ਨਵੀਂ ਦਿੱਲੀ, ਪੀਟੀਆਈ : ਕੋਰੋਨਾ ਵਾਇਰਸ ਦੇ ਕਹਿਰ ਕਾਰਨ ਕਈ ਤਰ੍ਹਾਂ ਦੇ ਯਾਤਰੀਆਂ 'ਤੇ ਪਾਬੰਦੀ ਹੈ। ਇਸ ਦੌਰਾਨ ਸਿਰਫ਼ ਜ਼ਰੂਰੀ ਸਹੂਲਤਾਂ ਹੀ ਮੁਹੱਇਆ ਕਰਵਾਈ ਜਾ ਰਹੀ ਹੈ। ਇਸ ਲਈ ਚਾਲੂ ਵਿੱਤੀ ਸਾਲ 'ਚ ਘਰੇਲੂ ਹਵਾਈ ਯਾਤਰੀਆਂ ਦੀ ਗਿਣਤੀ ਘੱਟ ਕੇ ਅੱਠ ਤੋਂ ਨੌ ਕਰੋੜ ਰਹਿ ਜਾਣ ਦੀ ਸੰਭਾਵਨਾ ਹੈ। ਏਅਰਲਾਈਨ ਪਰਾਮਰਸ਼ ਕੰਪਨੀ ਸੀਏਪੀਏ ਇੰਡੀਆ ਨੇ ਸੋਮਵਾਰ ਨੂੰ ਰਿਪੋਰਟ ਜਾਰੀ ਕੀਤੀ। ਇਸ ਰਿਪੋਰਟ ਮੁਤਾਬਕ ਕੰਪਨੀਆਂ ਦੇ ਆਰਡਰ ਵਾਲੇ 200 ਤੋਂ ਵੱਧ ਜਹਾਜ਼ਾਂ ਦੀ ਸਪਲਾਈ ਵੀ ਦੋ ਸਾਲ ਤਕ ਟਲ ਸਕਦੀ ਹੈ।

ਕੰਪਨੀ ਨੇ ਆਪਣੀ ਰਿਪੋਰਟ 'ਚ ਦੱਸਿਆ ਕੋਵਿਡ-19 ਤੇ ਭਾਰਤੀ ਵਿਮਾਨ ਉਦਯੋਗ ਦੀ ਸਥਿਤੀ 'ਚ ਵਿੱਤੀ ਸਾਲ 2020-21 'ਚ ਘਰੇਲੂ ਹਵਾਈ ਯਾਤਰੀਆਂ ਦੀ ਗਿਣਤੀ ਘੱਟ ਕੇ ਅੱਠ ਤੋਂ ਨੌ ਕਰੋੜ ਦਾ ਅੰਦਾਜ਼ਾ ਜਤਾਇਆ ਹੈ। ਪਹਿਲਾਂ ਇਹ ਅੰਦਾਜ਼ਾ 14 ਕਰੋੜ ਯਾਤਰੀਆਂ ਦਾ ਸੀ। ਰਿਪੋਰਟ ਅਨੁਸਾਰ ਦੇਸ਼ ਤੋਂ ਬਾਹਰ ਸਫਰ ਕਰਨ ਵਾਲੇ ਅੰਤਰਰਾਸ਼ਟਰੀ ਹਵਾਈ ਯਾਤਰੀਆਂ ਦੀ ਗਿਣਤੀ ਵੀ ਘੱਟ ਕੇ ਸਾਢੇ ਤਿੰਨ ਤੋਂ ਚਾਰ ਕਰੋੜ ਰਹਿਣ ਦਾ ਅੰਦਾਜ਼ਾ ਹੈ ਜੋ ਪਿਛਲੇ ਵਿੱਤੀ ਸਾਲ 'ਚ ਸੱਤ ਕਰੋੜ ਸੀ।

ਰਿਪੋਰਟ 'ਚ ਕਿਹਾ ਗਿਆ ਹੈ ਕੋਰੋਨਾ ਵਾਇਰਸ ਸੰਕਟ ਨਾਲ ਜੁੜੇ ਯਾਤਰਾ ਪਾਬੰਦੀ ਤੇ ਆਰਥਿਕ ਗਤੀਵਿਧੀਆਂ 'ਚ ਨਰਮੀ ਨਾਲ ਵਿੱਤੀ ਸਾਲ 2020-21 ਦੀ ਪਹਿਲੀ ਤਿਮਾਹੀ ਭਾਰਤੀ ਉਦਯੋਗ ਲਈ ਕੁਝ ਘੱਟ ਨਹੀਂ ਹੋਵੇਗੀ।

ਰਿਪੋਰਟ 'ਚ ਦੱਸਿਆ ਗਿਆ ਹੈ ਕਿ ਦੂਜੀ ਤਿਮਾਹੀ 'ਚ ਵੀ ਬਾਜ਼ਾਰ 'ਚ ਇਤਿਹਾਸਕ ਮੰਗ ਦੀ ਕਮੀ 'ਚੋਂ ਗੁਜ਼ਰੇਗੀ ਤੇ ਜਹਾਜ਼ ਕੰਪਨੀਆਂ ਆਮ ਤੌਰ 'ਤੇ ਹਾਲਾਤ ਸੁਧਾਰਣ ਵੱਲ ਧਿਆਨ ਵਧੇਗਾ। ਸੀਏਪੀਏ ਨੇ ਕਿਹਾ ਕਿ ਚਾਲੂ ਵਿੱਤੀ ਸਾਲ ਦੀਆਂ ਪਹਿਲੀਆਂ ਕੰਪਨੀਆਂ ਦੇ ਕੋਲ ਜ਼ਰੂਰਤ ਤੋਂ ਵੱਧ ਜਹਾਜ਼ੀ ਬੇੜਾ ਉਪਲਬਧ ਹੋਵੇਗਾ। ਕੰਪਨੀ ਨੇ ਕਿਹਾ ਕਿ ਇਹ ਸ਼ੁਰੂਆਤੀ ਅੰਦਾਜ਼ਾ ਹੈ ਤੇ ਸਮੇਂ ਦੇ ਨਾਲ ਇਸ 'ਚ ਸੰਸ਼ੋਧਨ ਵੀ ਹੋ ਸਕਦਾ ਹੈ।

Posted By: Rajnish Kaur