ਨਈਂ ਦੁਨੀਆ : EPFO ਕੋਰੋਨਾ ਵਾਇਰਸ ਮਹਾਮਾਰੀ ਦੇ ਦੌਰ 'ਚ ਲੱਖਾਂ ਲੋਕਾਂ ਨੂੰ ਨੌਕਰੀ ਤੋਂ ਕੱਢ ਦਿੱਤਾ ਗਿਆ, ਉੱਥੇ ਹੀ ਹਜ਼ਾਰਾਂ ਕੰਪਨੀਆਂ ਨੇ ਆਪਣੇ ਮੁਲਾਜ਼ਮਾਂ ਦੀ ਸੈਲਰੀ 'ਚ ਕਟੌਤੀ ਕੀਤੀ। ਸੰਕਟ ਦੇ ਸਮੇਂ 'ਚ ਮੁਲਾਜ਼ਮਾਂ ਲਈ ਕਰਮਚਾਰੀ ਭਵਿੱਖ ਫੰਡ ਸੰਗਠਨ ਸਭ ਤੋਂ ਵੱਡੇ ਮਦਗਾਰ ਦੇ ਰੂਪ 'ਚ ਉਭਰਿਆ। EPFO ਨੇ ਇਸ ਮਹਾਮਾਰੀ ਦੇ ਮੱਦੇਨਜ਼ਰ ਆਪਣੇ ਮੈਂਬਰਾਂ ਨੂੰ ਪੈਸੇ ਕੱਢਵਾਉਣ ਦੇ ਨਿਯਮਾਂ 'ਚ ਰਾਹਤ ਪ੍ਰਦਾਨ ਕੀਤੀ ਸੀ। ਕੇਂਦਰ ਸਰਕਾਰ ਨੇ ਸੋਮਵਾਰ ਨੂੰ ਮੌਨਸੂਨ ਪੱਧਰ ਦੇ ਦੌਰਾਨ ਸੰਸਦ 'ਚ ਦੱਸਿਆ ਕਿ ਕੋਰੋਨਾ ਲਾਕਡਾਊਨ ਦੌਰਾਨ 25 ਮਾਰਚ ਤੋਂ ਲੈ ਕੇ 31 ਅਗਸਤ ਵਿਚਕਾਰ EPF ਮੈਂਬਰਾਂ ਨੇ 39,402 ਕਰੋੜ ਰੁਪਏ ਕੱਢਵਾਏ।

ਕਿਰਤ ਮੰਤਰੀ ਸੰਤੋਸ਼ ਗੰਗਵਾਰ ਨੇ ਲੋਕ ਸਭਾ ਨੂੰ ਦਿੱਤੇ ਲਿਖਤੀ ਜਵਾਬ 'ਚ ਦੱਸਿਆ ਕਿ 25 ਮਾਰਚ 2020 ਤੋਂ 31 ਅਗਸਤ 2020 ਵਿਚਕਾਰ EPF ਤੋਂ 39402.94 ਕਰੋੜ ਰੁਪਏ ਕੱਢਵਾਏ ਗਏ। ਇਸ 'ਚ ਸਭ ਤੋਂ ਜ਼ਿਆਦਾ ਰਾਸ਼ੀ ਮਹਾਰਾਸ਼ਟਰ 'ਚ ਕੱਢੀ ਗਈ। ਇਸ ਦੇ ਬਾਅਦ ਕਰਨਾਟਕ ਦੇ ਲੋਕਾਂ ਨੇ ਈਪੀਐੱਫ ਅਕਾਊਂਟ ਤੋਂ 5743.96 ਕਰੋੜ ਰੁਪਏ ਤੇ ਤਾਮਿਲਨਾਡੂ-ਪੁਡੂਚੇਰੀ 4984.51 ਕਰੋੜ ਰੁਪਏ ਕੱਢਾਏ।

ਅਪ੍ਰੈਲ ਤੋਂ ਅਗਸਤ ਦੌਰਾਨ EPFO ਨੇ 94.41 ਲੱਖ ਦਾਅਵੇ ਸੈਟਲ ਕੀਤੇ, ਜਿਨ੍ਹਾਂ ਦੇ ਜ਼ਰੀਏ 354455 ਕਰੋੜ ਰੁਪਏਵ ਕੱਢੇ ਗਏ। ਇਹ ਪਿਛਲੇ ਸਾਲ ਅਪ੍ਰੈਲ ਤੋਂ ਅਗਸਤ ਵਿਚਕਾਰ ਹੋਏ ਦਾਵਿਆਂ ਦੀ ਤੁਲਨਾ 'ਚ 32 ਫੀਸਦੀ ਜ਼ਿਆਦਾ ਸੀ। ਅਪ੍ਰੈਲ ਤੋਂ ਅਗਸਤ ਦੌਰਾਨ Covid-19 ਐਡਵਾਂਸ ਤੋਂ ਸਬੰਧਿਤ 55 ਫੀਸਦੀ ਐਡਵਾਂਸ ਦਾਵੇ ਸੈਟਲ ਕੀਤੇ ਗਏ।

ਸੰਤੋਸ਼ ਗੰਗਵਾਰ ਨੇ ਦੱਸਿਆ ਕਿ ਆਰਥਿਕ ਰਾਹਤ ਦੇਣ ਲਈ ਈਪੀਐੱਫ ਨੇ ਆਪਣੇ 12 ਫੀਸਦੀ ਯੋਗਦਾਨ ਦੇ ਨਾਲ ਹੀ ਮੁਲਾਜ਼ਮਾਂ ਦੇ 12 ਫੀਸਦੀ ਯੋਗਦਾਨ ਦਾ ਰੇਟ ਛੇ ਮਹੀਨਿਆਂ ਤਕ ਚੁੱਕਿਆ। ਇਹ ਸੁਵਿਧਾ ਉਨ੍ਹਾਂ ਸੰਸਥਾਨਾਂ ਨੂੰ ਦਿੱਤੀ ਗਈ, ਜਿੱਥੇ 100 ਜਾਂ ਘੱਟ ਮੁਲਾਜ਼ਮਾਂ ਹਨ ਤੇ 90 ਫੀਸਦੀ ਮੁਲਾਜ਼ਮਾਂ ਦੀ ਤਨਖ਼ਾਹ 15000 ਰੁਪਏ ਤੋਂ ਘੱਟ ਹੈ। ਇਸ ਦੇ ਇਲਾਵਾ ਸਰਕਾਰ ਨੇ ਮਈ, ਜੂਨ ਜੁਲਾਈ ਲਈ , EPF 'ਚ ਮੁਲਾਜ਼ਮਾਂ ਦੇ ਯੋਗਦਾਨ ਨੂੰ 12 ਫੀਸਦੀ ਤੋਂ ਘਟਾ ਕੇ 10 ਫੀਸਦੀ ਕੀਤਾ ਸੀ, ਜਿਸ ਦੀ ਵਜ੍ਹਾ ਨਾਲ ਮੁਲਾਜ਼ਮਾਂ ਦੇ ਹੱਥ 'ਚ ਜ਼ਿਆਦਾ ਸੈਲਰੀ ਪਹੁੰਚੀ।

Posted By: Sarabjeet Kaur