ਵਿੱਤ ਮੰਤਰੀ ਅਰੁਣ ਜੇਤਲੀ ਨੇ ਜਿਸ ਦਿਨ ਸੰਸਦ ਵਿਚ ਬਜਟ ਵਿਚ ਇਸ ਯੋਜਨਾ ਦਾ ਜ਼ਿਕਰ ਕੀਤਾ ਸੀ, ਉਸੇ ਦਿਨ ਇਕ ਪੱਤਰਕਾਰ ਸੰਮੇਲਨ ਵਿਚ ਕਿਹਾ ਸੀ ਕਿ ਚੋਣ ਬਾਂਡ ਤਹਿਤ ਪੈਸਾ ਦੇਣ ਵਾਲਿਆਂ ਦੀ ਪਛਾਣ ਗੁਪਤ ਰੱਖੀ ਜਾਵੇਗੀ। ਉਨ੍ਹਾਂ ਦਾ ਗੱਲ ਸਹੀ ਸਿੱਧ ਹੋ ਰਹੀ ਹੈ।

ਖੇਤੀ ਮਹਿਕਮੇ ਦੇ ਅੰਦਾਜ਼ੇ ਮੁਤਾਬਕ ਕਿਸਾਨਾਂ ਨੂੰ ਮੁਆਵਜ਼ਾ ਦੇਣ ਵਾਸਤੇ ਲਗਪਗ ਸੌ ਕਰੋੜ ਰੁਪਏ ਦੀ ਲੋੜ ਹੈ ਜਦਕਿ ਸਰਕਾਰ ਲਈ ਇਸ ਵਾਰ ਮੁਲਾਜ਼ਮਾਂ ਨੂੰ ਤਨਖ਼ਾਹਾਂ ਦੇਣੀਆਂ ਵੀ ਔਖੀਆਂ ਹੋ ਰਹੀਆਂ ਹਨ।

ਵੱਖ-ਵੱਖ ਖੇਤਰਾਂ ਨਾਲ ਜੁੜੇ ਮਾਹਰ ਸਰਕਾਰ 'ਤੇ ਇਨ੍ਹਾਂ ਅੰਕੜਿਆਂ ਨੂੰ ਜਾਰੀ ਕਰਨ ਦਾ ਦਬਾਅ ਪਾ ਰਹੇ ਹਨ। ਕਿਹਾ ਜਾ ਰਿਹਾ ਹੈ ਕਿ ਇਹ ਅੰਕੜੇ ਔਸਤ ਭਾਰਤੀ ਖ਼ਪਤਕਾਰ ਦੁਆਰਾ ਖ਼ਰਚ ਵਿਚ ਕਮੀ ਦੀ ਪੁਸ਼ਟੀ ਕਰਦੇ ਹਨ।

ਮੈਂ ਤੇ ਮੇਰੀ ਪਤਨੀ ਦਸ ਪੰਦਰਾਂ ਮਿੰਟ ਘਰ ਦੇ ਦਰਵਾਜ਼ੇ 'ਤੇ ਲੱਗੀ ਘੰਟੀ ਮਾਰਦੇ ਰਹੇ ਪਰ ਕੋਈ ਵੀ ਦਰਵਾਜ਼ਾ ਖੋਲ੍ਹਣ ਨਹੀਂ ਆਇਆ। ਦਰਵਾਜ਼ਾ ਖੁੱਲ੍ਹਣ ਵਿਚ ਦੇਰੀ ਹੋਣ ਕਾਰਨ ਮੈਂ ਸੋਚਿਆ ਕਿ ਘਰੇ ਕੋਈ ਨਹੀਂ ਹੋਣਾ।

ਆਖ਼ਰ ਜੋ ਕਾਂਗਰਸ ਭਾਜਪਾ ਨੂੰ ਆਪਣੀ ਧੁਰ ਵਿਚਾਰਧਾਰਕ ਵਿਰੋਧੀ ਮੰਨਦੀ ਹੈ, ਉਹ ਉਸ ਦੇ ਕੱਟੜ ਰੂਪ ਸ਼ਿਵ ਸੈਨਾ ਨਾਲ ਹੱਥ ਕਿੱਦਾਂ ਮਿਲਾ ਸਕਦੀ ਹੈ?

