ਜੇਐੱਨਐੱਨ, ਨਵੀਂ ਦਿੱਲੀ : ਸਾਬਕਾ ਭਾਰਤੀ ਕ੍ਰਿਕਟ ਖਿਡਾਰੀ ਯਸ਼ਪਾਲ ਸ਼ਰਮਾ (Yashpal Sharma) ਦਾ ਮੰਗਲਵਾਰ ਨੂੰ ਦਿਲ ਦਾ ਦੌਰਾ ਪੈਣ ਕਾਰਨ ਦੇਹਾਂਤ ਹੋ ਗਿਆ। ਉਹ 66 ਸਾਲ ਦੇ ਸਨ। ਉਹ 1983 ਦੀ ਭਾਰਤ ਦੀ ਵਿਸ਼ਵ ਕੱਪ ਜੇਤੂ ਟੀਮ ਦੇ ਮੈਂਬਰ ਸਨ, ਜਿਸ ਦੀ ਅਗਵਾਈ ਕਪਿਲ ਦੇਵ (Kapil Dev) ਨੇ ਕੀਤੀ ਸੀ। ਸੱਜੇ ਹੱਥ ਦੇ ਬੱਲੇਬਾਜ਼ ਯਸ਼ਪਾਲ ਸ਼ਰਮਾ ਨੇ 37 ਟੈਸਟ ਤੇ 42 ਵਨਡੇ ਮੈਚਾਂ 'ਚ ਭਾਰਤ ਦੀ ਅਗਵਾਈ ਕੀਤੀ। ਕ੍ਰਿਕਟ ਤੋਂ ਸੰਨਿਆਸ ਲੈਣ ਤੋਂ ਬਾਅਦ ਉਨ੍ਹਾਂ ਅੰਪਾਇਰਿੰਗ ਵੀ ਕੀਤੀ ਤੇ ਟੀਮ ਇੰਡੀਆ ਦੇ ਸਿਲੈਕਟਰ ਵੀ ਰਹੇ। ਆਓ ਨਜ਼ਰ ਮਾਰਦੇ ਹਾਂ ਇਸ ਮਰਹੂਮ ਕ੍ਰਿਕਟਰ ਦੇ ਪੂਰੇ ਕਰੀਅਰ 'ਤੇ।

ਪਾਕਿਸਤਾਨ ਖਿਲਾਫ਼ ਡੈਬਿਊ

ਯਸ਼ਪਾਲ ਨੇ 1978 ਤੇ 1985 ਦੇ ਵਿਚਕਾਰ ਭਾਰਤ ਲਈ 37 ਟੈਸਟ ਤੇ 42 ਇਕ ਦਿਨਾ ਮੈਚਾਂ 'ਚ ਭਾਰਤ ਦੀ ਨੁਮਾਇੰਦਗੀ ਕੀਤੀ। ਯਸ਼ਪਾਲ ਨੇ 1978 'ਚ ਸਿਆਲਕੋਟ 'ਚ ਪਾਕਿਸਤਾਨ ਖਿਲਾਫ਼ ਇਕ ਦਿਨਾ ਮੈਚ 'ਚ ਭਾਰਤ ਲਈ ਡੈਬਿਊ ਕੀਤਾ। ਉਸ ਤੋਂ ਅਗਲੇ ਸਾਲ ਉਨ੍ਹਾਂ ਇੰਗਲੈਂਡ ਖਿਲਾਫ਼ ਲਾਰਡਸ 'ਚ ਟੈਸਟ ਕ੍ਰਿਕਟ 'ਚ ਡੈਬਿਊ ਕੀਤਾ। ਇਸ ਸੀਰੀਜ਼ 'ਚ ਚਾਰ ਵਿਚੋਂ ਤਿੰਨ ਟੈਸਟ ਖੇਡੇ। ਬਾਅਦ 'ਚ ਉਸੇ ਸਾਲ ਆਸਟ੍ਰੇਲੀਆ ਖਿਲਾਫ਼ ਦਿੱਲੀ 'ਚ ਉਨ੍ਹਾਂ ਪਹਿਲਾ ਟੈਸਟ ਸੈਂਕੜਾ ਜੜਿਆ। ਕੋਲਕਾਤਾ 'ਚ ਅਗਲੇ ਟੈਸਟ ਦੀ ਦੂਸਰੀ ਪਾਰੀ 'ਚ ਉਨ੍ਹਾਂ ਨਾਬਾਦ 85 ਦੌੜਾਂ ਦੀ ਪਾਰੀ ਖੇਡੀ। ਟੈਸਟ ਵਿਚ ਅਗਲਾ ਸੈਂਕੜਾ ਦੋ ਸਾਲ ਤੋਂ ਜ਼ਿਆਦਾ ਸਮੇਂ ਬਾਅਦ ਠੋਕਿਆ। ਚੇਨਈ 'ਚ ਇੰਗਲੈਂਡ ਖਿਲਾਫ ਉਨ੍ਹਾਂ 140 ਦੌੜਾਂ ਦੀ ਪਾਰੀ ਖੇਡੀ ਤੇ ਵਿਸ਼ਵਨਾਥ ਨਾਲ 316 ਦੌੜਾਂ ਦੀ ਰਿਕਾਰਡ ਸਾਂਝੇਦਾਰੀ ਕੀਤੀ। ਦੋਵਾਂ ਨੇ ਪੂਰਾ ਦਿਨ ਬੱਲੇਬਾਜ਼ੀ ਕੀਤੀ।

