ਜੇਐੱਨਐੱਨ, ਪੀਟੀਆਈ : ਸ੍ਰੀਲੰਕਾਈ ਟੀਮ ਦੇ ਤੇਜ਼ ਗੇਂਦਬਾਜ਼ ਤੇ ਟੀ20 ਟੀਮ ਦੇ ਕਪਤਾਨ ਲਸਿਥ ਮਲਿੰਗਾ ਨੇ ਆਪਣੇ ਰਿਟਾਇਰਮੈਂਟ 'ਤੇ ਯੂ-ਟਰਨ ਲਿਆ ਹੈ। ਲਸਿਥ ਮਲਿੰਗਾ ਨੇ ਮਾਰਚ 2019 'ਚ ਕਿਹਾ ਸੀ ਕਿ ਉਹ ਅਗਲੇ ਸਾਲ ਆਸਟ੍ਰੇਲੀਆ 'ਚ ਹੋਣ ਵਾਲੇ ਟੀ 20 ਵਰਲਡ ਕੱਪ ਤੋਂ ਬਾਅਦ ਸੰਨਿਆਸ ਲੈ ਲੈਣਗੇ ਪਰ ਹੁਣ ਲਸਿਥ ਮਲਿੰਗਾ ਨੇ ਕਿਹਾ ਕਿ ਉਹ ਇਸ ਬਾਰੇ 'ਚ ਸੋਚ ਰਹੇ ਹਨ ਕਿ ਅਗਲੇ ਦੋ ਹੋਰ ਸਾਲ ਉਹ ਟੀ 20 ਕ੍ਰਿਕਟ ਖੇਡ ਸਕਦੇ ਹਨ।

36 ਸਾਲ ਦੇ ਲਸਿਥ ਮਲਿੰਗਾ ਟੀ20 ਇੰਟਰਨੈਸ਼ਨਲ ਕ੍ਰਿਕਟ 'ਚ ਸ੍ਰੀਲੰਕਾਈ ਟੀਮ ਦੀ ਕਮਾਨ ਸੰਭਾਲਦੇ ਹਨ। ਲਸਿਥ ਮਲਿੰਗਾ ਨੇ ਈਐੱਸਪੀਐੱਨ ਕ੍ਰਿਕੰਈਫੋ ਨਾਲ ਗੱਲ ਕਰਦਿਆਂ ਕਿਹਾ ਹੈ, 'T20 'ਚ ਚਾਰ ਓਵਰ ਸੁੱਟਣ ਵਾਲੇ ਹੁੰਦੇ ਹਨ ਤੇ ਮੈਂ ਮਹਿਸੂਸ ਕਰਦਾ ਹਾਂ ਕਿ ਮੈਂ ਆਪਣੇ ਕੌਸ਼ਲ ਨਾਲ ਟੀ20 ਗੇਂਦਬਾਜ਼ ਬਣਿਆ ਰਹਿ ਸਕਦਾ ਹਾਂ। ਬਤੌਰ ਕਪਤਾਨ, ਮੈਂ ਦੁਨੀਆਭਰ 'ਚ ਤਮਾਮ ਟੀ 20 ਮੈਚ ਖੇਡੇ ਹਨ ਅਜਿਹੇ 'ਚ ਮੈਂ ਅੱਗਲੇ ਦੋ ਸਾਲ ਹੋਰ ਟੀ20 ਕ੍ਰਿਕਟ ਖੇਡ ਸਕਦਾ ਹਾਂ।'

ਦਿੱਗਜ ਤੇਜ਼ ਗੇਂਦਬਾਜ਼ ਲਸਿਥ ਮਲਿੰਗਾ ਨੇ ਕਿਹਾ ਕਿ ਉਹ ਇਸ ਇੰਤਜ਼ਾਰ 'ਚ ਹਨ ਕਿ ਮੈਂ ਸ੍ਰੀਲੰਕਾ ਕ੍ਰਿਕਟ ਬੋਰਡ ਇਸ ਗੱਲ਼ ਦਾ ਐਲਾਨ ਕਰਨ ਕਿ ਉਹ ਟੀਮ ਨੂੰ ਟੀ 20 ਵਰਲਡ ਕੱਪ 'ਚ ਲੀਡ ਕਰਨਗੇ। ਸ੍ਰੀਲੰਕਾ ਕ੍ਰਿਕਟ ਬੋਰਡ ਨੇ ਕਿਹਾ ਕਿ ਉਹ ਵਰਲਡ ਕੱਪ ਤਕ ਮੈਨੂੰ ਕਪਤਾਨ ਦੇ ਤੌਰ 'ਤੇ ਦੇਖਣਾ ਚਾਹੁੰਦੇ ਹਨ ਪਰ ਸ੍ਰੀਲੰਕਾ 'ਚ ਕੋਈ ਨਹੀਂ ਜਾਣਦਾ ਕਿ ਕਦੋਂ ਕੀ ਹੋ ਜਾਵੇ।

Posted By: Amita Verma