਦਾ ਪਾਰਾ, ਨਿਕਿਤਨ ਧੀਰ ਨੇ ਵੀ ਪੈਪਰਾਜ਼ੀ 'ਤੇ ਕੱਢੀ ਭੜਾਸ

ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ। ਧਰਮਿੰਦਰ ਦੀ ਤਬੀਅਤ ਅਚਾਨਕ ਖ਼ਰਾਬ ਹੋ ਗਈ ਸੀ ਅਤੇ ਕਈ ਸੈਲੀਬ੍ਰਿਟੀਜ਼ ਉਨ੍ਹਾਂ ਨੂੰ ਮਿਲਣ ਲਈ ਹਸਪਤਾਲ ਵੀ ਗਏ। ਹੁਣ ਉਹ ਡਿਸਚਾਰਜ ਹੋ ਚੁੱਕੇ ਹਨ ਪਰ ਇਸ ਦੌਰਾਨ ਫਿਲਮੀ ਗੱਲੀਅਰਿਆਂ ਵਿਚ ਪੈਪਰਾਜ਼ੀ ਸੱਭਿਆਚਾਰ 'ਤੇ ਸੈਲੀਬ੍ਰਿਟੀਜ਼ ਆਪਣਾ ਗੁੱਸਾ ਜ਼ਾਹਿਰ ਕਰ ਰਹੇ ਹਨ।

ਅਸਲ ਵਿੱਚ, ਧਰਮਿੰਦਰ ਨਾਲ ਜੁੜੀ ਖ਼ਬਰਾਂ ਨੂੰ ਕਵਰ ਕਰਨ ਲਈ ਪਹਿਲਾਂ ਹਸਪਤਾਲ ਦੇ ਬਾਹਰ ਪੈਪਰਾਜ਼ੀ ਦੀ ਭੀੜ ਸੀ ਅਤੇ ਹੁਣ ਅਭਿਨੇਤਾ ਦੇ ਘਰ ਦੇ ਬਾਹਰ ਵੀ ਇਹੀ ਹਾਲਾਤ ਹਨ। ਸੰਨੀ ਦੇਓਲ ਨੇ ਵੀ ਪੈਪਰਾਜ਼ੀ 'ਤੇ ਨਾਰਾਜ਼ਗੀ ਜ਼ਾਹਿਰ ਕੀਤੀ ਸੀ। ਇਸ ਤੋਂ ਬਾਅਦ ਕਰਨ ਜੌਹਰ, ਅਮੀਸ਼ਾ ਪਟੇਲ ਵਰਗੇ ਸੈਲੀਬ੍ਰਿਟੀਜ਼ ਨੇ ਵੀ ਪੈਪਰਾਜ਼ੀ ਨੂੰ ਖੂਬ ਸੁਣਾਇਆ। ਹੁਣ 83 ਸਾਲ ਦੇ ਅਮਿਤਾਭ ਬੱਚਨ ਨੇ ਆਪਣਾ ਰਿਐਕਸ਼ਨ ਦਿੱਤਾ ਹੈ।

ਪੈਪਰਾਜ਼ੀ 'ਤੇ ਭੜਕੇ ਅਮਿਤਾਭ ਬੱਚਨ

‘ਸ਼ੋਲੇ’ ਵਿਚ ਧਰਮਿੰਦਰ ਨਾਲ ਕੰਮ ਕਰ ਚੁੱਕੇ ਅਮਿਤਾਭ ਬੱਚਨ ਹਾਲ ਹੀ ਵਿਚ ਆਪਣੇ ਦੋਸਤ ਨੂੰ ਮਿਲਣ ਲਈ ਉਨ੍ਹਾਂ ਦੇ ਘਰ ਗੱਡੀ ਚਲਾ ਕੇ ਗਏ ਸਨ ਅਤੇ ਪੈਪਰਾਜ਼ੀ ਨੇ ਉਨ੍ਹਾਂ ਨੂੰ ਘੇਰ ਲਿਆ ਸੀ। ਹੁਣ ਧਰਮਿੰਦਰ ਦੇ ਘਰ ਦੇ ਬਾਹਰ ਵੀਡੀਓਜ਼ ਅਤੇ ਤਸਵੀਰਾਂ ਕੈਪਚਰ ਕਰਨ ਲਈ ਅਮਿਤਾਭ ਬੱਚਨ ਨੇ ਰਿਐਕਸ਼ਨ ਦਿੱਤਾ ਹੈ।ਦਿੱਤੀ ਹੈ।

ਅਮਿਤਾਭ ਬੱਚਨ ਨੇ ਐਕਸ 'ਤੇ ਸਾਫ਼ ਸਫਾਈ ਨਾਲ ਪੈਪਰਾਜ਼ੀ 'ਤੇ ਨਾਰਾਜ਼ਗੀ ਜ਼ਾਹਿਰ ਕੀਤੀ ਹੈ। ਉਨ੍ਹਾਂ ਨੇ ਲਿਖਿਆ, "ਕੋਈ ਨੈਤਿਕਤਾ ਨਹੀਂ ਹੈ। ਕੋਈ ਵੀ ਆਚਾਰ ਨੀਤੀ ਨਹੀਂ।"

