ਤਲਾਕ ਦੀਆਂ ਅਫ਼ਵਾਹਾਂ ਵਿਚਾਲੇ ਮੌਨੀ ਰਾਏ ਨੂੰ ਆਈ ਦਿਸ਼ਾ ਪਾਟਨੀ ਦੀ ਯਾਦ, ਫ਼ੋਟੋ ਸ਼ੇਅਰ ਕਰਕੇ ਅਚਾਨਕ ਕਿਉਂ ਕੀਤੀ ਡਿਲੀਟ?

ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ: ਬਾਲੀਵੁੱਡ ਅਦਾਕਾਰਾ ਮੌਨੀ ਰਾਏ ਇਨ੍ਹੀਂ ਦਿਨੀਂ ਆਪਣੇ ਪਤੀ ਸੂਰਜ ਨਾਂਬੀਆਰ ਤੋਂ ਤਲਾਕ ਦੀਆਂ ਖ਼ਬਰਾਂ ਨੂੰ ਲੈ ਕੇ ਸੁਰਖੀਆਂ ਵਿੱਚ ਹੈ। ਇਸ ਸਭ ਵਿਚਕਾਰ ਮੌਨੀ ਰਾਏ ਨੂੰ ਇਕੱਲੇਪਣ ਵਿੱਚ ਆਪਣੀ ਛੋਟੀ ਭੈਣ ਵਰਗੀ ਸਹੇਲੀ ਦੀ ਯਾਦ ਸਤਾ ਰਹੀ ਹੈ। ਅਦਾਕਾਰਾ ਨੇ ਖ਼ੁਦ ਸੋਸ਼ਲ ਮੀਡੀਆ 'ਤੇ ਇਸ ਬਾਰੇ ਇੱਕ ਪੋਸਟ ਸਾਂਝੀ ਕੀਤੀ।

26 ਮਈ ਨੂੰ ਮੌਨੀ ਨੇ ਇੰਸਟਾਗ੍ਰਾਮ 'ਤੇ ਇੱਕ ਸਟੋਰੀ ਪੋਸਟ ਕੀਤੀ, ਜਿਸ ਵਿੱਚ ਉਹ ਦਿਸ਼ਾ ਪਾਟਨੀ ਨਾਲ ਨਜ਼ਰ ਆ ਰਹੀ ਸੀ। ਇਸ ਵਿੱਚ ਦਿਸ਼ਾ ਲਈ ਇੱਕ ਕੈਪਸ਼ਨ ਲਿਖਦਿਆਂ ਮੌਨੀ ਨੇ ਉਸਨੂੰ ਆਪਣੀ ਛੋਟੀ ਭੈਣ ਦੱਸਿਆ। ਮੌਨੀ ਨੇ ਦਿਸ਼ਾ ਨਾਲ ਆਪਣੀ ਇੱਕ ਪੁਰਾਣੀ ਫ਼ੋਟੋ ਸ਼ੇਅਰ ਕਰਦੇ ਹੋਏ ਇੱਕ ਕੂਲ ਜਿਹਾ ਕੈਪਸ਼ਨ ਲਿਖਿਆ।

ਛੋਟੀ ਭੈਣ ਨੂੰ ਮਿਸ ਕਰ ਰਹੀ ਹਾਂ

ਮੌਨੀ ਨੇ ਲਿਖਿਆ- 'ਆਪਣੀ ਛੋਟੀ ਭੈਣ ਨੂੰ ਮਿਸ ਕਰ ਰਹੀ ਹਾਂ। ਜਲਦੀ ਵਾਪਸ ਆ ਜਾਓ ਦਿਸ਼ਾ ਪਾਟਨੀ।' ਹਾਲਾਂਕਿ, ਕੁਝ ਹੀ ਸਮੇਂ ਬਾਅਦ ਅਦਾਕਾਰਾ ਨੇ ਉਸ ਪੋਸਟ ਨੂੰ ਡਿਲੀਟ ਕਰ ਦਿੱਤਾ। ਦੱਸ ਦੇਈਏ ਕਿ ਮੌਨੀ ਰਾਏ ਅਤੇ ਦਿਸ਼ਾ ਪਾਟਨੀ ਦੀ ਦੋਸਤੀ ਅਕਸਰ ਚਰਚਾ ਦਾ ਵਿਸ਼ਾ ਬਣੀ ਰਹਿੰਦੀ ਹੈ। ਹੁਣ, ਮੌਨੀ ਵੱਲੋਂ ਆਪਣੀ ਸਭ ਤੋਂ ਪੱਕੀ ਸਹੇਲੀ ਨਾਲ ਤਸਵੀਰ ਸ਼ੇਅਰ ਕਰਨ ਤੋਂ ਬਾਅਦ ਉਨ੍ਹਾਂ ਦਾ ਰਿਸ਼ਤਾ ਫਿਰ ਤੋਂ ਲਾਈਮਲਾਈਟ ਵਿੱਚ ਆ ਗਿਆ ਹੈ।