1983 ਵਿਸ਼ਵ ਕੱਪ 'ਚ ਵਧੀਆ ਬੱਲੇਬਾਜ਼ੀ

ਯਸ਼ਪਾਲ ਸ਼ਰਮਾ ਨੇ 1983 ਵਿਸ਼ਵ ਕੱਪ 'ਚ ਭਾਰਤ ਲਈ ਵਧੀਆ ਬੱਲੇਬਾਜ਼ੀ ਕੀਤੀ। ਉਨ੍ਹਾਂ ਭਾਰਤ ਦੇ ਟੂਰਨਾਮੈਂਟ ਦੇ ਪਹਿਲੇ ਮੈਂਚ ਵਿਚ ਓਲਡ ਟੈਫਰਡ 'ਚ ਦੋ ਵਾਰ ਤੇ ਬੀਤੀ ਚੈਂਪੀਅਨ ਵੈਸਟਇੰਡੀਜ਼ ਖਿਲਾਫ 89 ਦੌੜਾਂ ਦੀ ਪਾਰੀ ਖੇਡੀ। ਟੀਮ ਇੰਡੀਆ ਨੂੰ ਇਸ ਮੈਚ ਵਿਚ 34 ਦੌੜਾਂ ਨਾਲ ਜਿੱਤ ਮਿਲੀ ਤੇ ਉਹ ਮੈੱਨ ਆਫ ਦਿ ਮੈਚ (Men of the Match) ਰਹੇ। ਇਸ ਤੋਂ ਬਾਅਦ ਮੈਨਚੈਸਟਰ 'ਚ ਇੰਗਲੈਂਡ ਖਿਲਾਫ ਸੈਮੀਫਾਈਨਲ 'ਚ ਉਨ੍ਹਾਂ 61 ਦੌੜਾਂ ਦੀ ਪਾਰੀ ਖੇਡੀ ਤੇ ਭਾਰਤ ਨੂੰ ਫਾਈਲ 'ਚ ਪਹੁੰਚਾ ਦਿੱਤਾ।

