Upcoming IPO : ਅਗਲੇ ਹਫ਼ਤੇ ਖੁੱਲ੍ਹਣ ਵਾਲੇ ਹਨ 3 ਨਵੇਂ ਆਈਪੀਓ, ਸੋਮਵਾਰ ਤੋਂ ਮਿਲੇਗਾ ਪੈਸਾ ਲਗਾਉਣ ਦਾ ਮੌਕਾ; ਕਿਸਦਾ GMP ਸ਼ਾਨਦਾਰ?

ਨਵੀਂ ਦਿੱਲੀ : ਹਰ ਹਫ਼ਤੇ ਦੀ ਤਰ੍ਹਾਂ ਅਗਲੇ ਹਫ਼ਤੇ ਵੀ ਕੁਝ ਨਵੇਂ ਆਈਪੀਓ ਸ਼ੇਅਰ ਬਾਜ਼ਾਰ ਵਿੱਚ ਖੁੱਲ੍ਹਣ ਜਾ ਰਹੇ ਹਨ। ਅਗਲੇ ਹਫ਼ਤੇ ਸ਼ੇਅਰ ਬਾਜ਼ਾਰ ਵਿੱਚ 3 ਨਵੇਂ ਆਈਪੀਓ ਆਉਣ ਵਾਲੇ ਹਨ। ਇਨ੍ਹਾਂ ਵਿੱਚ ਯਾਸ਼ਵੀ ਜੂਲਰਜ਼, ਰਾਜਨੰਦਿਨੀ ਫੈਸ਼ਨ ਇੰਡੀਆ ਅਤੇ ਐੱਸਐੱਮਆਰ ਜਵੈਲਜ਼ ਸ਼ਾਮਲ ਹਨ। ਆਓ ਜਾਣਦੇ ਹਾਂ ਇਨ੍ਹਾਂ ਤਿੰਨਾਂ ਆਈਪੀਓ ਦੀ ਡਿਟੇਲ ਅਤੇ ਚੈੱਕ ਕਰਦੇ ਹਾਂ ਕਿ ਕਿਸਦਾ ਜੀਐੱਮਪੀ ਸਭ ਤੋਂ ਵੱਧ ਹੈ।

Yaashvi Jewellers IPO

ਯਾਸ਼ਵੀ ਜੂਲਰਜ਼ ਦਾ ਐੱਸਐੱਮਈ ਕੈਟੇਗਰੀ ਦਾ ਆਈਪੀਓ 25 ਮਈ ਨੂੰ ਖੁੱਲ੍ਹ ਕੇ 27 ਮਈ ਨੂੰ ਬੰਦ ਹੋਵੇਗਾ। ਇਸ ਆਈਪੀਓ ਵਿੱਚ ਸ਼ੇਅਰਾਂ ਦੀ ਕੀਮਤ 83 ਰੁਪਏ ਤੈਅ ਕੀਤੀ ਗਈ ਹੈ। ਉੱਥੇ ਹੀ ਲੋਟ ਸਾਈਜ਼ 3200 ਸ਼ੇਅਰਾਂ ਦਾ ਹੈ। ਯਾਨੀ ਘੱਟੋ-ਘੱਟ 3200 ਸ਼ੇਅਰ ਅਤੇ ਫਿਰ ਇਸੇ ਦੇ ਗੁਣਾਂਕ ਵਿੱਚ ਸ਼ੇਅਰਾਂ ਲਈ ਅਪਲਾਈ ਕੀਤਾ ਜਾ ਸਕਦਾ ਹੈ।

ਇਨਵੈਸਟਰਗੇਨ ਦੇ ਅਨੁਸਾਰ: ਇਸਦਾ ਜੀਐੱਮਪੀ ਫਿਲਹਾਲ ਜ਼ੀਰੋ ਹੈ ਪਰ ਧਿਆਨ ਰਹੇ ਕਿ ਕਿਸੇ ਵੀ ਕੰਪਨੀ ਦਾ ਜੀਐੱਮਪੀ ਉਸਦੀ ਲਿਸਟਿੰਗ ਤੱਕ ਘਟ ਜਾਂ ਵਧ ਸਕਦਾ ਹੈ।

Rajnandini Fashion India IPO

ਰਾਜਨੰਦਿਨੀ ਫੈਸ਼ਨ ਇੰਡੀਆ ਦਾ ਐੱਸਐੱਮਈ ਕੈਟੇਗਰੀ ਦਾ ਆਈਪੀਓ 26 ਮਈ ਨੂੰ ਖੁੱਲ੍ਹ ਕੇ 29 ਮਈ ਨੂੰ ਬੰਦ ਹੋਵੇਗਾ। ਇਸ ਆਈਪੀਓ ਵਿੱਚ ਸ਼ੇਅਰਾਂ ਦਾ ਪ੍ਰਾਈਸ ਬੈਂਡ 59-63 ਰੁਪਏ ਤੈਅ ਕੀਤਾ ਗਿਆ ਹੈ। ਉੱਥੇ ਹੀ ਲੋਟ ਸਾਈਜ਼ 2000 ਸ਼ੇਅਰਾਂ ਦਾ ਹੈ।

ਜੀਐੱਮਪੀ (GMP ): ਇਨਵੈਸਟਰਗੇਨ ਦੇ ਅਨੁਸਾਰ ਇਸਦਾ ਜੀਐੱਮਪੀ 6 ਰੁਪਏ ਹੈ।

SMR Jewels IPO

ਐੱਸਐੱਮਆਰ ਜਵੈਲਜ਼ ਦਾ ਐੱਸਐੱਮਈ ਕੈਟੇਗਰੀ ਦਾ ਆਈਪੀਓ ਵੀ 26 ਮਈ ਨੂੰ ਖੁੱਲ੍ਹ ਕੇ 29 ਮਈ ਨੂੰ ਬੰਦ ਹੋਵੇਗਾ। ਇਸ ਆਈਪੀਓ ਵਿੱਚ ਸ਼ੇਅਰਾਂ ਦਾ ਪ੍ਰਾਈਸ ਬੈਂਡ 128-135 ਰੁਪਏ ਤੈਅ ਕੀਤਾ ਗਿਆ ਹੈ। ਉੱਥੇ ਹੀ ਲੋਟ ਸਾਈਜ਼ 1000 ਸ਼ੇਅਰਾਂ ਦਾ ਹੈ।