ਨਵੀਂ ਦਿੱਲੀ, ਬਿਜ਼ਨੈੱਸ ਡੈਸਕ । ਬੁੱਧਵਾਰ ਨੂੰ ਸ਼ੇਅਰ ਬਾਜ਼ਾਰ 'ਚ ਕਾਫੀ ਉਤਰਾਅ-ਚੜ੍ਹਾਅ ਦੇਖਣ ਨੂੰ ਮਿਲਿਆ। ਬੁੱਧਵਾਰ ਨੂੰ ਕਾਰੋਬਾਰੀ ਸੈਸ਼ਨ ਦੇ ਅੰਤ 'ਚ ਨਿਫਟੀ 42 ਅੰਕ ਚੜ੍ਹ ਕੇ 17,388 'ਤੇ ਬੰਦ ਹੋਇਆ। ਦੂਜੇ ਪਾਸੇ ਸੈਂਸੇਕਸ 214.17 ਅੰਕ ਜਾਂ 0.37 ਫੀਸਦੀ ਦੇ ਵਾਧੇ ਨਾਲ 58,350.53 'ਤੇ ਬੰਦ ਹੋਇਆ। ਬੁੱਧਵਾਰ ਨੂੰ ਲਗਭਗ 1337 ਸ਼ੇਅਰ ਵਧੇ, 1934 ਸ਼ੇਅਰ ਡਿੱਗੇ ਅਤੇ 133 ਸ਼ੇਅਰ ਬਿਨਾਂ ਬਦਲਾਅ ਦੇ ਰਹੇ।

ਇਸ ਤੋਂ ਪਹਿਲਾਂ ਬੁੱਧਵਾਰ ਨੂੰ ਸ਼ੁਰੂਆਤੀ ਕਾਰੋਬਾਰ 'ਚ ਸੈਂਸੇਕਸ ਲਗਭਗ 236 ਅੰਕ ਡਿੱਗ ਗਿਆ ਸੀ। BSE ਦਾ 30 ਸ਼ੇਅਰਾਂ ਵਾਲਾ ਬੈਂਚਮਾਰਕ ਸ਼ੁਰੂਆਤੀ ਕਾਰੋਬਾਰ 'ਚ 236 ਅੰਕ ਡਿੱਗ ਕੇ 57,899 'ਤੇ ਆ ਗਿਆ। ਦੂਜੇ ਪਾਸੇ NSE ਨਿਫਟੀ 82 ਅੰਕ ਡਿੱਗ ਕੇ 17,263 'ਤੇ ਆ ਗਿਆ। ਨਿਫਟੀ ਬੁੱਧਵਾਰ ਨੂੰ ਉਪਰਲੇ ਬੈਂਡ ਦੇ ਵਿਸਤਾਰ ਦੇ ਨਾਲ ਉੱਚਾ ਉੱਠਦਾ ਰਿਹਾ। ਬਾਜ਼ਾਰ ਮਾਹਰਾਂ ਦਾ ਮੰਨਣਾ ਹੈ ਕਿ ਸ਼ਾਰਟ ਟਰਮ ਟਰੇਡਰ ਸਟਾਕ 'ਚ ਲੰਬੀ ਪੋਜ਼ੀਸ਼ਨ ਰੱਖ ਸਕਦੇ ਹਨ ਅਤੇ ਇਸ ਕਾਰਨ ਨਿਫਟੀ 'ਚ 17150 ਤਕ ਉਲਟਫੇਰ ਹੋ ਸਕਦਾ ਹੈ।

ਕਿਸ ਨੂੰ ਫਾਇਦਾ, ਕਿਸ ਨੂੰ ਨੁਕਸਾਨ

ਨਿਫਟੀ 'ਤੇ ਟੇਕ ਮਹਿੰਦਰਾ, ਟੀਸੀਐਸ, ਇੰਫੋਸਿਸ, ਏਸ਼ੀਅਨ ਪੇਂਟਸ ਅਤੇ ਟਾਈਟਨ ਪ੍ਰਮੁੱਖ ਲਾਭ ਲੈਣ ਵਾਲੇ ਸਨ। ਮਾਰੂਤੀ ਸੁਜ਼ੂਕੀ, ਸਨ ਫਾਰਮਾ, ਟਾਟਾ ਮੋਟਰਜ਼, ਕੋਟਕ ਮਹਿੰਦਰਾ ਬੈਂਕ ਅਤੇ ਕੋਲ ਇੰਡੀਆ ਘਾਟੇ 'ਚ ਹਨ। ਸੂਚਨਾ ਤਕਨਾਲੋਜੀ ਨੂੰ ਛੱਡ ਕੇ ਬਾਕੀ ਸਾਰੇ ਸੂਚਕਾਂਕ ਲਾਲ ਨਿਸ਼ਾਨ 'ਤੇ ਬੰਦ ਹੋਏ। ਅੱਜ ਦੇ ਕਾਰੋਬਾਰ 'ਚ BSE ਮਿਡਕੈਪ ਇੰਡੈਕਸ 0.6 ਫੀਸਦੀ ਅਤੇ ਸਮਾਲਕੈਪ ਇੰਡੈਕਸ 0.28 ਫੀਸਦੀ ਡਿੱਗਿਆ ਹੈ।

ਰੁਪਏ 'ਚ ਵੱਡੀ ਗਿਰਾਵਟ

ਬੁੱਧਵਾਰ ਨੂੰ ਭਾਰਤੀ ਰੁਪਿਆ 45 ਪੈਸੇ ਡਿੱਗ ਕੇ 79.16 ਪ੍ਰਤੀ ਡਾਲਰ 'ਤੇ ਬੰਦ ਹੋਇਆ। ਘਰੇਲੂ ਸ਼ੇਅਰ ਬਾਜ਼ਾਰਾਂ 'ਚ ਕਮਜ਼ੋਰ ਰੁਖ ਨੂੰ ਦੇਖਦੇ ਹੋਏ ਬੁੱਧਵਾਰ ਨੂੰ ਸ਼ੁਰੂਆਤੀ ਕਾਰੋਬਾਰ 'ਚ ਰੁਪਿਆ ਅਮਰੀਕੀ ਡਾਲਰ ਦੇ ਮੁਕਾਬਲੇ 27 ਪੈਸੇ ਕਮਜ਼ੋਰ ਹੋ ਕੇ 78.80 'ਤੇ ਖੁੱਲ੍ਹਿਆ। ਮੰਗਲਵਾਰ ਨੂੰ ਰੁਪਿਆ 53 ਪੈਸੇ ਵਧ ਕੇ 78.71 ਦੇ ਇੱਕ ਮਹੀਨੇ ਦੇ ਉੱਚ ਪੱਧਰ 'ਤੇ ਬੰਦ ਹੋਇਆ। ਮੰਨਿਆ ਜਾ ਰਿਹਾ ਹੈ ਕਿ ਇਸ ਵਿਚ ਉਤਰਾਅ-ਚੜ੍ਹਾਅ ਜਾਰੀ ਰਹੇਗਾ।

Posted By: Neha Diwan