ਪੰਜਾਬ ਦੇ ਸੂਕਲ ਵੱਲੋਂ 260 ਦੌੜਾਂ ਦੀ ਪਾਰੀ ਖੇਡ ਕੇ ਸੁਰਖੀਆਂ 'ਚ ਆਏ

1983 ਵਰਲਡ ਕੱਪ ਤੋਂ ਬਾਅਦ ਯਸ਼ਪਾਲ ਸ਼ਰਮਾ ਦਾ ਪ੍ਰਦਰਸ਼ਨ ਲਗਾਤਾਰ ਡਿੱਗਦਾ ਰਿਹਾ। ਇਸ ਕਾਰਨ ਉਹ ਟੀਮ ਤੋਂ ਬਾਹਰ ਹੋ ਗਏ ਤੇ ਫਿਰ ਕਦੀ ਵਾਪਸੀ ਨਹੀਂ ਕਰ ਸਕੇ। ਯਸ਼ਪਾਲ ਨੇ ਕੌਮਾਂਤਰੀ ਕ੍ਰਿਕਟ 'ਚ ਆਪਣਾ ਆਖਰੀ ਮੈਚ 1985 ਵਿਚ ਵੈਸਟਇੰਡੀਜ਼ ਦੇ ਭਾਰਤ ਦੌਰੇ ਦੌਰਾਨ ਖੇਡਿਆ ਸੀ। ਯਸ਼ਪਾਲ ਪੰਜਾਬ ਦੇ ਰਹਿਣ ਵਾਲੇ ਸਨ। ਉਨ੍ਹਾਂ ਦਾ ਜਨਮ 11 ਅਗਸਤ 1954 ਨੂੰ ਹੋਇਆ ਸੀ। 1972 'ਚ ਪੰਜਾਬ ਦੇ ਸੂਕਲ ਵੱਲੋਂ ਖੇਡਦੇ ਹੋਏ ਉਨ੍ਹਾਂ 260 ਦੌੜਾਂ ਦੀ ਪਾਰੀ ਖੇਡੀ ਸੀ। ਇਸ ਪਾਰੀ ਦੀ ਵਜ੍ਹਾ ਨਾਲ ਉਹ ਕਾਫੀ ਸੁਰਖੀਆਂ 'ਚ ਰਹੇ। ਜਲਦ ਹੀ ਉਨ੍ਹਾਂ ਸਟੇਟ ਟੀਮ 'ਚ ਜਗ੍ਹਾ ਬਣਾ ਲਈ।

ਯਸ਼ਪਾਲ ਸ਼ਰਮਾ ਦੇ ਕ੍ਰਿਕਟ ਕਰੀਅਰ 'ਤੇ ਨਜ਼ਰ

ਯਸ਼ਪਾਲ ਸ਼ਰਮਾ ਨੇ ਪਹਿਲੀ ਨਜ਼ਰ 'ਚ ਕ੍ਰਿਕਟ 'ਚ 21 ਸੈਂਕੜਿਆਂ ਤੇ 44.88 ਦੀ ਔਸਤ ਨਾਲ 8933 ਦੌੜਾਂ ਬਣਾਈਆਂ। ਉਨ੍ਹਾਂ ਦਾ ਸਰਬੋਤਮ ਸਕੋਰ ਨਾਬਾਦ 201 ਰਿਹਾ। ਕੌਮਾਂਤਰੀ ਕ੍ਰਿਕਟ 'ਚ ਉਨ੍ਹਾਂ 2489 ਦੌੜਾਂ ਬਣਾਈਆਂ। ਉਨ੍ਹਾਂ ਦੋ ਸੈਂਕੜੇ ਤੇ ਨੌਂ ਅਰਧਸੈਂਕੜਿਆਂ ਦੀ ਮਦਦ ਨਾਲ 37 ਟੈਸਟਾਂ 'ਚ 33.45 ਦੀ ਔਸਤ ਨਾਲ 1606 ਦੌੜਾਂ ਬਣਾਈਆਂ, ਉੱਥੇ ਹੀ 42 ਵਨਡੇ 'ਚ ਉਨ੍ਹਾਂ 28.48 ਦੀ ਔਸਤ ਨਾਲ 883 ਦੌੜਾਂ ਬਣਾਈਆਂ। ਇਸ ਵਿਚ ਚਾਰ ਅਰਧ ਸੈਂਕੜੇ ਸ਼ਾਮਲ ਹਨ। ਉਨ੍ਹਾਂ ਘਰੇਲੂ ਸਰਕਟ 'ਚ ਪੰਜਾਬ, ਹਰਿਆਣਾ ਤੇ ਰੇਲਵੇ ਦੀ ਨੁਮਾਇੰਦਗੀ ਕੀਤੀ। ਰਿਟਾਇਰਮੈਂਟ ਤੋਂ ਬਾਅਦ ਯਸ਼ਪਾਲ ਸ਼ਰਮਾ ਨੇ ਕੌਮੀ ਚੋਣਕਰਤਾ ਦੇ ਤੌਰ 'ਤੇ ਵੀ ਕੰਮ ਕੀਤਾ। ਉਹ ਸਾਲ 2003 ਤੋਂ 2006 ਤਕ ਇਸ ਭੂਮਿਕਾ ਵਿਚ ਰਹੇ। ਸਾਲ 2008 'ਚ ਉਹ ਮੁੜ ਚੋਣਕਰਤਾ ਬਣੇ। ਉਹ ਕੁਝ ਸਮੇਂ ਤਕ ਉੱਤਰ ਪ੍ਰਦੇਸ਼ ਰਣਜੀ ਟੀਮ ਦੇ ਕੋਚ ਵੀ ਰਹੇ।

Posted By: Seema Anand