ਇਹ ਪਹਿਲੀ ਵਾਰ ਨਹੀਂ ਹੈ ਜਦੋਂ ਪ੍ਰਗਿਆ ਠਾਕੁਰ ਨੇ ਭਾਜਪਾ ਨੂੰ ਅਸਹਿਜ ਕੀਤਾ ਹੋਵੇ। ਉਹ ਇਸ ਤੋਂ ਪਹਿਲਾਂ ਵੀ ਕਈ ਵਾਰ ਅਜਿਹਾ ਕਰ ਚੁੱਕੀ ਹੈ।

ਮੈਂ ਅਖ਼ਬਾਰ ਵਾਲੇ ਨੂੰ ਅਖ਼ਬਾਰਾਂ ਦੇ ਪੈਸੇ ਦੇ ਕੇ ਘਰ ਆ ਗਿਆ। ਰਸਤੇ 'ਚ ਮੈਨੂੰ ਯਕੀਨ ਨਹੀਂ ਹੋ ਰਿਹਾ ਸੀ ਕਿ ਗੁਰਮੇਲ ਮਡਾਹੜ ਸੱਚੀਂ ਤੁਰ ਗਿਆ ਪਰ ਜਦ ਮੈਂ ਘਰ ਆ ਕੇ ਪੰਜਾਬੀ ਦੇ ਸਾਰੇ ਅਖ਼ਬਾਰ ਵਾਰ-ਵਾਰ ਫੋਲੇ ਤਾਂ ਸਭ ਸੱਚ ਹੋ ਗਿਆ।

''ਮੈਂ ਕਈ ਸਾਲਾਂ ਤੋਂ ਇਹ ਸੇਵਾ ਕਰ ਰਹੀ ਹਾਂ। ਇੱਥੇ ਹਰ ਦੂਜੇ-ਤੀਜੇ ਦਿਨ ਕਿਸੇ ਨਾ ਕਿਸੇ ਦੇ ਜੋੜੇ ਚੁੱਕੇ ਜਾਂਦੇ ਹਨ। ਇਸ ਲਈ ਮੈਂ ਹਰ ਰੋਜ਼ ਆਪਣੇ ਥੈਲੇ ਵਿਚ 2-3 ਜੋੜੇ ਚੱਪਲਾਂ ਦੇ ਪਾ ਕੇ ਇੱਥੇ ਆਉਂਦੀ ਹਾਂ ਅਤੇ ਤੁਹਾਡੇ ਵਰਗੇ ਲੋੜਵੰਦ ਦੀ ਸੇਵਾ ਕਰਦੀ ਹਾਂ।''

ਬੀਤੇ ਪੰਦਰਵਾੜੇ ਵਿਚ ਪੂਰੇ ਦੇਸ਼ ਵਿਚ ਬਹੁਤ ਸਿਆਸੀ ਉਥਲ-ਪੁਥਲ ਰਹੀ। ਮਹਾਰਾਸ਼ਟਰ ਦੀਆਂ ਚੋਣਾਂ ਮਗਰੋਂ ਚੋਣਾਂ ਤੋਂ ਬਾਅਦ ਵਾਲੇ ਬੇਮੇਲ ਗੱਠਜੋੜ, ਚੋਣਾਂ ਮਗਰੋਂ ਸੌਦੇਬਾਜ਼ੀ ਅਤੇ ਇਕ-ਦੂਜੇ 'ਤੇ ਦੋਸ਼ ਮੜ੍ਹਨ ਦਾ ਦੌਰ ਦੇਖਣ ਨੂੰ ਮਿਲਿਆ।

ਮਹਾਰਾਸ਼ਟਰ ਵਿਚ ਸ਼ਿਵ ਸੈਨਾ, ਕਾਂਗਰਸ ਅਤੇ ਰਾਸ਼ਟਰਵਾਦੀ ਰਾਸ਼ਟਰੀ ਕਾਂਗਰਸ ਪਾਰਟੀ ਨੇ ਭਾਵੇਂ ਹੀ ਆਪਣੇ ਸਾਂਝੇ ਮੋਰਚੇ ਨੂੰ ਮਹਾ ਵਿਕਾਸ ਅਘਾੜੀ ਦਾ ਨਾਂ ਦੇਣਾ ਪਸੰਦ ਕੀਤਾ ਹੋਵੇ ਪਰ ਇਸ ਵਿਚ ਸ਼ੱਕ ਹੈ ਕਿ ਇਹ ਸਰਕਾਰ ਵਿਕਾਸ ਪ੍ਰਤੀ ਸਮਰਪਿਤ ਹੋ ਸਕੇਗੀ।

