Income Tax : ਨਈ ਦੁਨੀਆ, ਨਵੀਂ ਦਿੱਲੀ : ਕੇਂਦਰੀ ਵਿੱਤ ਮੰਤਰੀ Nirmala Sitharaman ਨੇ ਸਾਲ 2020 ਦੇ ਬਜਟ 'ਚ ਨਵੀਂ ਇਨਕਮ ਟੈਕਸ ਨੀਤੀ (New Income Tax Regime) ਦਾ ਐਲਾਨ ਕੀਤਾ ਸੀ। ਇਸ ਤਹਿਤ ਕਰਦਾਤਾ ਕੋਲ ਇਨਕਮ ਟੈਕਸ 'ਚ ਛੋਟ ਦਾ ਲਾਭ ਲੈਣ ਲਈ ਪੁਰਾਣੀ ਜਾਂ ਨਵੀਂ ਵਿਵਸਥਾ 'ਚੋਂ ਕਿਸੇ ਇਕ ਨੂੰ ਚੁਣਨ ਦਾ ਬਦਲ ਸੀ। ਨਵੀਂ ਟੈਕਸ ਵਿਵਸਥਾ 1 ਅਪ੍ਰੈਲ 2020 ਤੋਂ 31 ਮਾਰਚ 2021 ਤਕ ਕੀਤੀ ਕਮਾਈ 'ਤੇ ਲਾਗੂ ਹੈ। ਕੇਂਦਰੀ ਪ੍ਰਤੱਖ ਕਰ ਬੋਰਡ (CBDT) ਨੇ ਉਨ੍ਹਾਂ ਨੌਕਰੀ ਕਰਨ ਵਾਲਿਆਂ ਲਈ ਨਵਾਂ ਨੋਟੀਫਿਕੇਸ਼ਨ ਜਾਰੀ ਕੀਤਾ ਹੈ ਜਿਨ੍ਹਾਂ ਨੇ ਨਵੀਂ ਵਿਵਸਥਾ ਤਹਿਤ ਟੈਕਸ ਛੋਟ ਦਾ ਬਦਲ ਚੁਣਿਆ ਹੈ। ਅਜਿਹੇ ਮੁਲਾਜ਼ਮਾਂ ਨੂੰ ਮਿਲਣ ਵਾਲੇ ਕੁਝ ਭੱਤਿਆਂ ਨੂੰ ਟੈਕਸ ਦੇ ਦਾਇਰੇ 'ਚੋਂ ਬਾਹਰ ਰੱਖਿਆ ਗਿਆ ਹੈ।

ਇਨ੍ਹਾਂ ਭੱਤਿਆਂ 'ਚ ਮਿਲ ਸਕੇਗੀ ਛੋਟ

CBDT ਨੇ ਨਵੀਂ ਟੈਕਸ ਵਿਵਸਥਾ ਚੁਣਨ ਵਾਲਿਆਂ ਲਈ ਨਿਯਮ 2BB 'ਚ ਸੋਧ ਕਰ ਕੇ ਕੁਝ ਭੱਤਿਆਂ ਨੂੰ ਟੈਕਸ ਦੇ ਦਾਇਰੇ 'ਚੋਂ ਬਾਹਰ ਰੱਖਿਆ ਹੈ। ਇਸ ਤਹਿਤ ਨੌਕਰੀ ਕਰਨ ਵਾਲੇ ਲੋਕ ਆਮਦਨ ਕਰ ਦੀ ਧਾਰਾ 10(14) ਤਹਿਤ ਟੂਰ ਭੱਤਾ (Tour Allowance) ਜਾਂ ਟਰਾਂਸਫਰ ਭੱਤਾ (Transfer Allowance) 'ਤੇ ਟੈਕਸ ਛੋਟ ਦਾ ਦਾਅਵਾ ਕਰ ਸਕਦੇ ਹਨ। ਇਸ ਤੋਂ ਇਲਾਵਾ ਯਾਤਰਾ ਦੌਰਾਨ ਹੋਣ ਵਾਲੇ ਰੋਜ਼ ਦੇ ਖ਼ਰਚੇ (Daily Allowance) ਬਦਲੇ ਕੰਪਨੀ ਵੱਲੋਂ ਮਿਲਣ ਵਾਲੇ ਭੱਤੇ ਵੀ ਟੈਕਸ ਛੋਟ ਦੇ ਦਾਇਰੇ 'ਚ ਆਉਣਗੇ। Central Board of Direct Taxes ਦੇ ਨੋਟੀਫਿਕੇਸ਼ਨ ਅਨੁਸਾਰ ਅਧਿਕਾਰਤ ਡਿਊਟੀ ਦੌਰਾਨ ਕਿਤੇ ਆਉਣ-ਜਾਣ ਲਈ ਵਰਤੋਂ 'ਚ ਲਿਆਂਦੇ ਗਏ ਵਾਹਨ ਦੇ ਕਿਰਾਏ (Conveyance Allowance) 'ਤੇ ਵੀ ਨੌਕਰੀ ਕਰਨ ਵਾਲੇ ਮੁਲਾਜ਼ਮ ਟੈਕਸ ਛੋਟ ਲਈ ਅਪਲਾਈ ਕਰ ਸਕਦੇ ਹਨ।

ਦਿਵਿਆਂਗ ਮੁਲਾਜ਼ਮਾਂ ਨੂੰ ਇਸ ਭੱਤੇ 'ਤੇ ਟੈਕਸ ਛੋਟ

ਇਸ ਤੋਂ ਇਲਾਵਾ ਦਿਵਿਆਂਗ ਮੁਲਾਜ਼ਮਾਂ (Handicapped) ਨੂੰ ਕੰਪਨੀ ਵੱਲੋਂ ਦਿੱਤਾ ਜਾਣ ਵਾਲਾ ਟਰਾਂਸਪੋਰਟ ਭੱਤਾ (Transport) ਵੀ ਛੋਟ ਦੇ ਦਾਇਰੇ 'ਚ ਆਉਂਦਾ ਹੈ। ਉਹ ਇਸ ਦੇ ਲਈ ਹਰ ਮਹੀਨੇ 3200 ਰੁਪਏ ਤਕ ਦੀ ਛੋਟ ਲੈ ਸਕਦੇ ਹਨ।

CBDT ਨੇ ਸਪੱਸ਼ਟ ਕੀਤਾ ਹੈ ਕਿ ਅਨੁਲਾਭ ਦਾ ਮੁੱਲ ਨਿਰਧਾਰਨ ਕਰਦੇ ਸਮੇਂ ਕੰਪਨੀ ਵੱਲੋਂ ਦਿੱਤੇ ਵਾਊਚਰ ਜ਼ਰੀਏ ਮੁਫ਼ਤ ਭੋਜਨ ਤੇ ਹੋਰ ਵਸਤਾਂ ਸਬੰਧੀ ਕੋਈ ਛੋਟ ਨਹੀਂ ਮਿਲੇਗੀ।

Posted By: Seema Anand