DTH-Cable TV : ਤੁਹਾਡੇ ਕੇਬਲ ਅਤੇ ਡੀਟੀਐੱਚ ਦਾ ਬਿੱਲ ਘੱਟ ਹੋ ਸਕਦਾ ਹੈ। ਭਾਰਤੀ ਦੂਰਸੰਚਾਰ ਰੈਗੂਲੇਟਰੀ ਅਥਾਰਟੀ (TRAI) ਨੇ ਦੂਰਸੰਚਾਰ (ਪ੍ਰਸਾਰਨ ਅਤੇ ਕੇਬਲ) ਸਰਵਿਸ ਟੈਰਿਫ ਆਦੇਸ਼, 2022 ਤੇ ਦੂਰਸੰਚਾਰ (ਪ੍ਰਸਾਰਨ ਅਤੇ ਕੇਬਲ) ਸਰਵਿਸ ਇੰਟਰਕੁਨੈਕਸ਼ਨ (ਚੌਥੀ ਸੋਧ) ਰੈਗੂਲੇਟਰੀ, 2022 ਜਾਰੀ ਕੀਤੀ ਹੈ। ਨਵੇਂ ਨਿਯਮ ਤਹਿਤ 19 ਰੁਪਏ ਤੋਂ ਘੱਟ ਕੀਮਤ ਵਾਲੇ ਚੈਨਲ ਬੁਕੇ 'ਚ ਸ਼ਾਮਲ ਹੋਣਗੇ। ਇਸ ਨਾਲ ਕੇਬਲ ਅਤੇ ਡੀਟੀਐੱਚ (DTH) ਗਾਹਕਾਂ ਨੂੰ ਰਾਹਤ ਮਿਲੇਗੀ। ਨਵੇਂ ਨਿਯਮ 1 ਫਰਵਰੀ 2023 ਤੋਂ ਲਾਗੂ ਹੋਣਗੇ।

45% ਤਕ ਮਿਲ ਸਕਦੀ ਹੈ ਛੋਟ

ਟੀਵੀ ਚੈਨਲਾਂ ਦੀ ਐੱਮਆਰਪੀ 'ਤੇ ਢਿੱਲ ਜਾਰੀ ਰਹੇਗੀ। ਸਿਰਫ਼ ਉਨ੍ਹਾਂ ਨੂੰ ਚੈਨਲਾਂ ਨੂੰ ਬੁਕੇ 'ਚ ਸ਼ਾਮਲ ਕਰਨ ਦੀ ਮਨਜ਼ੂਰੀ ਦਿੱਤੀ ਜਾਵੇਗੀ, ਜਿਨ੍ਹਾਂ ਦੀ MRP 19 ਰੁਪਏ ਜਾਂ ਉਸ ਤੋਂ ਘੱਟ ਹੈ। ਇਕ ਬ੍ਰਾਡਕਾਸਟਰ ਆਪਣੇ ਪੇਅ ਚੈਨਲਾਂ ਦੇ ਬੁਕੇ ਦੀ ਕੀਮਤ ਨਿਰਧਾਰਤ ਰਕਦੇ ਸਮੇਂ ਉਸ ਬੁਕੇ ਸਾਰੇ ਪੇ ਚੈਨਲਾਂ ਦੇ ਕੁੱਲ ਐਮਆਰਪੀ 'ਤੇ ਜ਼ਿਆਦਾਤਰ 45% ਛੋਟ ਦੀ ਪੇਸ਼ਕਸ਼ ਕਰ ਸਕਦਾ ਹੈ। ਕਿਸੇ ਬ੍ਰਾਡਕਾਸਟਰ ਵੱਲੋਂ ਕਿਸੇ ਪੇ-ਚੈਨਲ ਦੇ ਜ਼ਿਆਦਾਤਰ ਰਿਟੇਲ ਪ੍ਰਾਈਸ 'ਤੇ ਇੰਸੈਟਿਵ ਰੂਪ 'ਚ ਦਿੱਤੀ ਜਾਣ ਵਾਲੀ ਛੋਟ ਅ-ਲਾ-ਕਾਰਟੇ ਅਤੇ ਬੁਕੇ ਦੋਵਾਂ 'ਚ ਉਸ ਨੂੰ ਚੈਨਲ ਦੀ ਮੈਂਬਰਸ਼ਿਪ 'ਤੇ ਆਧਾਰਿਤ ਹੋਵੇਗੀ।

ਸਾਰੇ ਬ੍ਰਾਡਕਾਸਟਰ 16 ਦਸੰਬਰ 2022 ਤਕ ਨਾਂ, ਨੇਚਰ, ਭਾਸ਼ਾ, ਚੈਨਲਾਂ ਦੇ ਹਰ ਮਹੀਨੇ MRP ਤੇ ਚੈਨਲਾਂ ਦੇ ਬੁਕੇ ਬਣਾਉਣ ਤੇ ਐੱਮਆਰਪੀ 'ਚ ਕਿਸੇ ਬਦਲਾਅ ਬਾਰੇ ਅਥਾਰਟੀ ਨੂੰ ਰਿਪੋਰਟ ਕਰਨਗੇ ਤੇ ਨਾਲ ਹੀ ਅਜਿਹੀਆਂ ਜਾਣਕਾਰੀਆਂ ਨੂੰ ਆਪਣੀ ਵੈੱਬਸਾਈਟਸ 'ਤੇ ਪ੍ਰਕਾਸ਼ਿਤ ਕਰਨਗੇ।

Posted By: Seema Anand