ਦੇਸ਼ ਵਾਸੀਆਂ ਨੂੰ ਇਸ ਮੁਹਿੰਮ ਵਿਚ ਸ਼ਾਮਲ ਹੋਣ ਲਈ ਪ੍ਰੇਰਿਤ ਕੀਤਾ ਜਾ ਰਿਹਾ ਹੈ। ਪੜ੍ਹੇ-ਲਿਖੇ ਨਾਗਰਿਕ ਤਾਂ ਤਕਨੀਕੀ ਵਸਤਾਂ ਦੀ ਵਰਤੋਂ ਸਾਵਧਾਨੀ ਨਾਲ ਕਰ ਲੈਂਦੇ ਹਨ ਪਰ ਘੱਟ ਪੜ੍ਹੇ-ਲਿਖੇ ਲੋਕ ਡਿਜੀਟਲ ਉਪਕਰਨਾਂ ਦੀ ਵਰਤੋਂ ਗ਼ਲਤ ਢੰਗ ਨਾਲ ਕਰ ਕੇ ਆਪਣਾ ਨੁਕਸਾਨ ਕਰਵਾ ਬੈਠਦੇ ਹਨ।

ਮੈਂ ਮਹਿਸੂਸ ਕੀਤਾ ਕਿ ਜਿੱਥੇ ਸਾਡੇ ਬਾਕੀ 'ਹਮਵਤਨ' ਆਪਣੇ ਵਿਰਸੇ ਅਤੇ ਮਾਦਰੀ ਜ਼ੁਬਾਨ 'ਤੇ ਫ਼ਖ਼ਰ ਮਹਿਸੂਸ ਕਰਦੇ ਨੇ, ਇਸ ਦੇ ਉਲਟ ਅਸੀਂ ਪੰਜਾਬੀ ਆਪਣੇ ਵਿਰਸੇ, ਕਦਰਾਂ-ਕੀਮਤਾਂ ਤੇ ਆਪਣੀ ਬੋਲੀ ਤੋਂ ਦੂਰ ਹੋ ਰਹੇ ਹਾਂ।

ਅਚਾਨਕ ਬਣੀ ਦੇਵੇਂਦਰ ਫੜਨਵੀਸ ਸਰਕਾਰ ਨੂੰ ਬਹੁਮਤ ਸਿੱਧ ਕਰਨ ਤੋਂ ਪਹਿਲਾਂ ਹੀ ਜਿਸ ਤਰ੍ਹਾਂ ਅਸਤੀਫ਼ਾ ਦੇਣ ਵਾਸਤੇ ਮਜਬੂਰ ਹੋਣਾ ਪਿਆ, ਉਸ ਕਾਰਨ ਭਾਜਪਾ ਨੇ ਹਮਦਰਦੀ ਹਾਸਲ ਕਰਨ ਦਾ ਮੌਕਾ ਵੀ ਖੁੰਝਾ ਦਿੱਤਾ।

ਇਸ ਤਰ੍ਹਾਂ ਦੇ ਇਕ ਮਾਮਲੇ ਕਾਰਨ ਕੁਝ ਸਾਲ ਪਹਿਲਾਂ ਦੋਆਬੇ ਵਿਚ ਭਿਆਨਕ ਦੰਗੇ ਹੋਏ ਸਨ। ਜਾਤ-ਪਾਤ ਦੀ ਇਸ ਬੁਰਾਈ ਕਾਰਨ ਭਾਰਤ ਸੈਂਕੜੇ ਸਾਲਾਂ ਤਕ ਵਿਦੇਸ਼ੀ ਹਮਲਾਵਰਾਂ ਦੁਆਰਾ ਰੌਂਦਿਆ ਜਾਂਦਾ ਰਿਹਾ ਹੈ।

ਕੇਂਦਰ ਸਰਕਾਰ ਨੇ ਸੰਕੇਤ ਦਿੱਤਾ ਹੈ ਕਿ ਨਾ ਤਾਂ ਭ੍ਰਿਸ਼ਟਾਚਾਰ ਬਰਦਾਸ਼ਤ ਕੀਤਾ ਜਾਵੇਗਾ, ਨਾ ਹੀ ਭ੍ਰਿਸ਼ਟ ਅਧਿਕਾਰੀਆਂ ਨੂੰ ਬਖ਼ਸ਼ਿਆ ਜਾਵੇਗਾ। ਸੀਬੀਆਈ ਵੱਲੋਂ 2018 ਵਿਚ ਜਨਵਰੀ ਤੋਂ ਨਵੰਬਰ ਤਕ ਕੇਂਦਰ ਸਰਕਾਰ ਦੇ ਕਰਮਚਾਰੀਆਂ ਵਿਰੁੱਧ 206 ਮਾਮਲੇ ਦਰਜ ਕਰਵਾਏ ਗਏ।

