ਜੇਐੱਨਐੱਨ, ਨਵੀਂ ਦਿੱਲੀ : ਡਾਬਰ ਇੰਟਰਨੈਸ਼ਨਲ ਲਿਮਟਿਡ 'ਚ ਵੱਡਾ ਪ੍ਰਸ਼ਾਸਨਿਕ ਫੇਰਬਦਲ ਦੇਖਿਆ ਜਾ ਰਿਹਾ ਹੈ। ਕੰਪਨੀ ਦੇ ਮੌਜੂਦਾ ਸੀਈਓ ਕ੍ਰਿਸ਼ਨ ਕੁਮਾਰ ਚੁਟਾਨੀ ਨੇ ਕੰਪਨੀ ਤੋਂ ਅਸਤੀਫਾ ਦੇ ਦਿੱਤਾ ਹੈ। ਉਨ੍ਹਾਂ ਦੀ ਥਾਂ 'ਤੇ ਰਾਘਵ ਅਗਰਵਾਲ ਨੂੰ ਕੰਪਨੀ ਦਾ ਨਵਾਂ ਸੀਈਓ ਨਿਯੁਕਤ ਕੀਤਾ ਗਿਆ ਹੈ। ਅਗਰਵਾਲ ਬਿਟਸ ਪਿਲਾਨੀ ਤੋਂ ਗ੍ਰੈਜੂਏਟ ਹੈ, ਜਦੋਂ ਕਿ ਆਈਆਈਐਮ ਲਖਨਊ ਤੋਂ ਐਮਬੀਏ।

ਡਾਬਰ ਇੰਟਰਨੈਸ਼ਨਲ ਲਿਮਿਟੇਡ ਡਾਬਰ ਇੰਡੀਆ ਲਿਮਟਿਡ ਦੀ ਇੱਕ ਸਹਾਇਕ ਕੰਪਨੀ ਹੈ, ਜੋ ਭਾਰਤ ਵਿੱਚ ਸਟਾਕ ਐਕਸਚੇਂਜ ਵਿੱਚ ਸੂਚੀਬੱਧ ਹੈ। ਕੰਪਨੀ ਦੀ ਵੈੱਬਸਾਈਟ ਦੇ ਅਨੁਸਾਰ, ਹੈੱਡਕੁਆਰਟਰ ਦੁਬਈ, ਸੰਯੁਕਤ ਅਰਬ ਅਮੀਰਾਤ ਵਿੱਚ ਸਥਿਤ ਹੈ। ਇਹ ਕੰਪਨੀ ਡਾਬਰ ਇੰਡੀਆ ਲਿਮਟਿਡ ਦੇ ਅੰਤਰਰਾਸ਼ਟਰੀ ਕਾਰੋਬਾਰ ਨੂੰ ਸੰਭਾਲਦੀ ਹੈ। ਕੰਪਨੀ ਦਾ ਕਾਰੋਬਾਰ ਦੁਨੀਆ ਦੇ 120 ਤੋਂ ਵੱਧ ਦੇਸ਼ਾਂ ਵਿੱਚ ਫੈਲਿਆ ਹੋਇਆ ਹੈ।

ਭਾਰਤ ਦੀ ਚੌਥੀ ਸਭ ਤੋਂ ਵੱਡੀ FMGC ਕੰਪਨੀ

ਕੰਪਨੀ ਦੀ ਵੈੱਬਸਾਈਟ ਦੇ ਅਨੁਸਾਰ, ਡਾਬਰ ਇੰਡੀਆ ਲਿਮਟਿਡ ਭਾਰਤ ਵਿੱਚ ਚੌਥੀ ਸਭ ਤੋਂ ਵੱਡੀ FMCG ਕੰਪਨੀ ਹੈ। ਕੰਪਨੀ ਦੀ ਲਗਭਗ 10,800 ਕਰੋੜ ਰੁਪਏ ਦੀ ਆਮਦਨ ਹੈ ਅਤੇ 1,00,000 ਕਰੋੜ ਰੁਪਏ ਤੋਂ ਵੱਧ ਦਾ ਬਾਜ਼ਾਰ ਮੁੱਲ ਹੈ। ਇਸਦੀ ਡਾਬਰ ਆਪਣੇ ਆਪ ਨੂੰ ਦੁਨੀਆ ਦੀ ਸਭ ਤੋਂ ਵੱਡੀ ਆਯੁਰਵੈਦਿਕ ਅਤੇ ਕੁਦਰਤੀ ਸਿਹਤ ਦੇਖਭਾਲ ਕੰਪਨੀ ਹੋਣ ਦਾ ਦਾਅਵਾ ਕਰਦੀ ਹੈ। ਕੰਪਨੀ ਕੋਲ 250 ਤੋਂ ਵੱਧ ਹਰਬਲ/ਆਯੁਰਵੈਦਿਕ ਉਤਪਾਦਾਂ ਦਾ ਪੋਰਟਫੋਲੀਓ ਹੈ।

ਕੰਪਨੀ ਦੇ ਕਾਰੋਬਾਰ ਦੇ ਬ੍ਰਾਂਡ ਮੱਧ ਪੂਰਬ ਦੇ ਦੇਸ਼ਾਂ, ਸਾਰਕ ਦੇਸ਼ਾਂ, ਅਫਰੀਕਾ, ਅਮਰੀਕਾ, ਯੂਰਪ ਅਤੇ ਰੂਸ ਵਿੱਚ ਬਹੁਤ ਮਸ਼ਹੂਰ ਹਨ। ਕੰਪਨੀ ਦੀ ਕੁੱਲ ਆਮਦਨ ਦਾ 27 ਫ਼ੀਸਦੀ ਵਿਦੇਸ਼ਾਂ ਤੋਂ ਆਉਂਦਾ ਹੈ।

ਡਾਬਰ ਇੰਡੀਆ ਦੀ ਸ਼ੁਰੂਆਤ

ਡਾਬਰ ਇੰਡੀਆ 137 ਸਾਲ ਪੁਰਾਣੀ ਆਯੁਰਵੈਦਿਕ ਕੰਪਨੀ ਹੈ। ਕੰਪਨੀ ਬਰਮਨ ਪਰਿਵਾਰ ਦੁਆਰਾ 1884 ਵਿੱਚ ਕੋਲਕਾਤਾ ਵਿੱਚ ਸ਼ੁਰੂ ਕੀਤੀ ਗਈ ਸੀ।

Posted By: Jaswinder Duhra