ਨਿਕਿਤਨ ਧੀਰ ਨੇ ਲਗਾਈ ਕਲਾਸ

ਅਭਿਨੇਤਾ ਨਿਕਿਤਨ ਧੀਰ ਨੇ ਵੀ ਪੈਪਰਾਜ਼ੀ ਨੂੰ ਬੁਰੀ ਤਰ੍ਹਾਂ ਲਤਾੜਇਆ ਹੈ। ਉਨ੍ਹਾਂ ਨੇ ਜਤਿੰਦਰ ਦੇ ਡਿੱਗਣ ਦੇ ਵੀਡੀਓ ਬਣਾਉਣ 'ਤੇ ਵੀ ਗੁੱਸਾ ਜ਼ਾਹਿਰ ਕੀਤਾ ਹੈ। ਨਿਕਿਤਨ ਨੇ ਕਿਹਾ, "ਮੈਂ ਹਾਲ ਹੀ ਵਿਚ ਆਪਣੇ ਦਿਲ ਦਾ ਇਕ ਟੁਕੜਾ (ਪਿਤਾ) ਖੋਇਆ ਹੈ ਅਤੇ ਖ਼ੁਦ ਵੇਖਿਆ ਹੈ ਕਿ ਸੋ-ਕਾਲਡ ਪੈਪਰਾਜ਼ੀ ਕਿੰਨੇ ਘਟੀਆ ਹੋ ਸਕਦੇ ਹਨ। ਇਹ ਮਹਿਸੂਸ ਨਹੀਂ ਹੁੰਦਾ ਕਿ ਤੁਸੀਂ ਕਿਸੇ ਇਨਸਾਨ ਨਾਲ ਗੱਲ ਕਰ ਰਹੇ ਹੋ। ਜਦੋਂ ਮੈਂ ਵੇਖਿਆ ਕਿ ਉਨ੍ਹਾਂ ਨੇ ਜਤਿੰਦਰ ਨੂੰ ਕਿਵੇਂ ਫਿਲਮਾਇਆ ਅਤੇ ਉਨ੍ਹਾਂ ਦੀ ਕਮਜ਼ੋਰੀ ਦਾ ਫਾਇਦਾ ਉਠਾਇਆ, ਤਾਂ ਮੇਰੇ ਮਨ ਵਿਚ ਉਨ੍ਹਾਂ ਲਈ ਜੋ ਇੱਜ਼ਤ ਸੀ, ਉਹ ਘਟ ਗਈ।"

ਨਿਕਿਤਨ ਧੀਰ ਨੇ ਅੱਗੇ ਕਿਹਾ, "ਹੁਣ ਜਦੋਂ ਧਰਮਿੰਦਰ ਅਸਵਸਥ ਹਨ, ਤਾਂ ਵੀ ਉਨ੍ਹਾਂ ਨਾਲ ਜਿਹੜਾ ਵਿਵਹਾਰ ਕੀਤਾ ਜਾ ਰਿਹਾ ਹੈ, ਉਹ ਬਹੁਤ ਦੁਖਦਾਈ ਹੈ। ਇਕ ਸਮਾਜ ਦੇ ਤੌਰ 'ਤੇ ਸਾਡੇ ਕੋਲ ਸਿਰਫ਼ ਲਾਈਕਸ ਅਤੇ ਵਿਊਜ਼ ਹੀ ਬਚੇ ਹਨ। ਮਨੁੱਖਤਾ ਦਾ ਅਜਿਹਾ ਅੰਤ ਹੋ ਗਿਆ ਹੈ। ਅਜਿਹੇ ਸਮੇਂ ਲੋਕਾਂ ਦਾ ਤਮਾਸ਼ਾ ਨਾ ਬਣਾਓ। ਤੁਸੀਂ ਦੂਜਿਆਂ ਦੇ ਪ੍ਰਤੀ ਇੰਨੇ ਅਸੰਵੇਦਨਸ਼ੀਲ ਕਿਵੇਂ ਹੋ ਸਕਦੇ ਹੋ? ਕੋਸ਼ਿਸ਼ ਕਰੋ ਅਤੇ ਸਮਝੋ ਕਿ ਲੋਕ ਕਿਸ ਦੌਰ ਤੋਂ ਗੁਜ਼ਰ ਰਹੇ ਹਨ। ਮੈਨੂੰ ਯਕੀਨ ਹੈ ਕਿ ਮੇਰੀ ਕਿਸੇ ਵੀ ਗੱਲ ਦਾ ਕੋਈ ਅਸਰ ਨਹੀਂ ਪਵੇਗਾ, ਪਰ ਕੋਈ ਵੀ ਇਹ ਬਕਵਾਸ ਹੁੰਦੇ ਨਹੀਂ ਦੇਖ ਸਕਦਾ।"