ਸਾਡੇ ਸਾਹਮਣੇ ਕਿਰਾਏ 'ਤੇ ਇਕ ਮਾਸਟਰ ਜੀ ਰਹਿੰਦੇ ਸਨ ਜਿਨ੍ਹਾਂ ਕੋਲ ਇਕ ਰੋਜ਼ਾਨਾ ਅਖ਼ਬਾਰ ਆਇਆ ਕਰਦਾ ਸੀ। ਮੇਰਾ ਅਕਸਰ ਮਾਸਟਰ ਜੀ ਕੋਲ ਜਾਣਾ-ਆਉਣਾ ਰਹਿੰਦਾ ਸੀ। ਉਨ੍ਹਾਂ ਕੋਲੋਂ ਕਦ ਮੈਨੂੰ ਅਖ਼ਬਾਰ ਪੜ੍ਹਨ ਦੀ ਚੇਟਕ ਲੱਗ ਗਈ, ਇਸ ਦਾ ਪਤਾ ਹੀ ਨਾ ਲੱਗਾ।

ਜਗਮੀਤ ਸਿੰਘ ਦੀ ਵਿਰਾਸਤ ਦੇਸ਼ ਭਗਤ ਸੁਤੰਤਰਤਾ ਸੰਗਰਾਮੀਏ ਸੇਵਾ ਸਿੰਘ ਠੀਕਰੀਵਾਲਾ ਦਾ ਪਰਿਵਾਰ ਹੈ। ਚੰਦਰ ਆਰੀਆ ਕਰਨਾਟਕ ਤੋਂ ਲਿਬਰਲ ਪਾਰਟੀ ਦੇ ਉਮੀਦਵਾਰ ਚੋਣ ਜਿੱਤ ਗਏ ਹਨ। ਕੁੱਲ ਮਿਲਾ ਕੇ 23 ਪਰਵਾਸੀ ਕੈਨੇਡੀਅਨ ਚੋਣ ਜਿੱਤ ਗਏ ਹਨ।

ਕਾਂਗਰਸ ਨੇ 24 ਘੰਟੇ 'ਚ ਫਲੋਰ ਟੈਸਟ ਕਰਵਾਉਣ ਦੀ ਮੰਗ ਰੱਖੀ ਹੈ। ਕਾਂਗਰਸ ਦਾ ਸਵਾਲ ਹੈ ਕਿ ਜਦੋਂ ਦੋਵੇਂ ਧਿਰਾਂ ਫਲੋਰ ਟੈਸਟ ਲਈ ਤਿਆਰ ਹਨ ਤਾਂ ਦੇਰੀ ਕਿਉਂ ਹੋਣੀ ਚਾਹੀਦੀ ਹੈ? ਸਰਵਉੱਚ ਅਦਾਲਤ ਮੰਗਲਵਾਰ ਨੂੰ ਇਸ 'ਤੇ ਫ਼ੈਸਲਾ ਸੁਣਾਵੇਗੀ।

ਵਾਨਾ ਯੂਨੀਵਰਸਿਟੀ 'ਚ ਕਾਨੂੰਨ ਦੀ ਪੜ੍ਹਾਈ ਕਰਦਿਆਂ ਖੱਬੇਪੱਖੀ ਵਿਚਾਰਧਾਰਾ ਨੂੰ ਅਪਣਾ ਲਿਆ। ਡੋਮਿਨੀਕਨ ਰਿਪਬਲਿਕ ਤੇ ਕੰਬੋਡੀਆ ਵਿਚ ਸੱਜੇਪੱਖੀ ਸਰਕਾਰ ਖਿਲਾਫ਼ ਵਿਦਰੋਹ ਕਰਦਿਆਂ ਕਿਊਬਾ ਦੇ ਤਤਕਾਲੀ ਰਾਸ਼ਟਰਪਤੀ ਬਤਿਸਤਾ ਦੀ ਫ਼ੌਜੀ ਟੁਕੜੀ ਦਾ ਅੰਤ ਕਰਨ ਦੀ ਸਕੀਮ ਉਲੀਕੀ।

ਮੈਨੂੰ ਲੱਗਦੈ ਕੰਕਰੀਟ ਦੇ ਜੰਗਲ ਉਸਾਰ ਕੇ ਅਸੀਂ ਥੱਲਿਓਂ ਉੱਪਰ ਜਾ ਕੇ ਫੇਰ ਥੱਲੇ ਆ ਰਹੇ ਹਾਂ। ਬੱਚੇ ਹੋਰ ਖੇਡਾਂ ਖੇਡਣ ਤੋਂ ਵਿਰਵੇ ਝੂਲਿਆਂ ਤੋਂ ਅੱਕ ਕੇ ਫੋਨ, ਵੀਡੀਓ ਗੇਮਾਂ ਦੁਆਲੇ ਹੋ ਜਾਂਦੇ ਹਨ।