ਹਾਲਾਂਕਿ, ਮੌਨੀ ਦਾ ਅਚਾਨਕ ਇਸ ਤਰ੍ਹਾਂ ਫ਼ੋਟੋ ਡਿਲੀਟ ਕਰ ਦੇਣਾ ਕਿਸੇ ਦੇ ਗਲੇ ਨਹੀਂ ਉਤਰ ਰਿਹਾ। ਇਹ ਸਭ ਅਜਿਹੇ ਸਮੇਂ ਹੋਇਆ ਜਦੋਂ ਮੌਨੀ ਦੇ ਆਪਣੇ ਪਤੀ ਸੂਰਜ ਨਾਂਬੀਆਰ ਤੋਂ ਵੱਖ ਹੋਣ ਦੀਆਂ ਅਫ਼ਵਾਹਾਂ ਜ਼ੋਰਾਂ 'ਤੇ ਹਨ।

ਕੀ ਦਿਸ਼ਾ ਦੇ ਕਾਰਨ ਹੋਇਆ ਮੌਨੀ ਦਾ ਤਲਾਕ

ਸ਼ੇਅਰ ਕੀਤੀ ਗਈ ਤਸਵੀਰ ਵਿੱਚ ਮੌਨੀ ਬਲੈਕ ਕੱਟ-ਆਊਟ ਮਿੰਨੀ ਡਰੈੱਸ ਅਤੇ ਸਨੀਕਰਸ ਪਹਿਨੇ ਨਜ਼ਰ ਆ ਰਹੀ ਹੈ, ਜਦੋਂ ਕਿ ਦਿਸ਼ਾ ਪਾਟਨੀ ਨੇ ਵਾਈਟ ਸਪੋਰਟਸ ਬ੍ਰਾ, ਓਵਰਸਾਈਜ਼ਡ ਡੈਨਿਮ ਜੀਨਸ ਅਤੇ ਵਾਈਟ ਕੈਪ ਵਿੱਚ ਸਪੋਰਟੀ ਤੇ ਕੈਜ਼ੂਅਲ ਲੁੱਕ ਅਪਣਾਇਆ ਹੋਇਆ ਹੈ। ਮੌਨੀ ਵੱਲੋਂ ਪੋਸਟ ਡਿਲੀਟ ਕਰਨ ਦਾ ਕਾਰਨ ਅਜੇ ਸਪੱਸ਼ਟ ਨਹੀਂ ਹੈ ਪਰ ਇਸ ਦੇ ਟਾਈਮਿੰਗ ਨੂੰ ਲੈ ਕੇ ਸੋਸ਼ਲ ਮੀਡੀਆ 'ਤੇ ਕਈ ਸਵਾਲ ਖੜ੍ਹੇ ਹੋ ਰਹੇ ਹਨ।

ਮੌਨੀ ਅਤੇ ਸੂਰਜ ਦੇ ਵੱਖ ਹੋਣ ਦੀਆਂ ਖ਼ਬਰਾਂ ਤੋਂ ਬਾਅਦ ਦਿਸ਼ਾ ਟ੍ਰੋਲਿੰਗ ਦਾ ਸ਼ਿਕਾਰ ਹੋ ਗਈ ਅਤੇ ਲੋਕਾਂ ਨੇ ਉਸ ਦਾ ਨਾਂ ਇਸ ਟੁੱਟਦੇ ਰਿਸ਼ਤੇ ਨਾਲ ਜੋੜਨਾ ਸ਼ੁਰੂ ਕਰ ਦਿੱਤਾ। ਕਈ ਸੋਸ਼ਲ ਮੀਡੀਆ ਯੂਜ਼ਰਸ ਨੇ ਦਿਸ਼ਾ 'ਤੇ ਮੌਨੀ ਅਤੇ ਸੂਰਜ ਵਿਚਕਾਰ ਦੂਰੀਆਂ ਪੈਦਾ ਕਰਨ ਦੇ ਦੋਸ਼ ਵੀ ਲਗਾਏ। ਇਸ ਆਲੋਚਨਾ ਅਤੇ ਨਫ਼ਰਤ ਭਰੇ ਮੈਸੇਜਾਂ (Online Hate Messages) ਤੋਂ ਪਰੇਸ਼ਾਨ ਹੋ ਕੇ ਦਿਸ਼ਾ ਨੇ ਕਥਿਤ ਤੌਰ 'ਤੇ ਆਪਣੀਆਂ ਕੁਝ ਪੋਸਟਾਂ 'ਤੇ ਕਮੈਂਟਸ ਵੀ ਡਿਸੇਬਲ (ਬੰਦ) ਕਰ ਦਿੱਤੇ ਹਨ।